美心MX, 大家樂, 大快活之中邊間最好?

講真, 我自己就覺得三間都相差無幾,
不過睇到大部份板友都比大快活負面評價, 我反而覺得佢已經有好大進步 ~
以前我都好唔鐘意去大快活, 不過自從佢轉新 logo, 新形象之後, 無論餐廳格調, 食物味道, 選擇, 我自己認為佢有明顯改善.
反之美心自從改名做美心 MX 之後, D 野就越黎越貴, 仲要不斷減分量, 我自己又唔覺得佢有咩特別好食 ~
至於大家樂, 除左部份舊有分店未翻新之外, 以新開店舖黎講, 環境比起其他兩間快餐店都差唔多, 價錢方面比 MX 平, 而分量都叫可以接受 (雖然已經係比前幾年減左分量) ~

原帖由 AVD1 於 2011-7-18 01:25 發表
講真, 我自己就覺得三間都相差無幾,
不過睇到大部份板友都比大快活負面評價, 我反而覺得佢已經有好大進步 ~
以前我都好唔鐘意去大快活, 不過自從佢轉新 logo, 新形象之後, 無論餐廳格調, 食物味道, 選擇, 我自己認 ...

同意丫. 好耐以前, 我都最鍾意美心的. 不過, 現在大快活就排第一.

如果以質素來說的話，小弟則覺得大快活會比較好
但問題係偏貴，午/晚市又出狡猾招數來減少份量
早餐則反而不錯，個人認為這是三間中最好的一間

至於大家樂...自從升左IVE之後已經幾乎日日食
唔係話貴又唔係話差，中規中舉

美心MX，個人覺得越做越差
最少以前一份大大份的魚柳早餐，宜家竟然縮哂水仲要難食

原帖由 nickk 於 2011-7-17 22:42 發表

不過係唔明點解三四號碼頭既美心啲嘢係特別難食，
而家入到四仔食晏一定會去地下禁區入面既漢莎度食，
環境又靚，食物質素又好，最緊要係價錢平，一個餐包汽水加湯加糖水，三 ...

中環總商會0個間都唔好得去邊，有時係中環做完
0野之後，0係0個度食埋飯先返公司，次次食完都
覺得 D 0野真係好鹹。

至於大快活，其實0係佢改形象前後，我依然覺得
佢0既質素真0係唔得（尤其是佢0既下午茶）；西
多士真係唔似大家樂整得咁靚，至於碗仔翅......直
情食到兜0野0係豆粉水0黎，食到一半已經開始淆
淆地，唔係咁想繼續食落去。

我就大家樂 > 美心MX > 大快活

大家樂雖然加過好幾次價, 但我覺得佢D出品個份量都未至於縮水縮得好嚴重, 質素、味道方面可以接受.

美心MX出品質素、味道都可以接受, 不過相若價錢佢個份量比大家樂少 (午、晚市碟頭飯尤其明顯).

大快活我o既comment係不知所謂, 出盡辦法掠水, 有時睇佢午、晚市餐牌真係無言, 幾乎冇一款係會跟飲品, 通通要加錢, 份量少, 味道亦唔見得比其它兩間好. 我覺得內籠裝潢唔係快餐店首要考慮o既因素, 黎得快餐, 最希望就係D product做到快靚正, 店面整得靚冇用, 一般人極其量咪坐果大半粒鐘 (火煱除外), 食物先係最緊要, 我如果要講究埋格調不如去cafe仲好, 駛乜揀快餐.

個人認為美心好點
因為美心d食品都有咁上下質素，吃過美心d粥，味道較為好。
而焗豬扒飯d飯炒得幾好，汁和豬扒就樣樣做得幾好。
美心奶茶較2間好得多。
去過機場間美心，吃過d挺仔粥，味道較好和份量較多。

大快活只給予中性評價
早餐d湯粉麵的湯偏咸，炒蛋賣相一般。麵包比較硬。
午餐就味道一般，咖喱汁太稠和d配菜太多水。
但勝在選擇較多和份量較多。

大家樂可以話是較差的一間
早餐d粥太淡，糯米雞太咸。
晚餐鐵板餐非常縮水，得好細塊扒，配菜太少
乳酪冰根本用乳酪水+果醬溝水來。賣相太差。

[ 本帖最後由 KG1428 於 2011-7-19 22:50 編輯 ]

有時覺得大家樂好多飯款原本都好好食，但若果係經典飯款推出改良版再賣廣告的，有部份會變得比以前差好多。
例如粟米內粒飯，原本忌濂汁變成"金黃"栗米汁
原本香滑的粟米料，變到不覺得有什味道，但又覺得很濃的黃色液體，一點也不好食。
焗豬扒飯，個人覺得應該選用薄切的豬扒會比較入味，太厚的豬扒口感很淡。