倉底菲林相翻掃系列─雅麗道 [包含10年前的巴士照片]

新巴1091


大白豪


11米利蘭


間銀行已經不存在


FJ9070@89


短蘭


都係短蘭

以上照片全攝於2000年2月。

多謝點賞

估唔到十年時間轉變咁快..

CZ9891 影果陣都就黎要退 ...

個時九記的金車未有全面進軍個條過海隧道線 , 仍然以白車作主力! 但
自2001年開始 , 金車陸續進駐各條過海襚道而換走白車....到而家金車
作為過海隧道線的指定車種...!

多謝樓主貼出我的代表車同一眾伴我成長的巴士的相片，
樓主的相片實在勾起我童年的回憶，更勾起我對香港、對家人的思念……

我自己架代表車 S3BL100 就淨係2002年8月影過一次，
果陣已經大批退緊水塘蘭。下個月返香港放假，如果有時間，
我都好想搵返舊相簿，將當年相片貼出來與大家分享。

細個住牛頭角，樓主影呢幾張相果陣，我讀緊小學六年級。
果陣因為小學由屋企行過去就到，所以平時都無咩機會搭巴士出外。
不過當年家母間唔中都會帶我去牛頭角街巿買餸，但係又嫌街巿污糟，
唔想我入去，於是通常都會叫我企街巿門口等，等佢出來果陣，
我就幫手拎一兩袋蔬菜生果返屋企。
就係當年企街巿門口觀察來往車輛的機會，令我開始對巴士有所認識。
樓主貼出來的3AV7、BL6、BL47、AD101，都係令我特別有印象的巴士。

BL6記得98-99年間上過一間中資銀行的廣告（唔記得係咪中國銀行？），
跟住99年落畫回復原色，繼續掛23M直到退役。
BL47唔使講，佢個特別牌箱令我好有印象。
AD101，果陣差唔多成日都會見到呢架89掛牌（記得果年好似有架93K的AV都上左同一款廣告？）
直到而家我都覺得呢個廣告係近十年全車身廣告入面，最靚的其中一個……

至於3AV7，記得當年同3AV1、3AV8（？）等一齊掛101，
其他幾架都有上全車身廣告，唯獨唔知點解，3AV7呢個色彩配搭又係特別有印象，
跟住2000年中，101開始加金，短期內換走晒3AV同AD，換入當時最新的電牌超豪3ASV74-91。

當年無咩機會搭巴士去比較遠的地方，係99年同2000年都試過坐兩次101，
兩次無記錯都係上環永安大減價，老豆帶我去，我央求老豆搭101唔好搭地鐵。
無記錯的話，第一次係坐AD91，當時架車好似上左深藍色底色的好易通（？）廣告，
第二次係2000年暑假坐新落地的3ASV88。

之後升中學，中學位於中西區，反而因為嫌貴，六年中學入面，一次101都無坐過。
最後一次坐101，係07年有次夜晚走去HKU探朋友之後，行落去電車路搭101返屋企，
坐的係掛牌ATE，但係已經唔記得係坐邊架；而港島方向的101，更加係11年來都無再搭過。

轉眼間11年就過去，11年間我經歷的轉變實在太多，由小學升中學，再升大學，
到而家出國繼續升學，樓主的相實在勾起我太多回憶。11年真係好快就過，
人生又有幾多個10年？可能因為我份人念舊，睇到樓主的相片，諗返起當年往事，實在睇到我眼濕濕……

10年前坐新巴絨籠﹐好新淨好正
今時今日坐新巴絨籠﹐好殘好污糟

樓主既相好多都不再...
而家再搵唔到通街熱狗既場面lu...

仍是白色制服時代的事.
另外, 上兩圖的23m之車長已經無在23m出現了.

加多五幅


CTB 1007 行606


AL88 @ 13D


AD87 @101


S3M175，最愛呢款MCW頭徽


3AV51，都是行101

多謝點賞

仲係K廠既FD8794,正!
有冇人知架車係邊年轉左廠?