[午夜奇想] 香港交通公營化可行性討論

長久以來，香港的交通受政府的市場經濟影響，無論路線，班次，收費等等都需要經過供求等等的經濟因素主導。
雖然政府推出可加可減機制，意圖控制票價，但在各交通公司需要向股東回報的大前題下，均會盡量利用機制加價增加收入。
又或者使用各項減低成本的措施，導致服務脫班，取消主要服務等等低質素服務出現。

香港的八達通收費系統雖然在世界上是數一數二先進，不過八達通的先進只局限於其收費器，背後的交通收費系統則是全球最落後的上車收費系統。即使設有服務轉乘優惠又或雙向收費等等，但此等優惠根本上是治標不治本，也令整個系統非常繁複，為人無所適從。

香港政府坐擁數萬億盈餘，然而市民仍受通脹困擾，生活在水深火熱之中，已達臨界點。

有見及此，小弟建議為香港所有交通工具一次過公營化。詳情如下：

八達通：八達通為香港的主要收費系統，將維持不變。但政府將要用港鐵股東地位加上立法分拆八達通成為獨立公營機構。新的八達通將會以向非交通工具交易的佣金自給自足，並以非牟利形式經營。

香港交通局：
英文為 Hong Kong Transit Authority (Transport HKG)，將會是香港交通的主要管理機構，隸屬於運輸及房屋局下。
將會與立法會及區議會合作，制訂交通工具路線，收費，班次，營運商等等；並將由該局統一向市民印製及提供所有交通工具的資訊。
管理範圍包括：所有巴士，小巴 (紅綠色)，的士，鐵路，機場，跨境巴士，跨境渡輪，直通車，高鐵，電車，輕鐵，纜車，邨巴，校巴。
八達通將為 Transport HKG 旗下的其中一個機構

香港交通局的標誌建議如下：


公營化目的：將所有公共交通路線及車輛等等統一由香港交通局擁有及管理，而各交通公司將會成為營辦商，由香港交通局按路線距離，班次，準時度，服務質素向營辦商給予合約訂明的價格，作為營運商的收入。

由於所有交通工具均由香港交通局擁有，故營運商的 Logo，將不能出現，但其名稱仍會在交通工具上以下列形式出現，方便識別：





此外，所有車站設施都會屬香港交通局擁有，所有營運商不能自行設置任何車站設施。香港交通局將會統一香港所有交通車站設施，包括鐵路站，巴士站，機場，碼頭的標誌，顏色及字型等等，並將設清晰易明的 Logo，例如：



香港交通局將會按照區議會劃界，將全港所有交通工具劃分 11 個區域進行制訂：

Region 0 - 港島
Region 1 - 九龍東，包括：觀塘，黃大仙，九龍城
Region 2 - 九龍西，包括：油尖旺，深水埗
Region 3 - 西貢區
Region 4 - 荃灣及葵青區
Region 5 - 元朗區
Region 6 - 屯門區
Region 7 - 北區及大埔區
Region 8 - 沙田區
Region 9 - 離島，包括馬灣
Region 10 - 跨境交通

收費：將會以八達通收費器為藍本，全面採用分區收費系統，此收費系統將會比現有的系統便宜，更加切合為民舒困的目的。

所有交通工具，除跨境直通服務及的士外，不論是特快，慢車，鐵路，巴士，渡輪；必須按此收費表收費，收費將直接撥入香港交通局，任何營運商將不可在已收車資作為收入。

Zone 1 - Region 0 (南區除外)
Zone 2 - Regions 1 & 2 & 南區
Zone 3E - Regions 3 & 8
Zone 3W - Region 4
Zone 4E - 大埔區
Zone 4W - Region 6
Zone 5E - 北區
Zone 5W - Regions 5 & 9
Zone 6 - 機場及所有陸路口岸

現金收費將按路線釐定，不會改變，但八達通車票將分為：

2hr - 150 分鐘內完成所有車程，不論方法 (有如單程票)
Daily - 日票
Weekly - 週票
Monthly - 月票
Quarterly - 季票
Yearly - 年票

收費將按由登車至落車點屬點所乘搭的區域數目釐訂，至於西鐵線，由於使用迂迴路線，任何含西鐵線的路線，將會按入閘至出閘的直接距離收費。

例如：屯門搭西鐵至南昌，中途不出閘，將會按 Zone 4W 至 Zone 2 計算車資；但如果由屯門搭西鐵至南昌，中途在朗屏出閘，將會按 Zone 5W 至 Zone 2 計算車資

有關系統將會全面轉乘，意即只要符合車票的條件，不論轉乘次數，只會收費一次。
八達通也會自動計算至最低車資。(只限 2hr & Daily)

若果同一路線出現跨收費區但返回相同收費區的情況，將會按照該路線所經過收費區的數量收費。
例如 E34，雖然由 Zone 5W 至 5W，不過由於途徑 Zone 3W & 4W，故又元朗至東涌將收取 4 個收費區的車資。

2hr 車票收費表：
一區 (Flagfall) $5.00
每跨一區 $1.50

Daily 車票收費表：
一區 (Flagfall) $9.00
每跨一區 $2.50

Weekly 車票將是 Daily 的 6 倍
Monthly 車票將是 Weekly 的 3 倍
Quarterly 車票將是 Monthly 的 2.5 倍
Yearly 車票將是 Quarterly 的 3 倍

