新巴路線 701 調整班次

原帖由 dippy 於 2011-7-7 22:50 發表

一般都係用番雙層車
但係今日又見番單層, 反而張相最左邊(影唔哂果部)大躉係971
個人認為減左班應該儘量避免呢類情況
唔係要個站長黎都...
---------------------------------------------------------------------------------
請問一下, 971同701依家係互跳定只係柯打

咁架大躉O係下繁行971有咩問題?
站長係要控制班次穩定性，
make sure 站入面既車按照番原定班次開，
但係我唔認為佢有咁大權因為架單層車走去柯打701，
而要將原本編定左行971既雙層巴士對調。（除非有車壞左之類）

同埋，我唔知你影既時間係幾多點，
你可能話點解架971反而用雙層而唔用單層，
但係調番轉，
我覺得新巴咁樣派車實有佢理由，
971架大躉返到石排灣可能就係正正下午繁忙時間返九龍最多人搭既時間，
咁就更加冇理由調架單層車去行。

不過講真，
恕我直言，701係咪下午繁忙時間都會迫到架架車都頂閘?
如果係既，我都相信新巴唔會咁夠膽經常用單層車行一兩轉。

我都住o係o個區，事實上701而家頂閘既機會根本唔係特別多，
偶然會有，但係o個o的都係因為旺角道、亞皆老街塞車，
於是先會有頂閘情況，
同埋通常一部頂閘唔夠一兩分鐘後面就會有架比較少人坐既701，
再唔係就仲有一個情況，
就係o的人企架下層唔坐上面，
於是搞到下面好多人企而上面仲有好多位既情況出現。

原帖由 michaeltang 於 2011-7-8 12:01 發表


咁架大躉O係下繁行971有咩問題?
站長係要控制班次穩定性，

巴士公司派站長無錯係要控制班次穩定性，但係最終目的係要確保服務切合需要，
而對調巴士時安排得宜其實無損班次穩定性....

－－－
其實無論係 701 定 971，出 Dart 的話返海麗方向都會頂閘，
問題係 971 飛站後班客要等 20 分鐘先有車....

不過係非繁忙時間，部 Dart 應該去返 971 就岩....

昨天約1920都有單層2093由海麗開出