2/1「左右紅藍綠」：建議港鐵引入女性專用車廂

今日(2/1)「左右紅藍綠」節目，發言的團體代表指出，香港近年的風化案，尤其在公共交通工具發生的有上升趨勢，
而不少受害人不敢或沒有報案，目擊者也甚少施出援手。

她指出港鐵設立女性專用車廂可以減少非禮案件發生，而法庭在一些風化案宣判時的判辭，也指出港鐵應設立女性專用車廂，
她更舉台灣及日本的例子，認為設立後的成效顯著，香港無理由不去跟隨實行。

各位認為，香港若引入女性專用車廂，究竟有什麼困難？

究竟﹐要設立女性專卡的目的主原是什麼?

真係風化案多?  
會不會是女性自己有份做成?  這一句大家可能可以講做歪理﹐但只要女仕們遇到非禮等事情﹐有沒有啞忍?  

啞忍只是令這少數色狼得寸進尺﹐以為唔會有失手的一日﹐便會繼續作惡。他人看到被捉到的機會低﹐便可能貪刺激去彷效﹐又多一個色狼出現。

只要女仕們高聲呼叫﹐不少人都會出手幫忙的﹐由交警方處理﹐這才是有效打擊風化案。


設立女性專卡﹐根本是斬腳趾避沙蟲的行為。
實行起來﹐正如mtr 之前所講﹐點解又無男性專卡? 玩政策歧視?

同時﹐一班朋友有男有女的﹐去到男女共用的車卡﹐一樣人多﹐咪一樣有機會遇到風化案。我可以講﹐如女仕們繼續啞忍﹐那時色狼更集中在這些男女共用車卡﹐更易作案。

設立專卡後﹐也會影響到整體列車實際載客﹐令到乘客分佈不平均。以及執行時﹐會遇到不少麻煩﹐不少人真係會無意入錯車卡(例如一到月台便追車上﹐月台講電話無為意)﹐職員乘客的衝突也會因此而增加。


都是歸根究底﹐大家合作捉拿犯案者﹐直接打擊罪犯﹐好比想方法途避為佳。
如果是宗教理由等因素而設立專卡﹐其他人不會介意。如果不是這方面的理由﹐香港人及外地朋友又會點睇點去想這個地方? 好自然會向犯罪率高的方面去想﹐不是一件好事。

原帖由 dippy 於 2011-2-1 02:46 PM 發表
如果係實行
就唔該第一卡係男性專用, 第八卡係女性專用
咁先致唔會性別岐視
如果唔係實有人司法覆核
再唔係就成抽車平分, 每邊四卡
但係當然, 香港女多男少, 平分一部車之後邊個蝕底就... ...

平分4卡西鐵點處理?  一家大細又點攪亞爸同仔要第1卡﹐亞媽同個女要第2卡
情侶要全程分開2卡﹐一直用電話傳情

到最後咪又係男女共用的車卡最多人囉﹐專卡咪只有獨行俠﹐比較少人囉。
介時﹐可能出現共用車卡有一堆人迫唔到上車﹐有人眼白白睇見專卡有位又唔上得。

原帖由 dippy 於 2011-2-1 03:06 PM 發表
成個建議本身就係有問題
只係將個問題放大會容易解得明

個人係支持唔好搞專卡, 因為以香港人連行多度門都嫌煩
搞完都無乜人會特登行過去

唔好話行多度門啦﹐連上左車行入少少都煩﹐想用的人又點會特登行去專卡呀

不過在日本部份鐵路公司已經設置女性專卡，但有部份團體提出反對。

最太問題如果成行的話，將會在繁忙時間要好似片段中咁樣
http://www.youtube.com/watch?v=b0A9-oUoMug&feature=related

超載會造成廷誤的話。對MTR無好處。

極端d, 前排先有單非禮案件係同性非禮成立, 是否有某一性別的專用車箱,
就可以防止非禮問題?

其實將男女性別再用簡單的二分法, 已經好難成立, 外國連廁所都開始興
unisex, 香港到2011年先黎講坐車要男女分開, 會唔會落後左d呢....?

正如之前版友講左, 如有發現不當的行為, 不論男女老少, 都應該報警處理,
而唔係整埋呢d 方法去途避一d可能問題..

日本設立女性專用卡係因為 "癡漢" 問題長時間未能有效解決
而且, 以往女性專用卡係晌特定時段才提供 (例如晚上時段)
另外在主要車站加派人手在專用卡附近提供協助
現在係有部份鐵路係實行全日專用卡

但我睇, 人地可以實行的原因係自律性問題
所以優先席, 列車內用 silent mode 完全沒有問題

返番嚟香港, 睇下優先席計劃
到最後坐晌度的有幾多係優先人士?
再加上越來越多豉油行人士
好多時都視之為無物
我覺得推行了專用卡制度, 都有相當部份的人士不予理會
再加上港鐵會否加派人手在實施時段提供支援也成疑

所以這一刻我是持保留態度

原帖由 eric278 於 2011/2/1 13:41 發表
今日(2/1)「左右紅藍綠」節目，發言的團體代表指出，香港近年的風化案，尤其在公共交通工具發生的有上升趨勢，
而不少受害人不敢或沒有報案，目擊者也甚少施出援手。

她指出港鐵設立女性專用車廂可以減少非禮案件發生，而法庭在 ...

首相閣下又有咩見解先?