駕駛分享：行荃錦公路比電車單推到傻...

尋晚半夜兩點幾同朋友去完元朗，我自己就開走我朋友架335i Coupe放住係我度先，我難得又有車開，
所以特意經荃錦公路再經葵涌道, 西廊出旺角，再去清水灣，才捨得返回銅鑼灣屋企訓。

荃錦公路由上村上山一段本身好寧靜，上到差不多到英雄亭時開始聽到其他車的引擎咆哮聲，
不久有兩架電單車一齊殺到，之後一路推住我上，但可能荃錦北段急彎多，唔爬我頭(我自問上山都開得唔慢)，
結果在上山一段我就一直比佢地推到唔敢剎車，真係好似貼住我車尾上咁...

最後用了約5-6分鐘由上村上到荃錦坳，其中一架亡命電車車終於爬到我頭，不過另一架就趕唔切在落山第一個左急彎前爬我頭，
自此我架335i就一直被這兩架一前一後咁夾住行，而我前車就一直係度「表演」騎技，過急彎時見佢個膝頭貼住條路過，
周不時又小角度咁起頭, 過微彎仲玩類似甩尾(聽到胎響聲)，原來香港都有人玩電車單玩到咁瘋狂，真是大開眼界，
最後我也只花了約10-11分鐘便行畢整條荃錦公路，快唔快就見人見智，不過做到呢個時間都竟然俾電單車咁推法。
小弟對電單車了解極少，如果無睇錯果兩架就應該90%是意大利Ducati的電單車，Ducati出品的電單車真係唔講得少，
如果我真係同佢地玩，我相信部335i應該都是食塵，真係比佢推到想投降......

PS：之後我由先達廣場經亞皆老街, 太子道東, 新清水灣道, 清水灣道到清水灣二灘停車場遊下車河，竟然只花了15分鐘就到，
BMW 335i的直六Twin-Turbo簡直是超強，真是一開就愛上左佢，BMW的直六引擎果然夠堅，有錢的話真係出返部先得

[ 本帖最後由 volvo_chan 於 2011-3-2 16:23 編輯 ]

行荃錦D朋友，好似好多都鐘意推下背，露下兩手。講下其中一次經歷。

小弟有晚七、八點渣車由上村出荃灣，行荃錦南行，去到甲龍見到前面有部貨灣，自此一路保持十幾廿個車位的距離。
上到頂架灣駛入巴士站俾我爬頭，之後落斜段路，小弟用合法車速的上限落斜，但架灣竟然一路貼住我背行。
去到下個避車處索性俾架灣過番頭，自此架灣就絕塵而去。

如果我唔係開得慢而比人推,我唔會理佢,嬲起上黎整腳brake佢嘆下,睇下佢仲推唔推

原帖由 hr1918 於 2011-2-24 18:10 發表
如果我唔係開得慢而比人推,我唔會理佢,嬲起上黎整腳brake佢嘆下,睇下佢仲推唔推

你今年貴庚？玩野會死人你覺得好開心？

原帖由 arhang2001 於 2011-3-2 16:02 發表


你今年貴庚？玩野會死人你覺得好開心？

如果比人推,我唔係開得慢,唔係阻住條快線,但都照推,唔通我要比佢越推越快"配合"佢?到底邊個玩野在先?
你唔駛理我貴庚, 整腳brake又唔一定重brake,就算我唔玩野,我真係需要急停時咁點算?
如果係佢自己隊埋黎撞死佢自己,咁你要問佢點解佢要跟到貼一貼又收唔切喇

原帖由 hr1918 於 2011-3-4 00:00 發表


如果比人推,我唔係開得慢,唔係阻住條快線,但都照推,唔通我要比佢越推越快"配合"佢?到底邊個玩野在先?
你唔駛理我貴庚, 整腳brake又唔一定重brake,就算我唔玩野,我真係需要急停時咁點算?
如果係佢自己隊埋黎撞死佢 ...

荃錦得來回各一條線，請問邊度有快線?

原帖由 volvo_chan 於 2011-2-22 20:44 發表
尋晚半夜兩點幾同朋友去完元朗，我自己就開走我朋友架335i Coupe放住係我度先，我難得又有車開，
所以特意經荃錦公路再經葵涌道, 西廊出旺角，再去清水灣，才捨得返回銅鑼灣屋企訓。

荃錦公路由上村上山一段本身好寧靜，上 ...

I drove 335 sedan once and the power is delivered smoothly responsively. Since that experience,
I prefer the direct injection plus turbos and I am wondering how powerful will be in 2012 E500
couple which will be equipped with 4.7L V8 Twin Turbo

其實以前補鐘, 師傅都有講, 如果有車跟好貼, 係俾少少brake, 目的唔係意外,
係用紅尾燈俾d 示意佢, 等佢唔敢跟咁貼, 直言, 保持車距, 是基本安全守則同禮貌

而且, 正常情況下, 如果路面情況有變, 或我覺得速度唔合適, 都真是需要落brake..
呢d人自己玩命, 無人幫到...

當然, 如果有位讓, 我多數都讓, 一黎禮貌上自己唔夠佢快, 都唔想阻佢...二黎廢事俾
呢d人累死...

原帖由 3ASV196 於 2011-3-11 09:35 發表
其實以前補鐘, 師傅都有講, 如果有車跟好貼, 係俾少少brake, 目的唔係意外,
係用紅尾燈俾d 示意佢, 等佢唔敢跟咁貼, 直言, 保持車距, 是基本安全守則同禮貌

而且, 正常情況下, 如果路面情況有變, 或我覺得速度唔合 ...

有d 人話唔係開得慢又俾人推就會醒brake 俾人地丫嘛。

問題係咩叫唔係開得慢先？我早兩日夠上大山，我夠覺得自己唔慢，仲可以爬左架唔肯讓人既大發Atrai 7頭添，快到咁幾勁先!  咪又俾架S3 放到粒星咁。

頂住人唔俾人過頭，仲加腳brake，到人地有能力過完你玩返你轉頭果陣唔好喊住又話要報警又盛lor。

我覺得作為一個負責任嘅駕駛人, 除咗要保障自己所控制之車輛的安全外, 亦應該在能力做得到的情況下去
保障其他道路使用者之安全, 若果其他駕駛人罔顧自身安全而出意外固然是他個人的問題, 但如果是自己抱
著教訓他人之心態去玩弄其他駕駛者而致意外之出現, 這也不是一個良好駕駛者應有之態度, 與罔顧自身安
全的人一樣不負責任.

人地係要快, 你覺得你可以安全地快過佢, 一係就放甩佢, 否則咪讓俾佢囉! 人地要去死都唔好煩到自己. 讓
人行先自己又唔會有損失, 況且俾人推住都唔覺得舒服, 俾人行先樂得自在.

[ 本帖最後由 牛奶仔 於 2011-3-12 19:28 編輯 ]