長者優惠：出示有效長者卡人士，付出 $2 將可獲全日任搭車票 (有效至翌日 3am)
學生及小童優惠：所有 12 歲以下人士，及所有在香港就讀的全日制學生 (大中小學適用)，只要無從事任何受薪活動，均可獲半價優惠
假日優惠：為鼓勵全民享受假期，逢週六日及公眾假期，不論距離時間，全日車費一律 $8.80

Zone 6 附加費：任何車程只要在 Zone 6 的任何一點上落車，每程車均須繳付附加費 $10.00
Zone 6 包括，新田轉車站，羅湖，落馬州，深圳灣，機場客運大樓範圍，博覽館
Zone 6 Travel Ten: $88.80
Zone 6 Commute Ten: $33.30 (需作出申請，並證明其在 Zone 6 範圍內工作。)

歡迎討論

[ 本帖最後由 MetroLine 於 2011-4-3 13:11 編輯 ]

香港貴為世界最自由既經濟體系, 如果咁做, 咪有損形象..??
加上真係要諗諗個Cost..
由收購至營運, 都要唔少錢
加上收費有點兒哪個... 當然, 長途係有減到, 不過短途都加左唔少...
eg 小西灣-筲箕灣: $3.7(最平) -> $5 ...   對d坐短途既人唔係咁fair

如果政府真係有心統一收費,
冇必要將交通公營化
只要響批線時以行政手段規定咪得囉

政府效率咁低,
整咁多野只會令增加公帑開支
同埋承受太多政治壓力

政府話「鐵路為主」

其實公營化只係最後手段，依家又唔係無人黎hk個巿場玩
不過問題係依家個幾間萬一唔做，又好似無咩新既公司加入
加埋政府本身又限制多多，比佢做埋巴士，有點不敢想象會是甚麼環境

其實由私營市場主導的交通服務, 香港是全世界中引以為傲的成功例子,
而實際上, 即使同其他國家對比, 香港的交通費已是相對便宜, 當然, 好多
都未必可以同外國直接對比, 包括外國的駕車比率好大分別..

我自己唔贊成公營化(最少現階段), 如果經濟上睇, 如果由一"團體"控制晒
香港所有公共交通, 效率是會下降, 因為太大, 太廣泛...

另外, 似乎以上建議未有考慮小巴等公共交通, 亦沒有考慮不同交通的特性..
如電車同地鐵, 如果行這計畫, 收費將是一樣, 會出現問題..影響現時平衡..

但正如我早前打的建議, 我本身是支持巴士設雙向分段, 但我本身亦希望
不同交通工具保持一定競爭及平衡...

原帖由 kay 於 2011-4-3 13:39 發表

加埋政府本身又限制多多，比佢做埋巴士，有點不敢想象會是甚麼環境

無0既......到時乜0野超特快、大流水通通無哂，只0係
留低一大堆 M 頭0既鐵路接駁線咁囉......

0個陣時想再享受 788、118、74X、277X 等等比鐵路
更快0既服務？難囉......

原帖由 nwfb1601 於 2011-4-3 13:54 發表

無0既......到時乜0野超特快、大流水通通無哂，只0係
留低一大堆 M 頭0既鐵路接駁線咁囉......

0個陣時想再享受 788、118、74X、277X 等等比鐵路
更快0 ...

其實對比起 Land Transport Authority in Singapore 同埋 Transport for London 呢啲高層組織,
Department of Transport in Hong Kong 的地位係太低
其實要推動整全城市運輸發展,
係要將 Department of Transport 轉成 quasi government + 局署合併成 LTA / TfL 的地位,
即現時房委會咁, 再由運吉做行政支援.

巴士的專營權透過投標重新分配, 並用行政指令統一收費巴士/港鐵最高收費結構,
唯營辦商可制定較最高收費結構為低之收費以加強競爭
用八仔上/下車拍卡,
1. 按里程, 或
2. 分區
車費以整段行程計算,
即所有車程之收費不應高於最高收費結構,
巴士 -> 鐵路 -> 巴士;
只要有客, 現有路綫將不會受影響, 因為地鐵都冇可能食得掂巴士客

不過電車一定唔可能 $2 / 2.5 搭全程吧~

同時在市中心區推行擠塞收費, 海岸單車系統, 興建北港島綫
以減少短程通勤對路面交通之壓力

政治壓力... 呢個垃圾政府做乜都死... 鬼叫冇民意授權吧!~

[ 本帖最後由 ronaldlau 於 2011-4-3 17:05 編輯 ]

其實兩鐵合併已經證明左所謂既「一體化」根本不會為社會帶來什麼利益, 只會令整個網絡更加失衡, 一個機構獨大並非好事。

原帖由 nwfb1601 於 2011-4-3 13:54 發表

無0既......到時乜0野超特快、大流水通通無哂，只0係
留低一大堆 M 頭0既鐵路接駁線咁囉......

0個陣時想再享受 788、118、74X、277X 等等比鐵路
更快0 ...

大流水都仲有存在價值既

始終鐵路唔係度度都去到﹐同埋有D目的地唔駛經鐵路會仲直接
不過到其時可能會再兜D﹐總站到總站無個零鐘都唔駛旨意到