[忍無可忍] 九巴 215x 班班頂閘唔清客

原帖由 ~誰@359~ 於 2012-1-19 09:53 發表
真係好笑
入少D尖沙咀，你係咪叫人唔好返工返學？

冇理由要大量市民，因為少數渣私家車既人而付出更高昂車資，甚至改變習慣
要改，都係私家車佬要改，因為渣車入繁忙地區根本已經好唔環保
成日話「環保要畀錢」，要加電費要加車費
好囉，到時搭地鐵定搭巴士都要畀多D錢
但反而搞到四圍塞既私家車竟然乜野成本都唔洗畀？

This city is dying, you know？

問題係，除左返工返學，有無必要下下入尖沙咀？
如果可以避免入尖沙咀，自然少人因出入尖沙咀而塞車，
連私家車都可以入少 D 尖沙咀 tim。
全球有唔少地區都做一樣既野，包括香港在內。
（如果唔係，洗鬼發展東九龍，由得香港人打爆成個中環、灣仔、尖沙咀）

如果你又覺得尖沙咀因為渣私家車而塞車，
我想講既係，全港塞車既主因唔只關私家車事，
唔好一味以為唔比私家車入尖沙咀就解決問題，
尖沙咀太多車，唔好忘記仲有旅遊巴，處理大量自遊行既客仔，
咁係唔係又唔比旅遊巴去尖沙咀？

你再行落去觀塘道、龍翔道睇下邊個搞到咁塞車？
如果我係私家車司機，我一定唔會繁時入觀塘道咁笨，
行觀繞也好、行山路也好，根本係巴士、小巴同客貨車太多。
至少日日觀塘道塞死都好，我未見過觀塘紅小會因為觀塘道塞死而完全斷纜，反而綠小、巴士就會。
（有次觀塘道大塞，觀荃紅小勁到行振華道 tim，因為佢地識轉路線）

我唔否認香港有唔少私家車加劇個問題，但問題本身係香港人就越黎越多，
要怪香港市區太多人，條路根本負荷唔到咁多人同車。

唔好一味講：「This city is dying, you know？」
等左成粒鐘無得上車都唔走，問題又係唔係巴士公司度咁簡單？
明知日日都係咁，一味只係鬧巴士公司，鬧私家車司機，咁又有鬼用。
香港政府無能力解決問題，香港交通而家係咁差，唔代表我地無能力去考慮其他方法。
做人真係要變通，如果唔變通，咁難怪「Hong Kong is dying」。

如果係我，我一早上左港鐵或其他車走人。
再唔係係 Poly 行去加連威老道／麼地道上左 215X（你明知係果度打爆架車，證明果度上到車），
而唔會因為 Poly 無位坐而死等七架車。

[ 本帖最後由 dennis28a 於 2012-1-20 01:37 編輯 ]

原帖由 3ASV174 於 2012-1-20 01:12 發表

其實前面都講左，如果我只係去觀塘，老早就搭 101，連 215x 個站都唔會行過去；
問題係：我最終係要靠 215x 個轉乘轉 98A 返將軍澳半山，焗搭。

最終我 7:20p.m. 上到 215x，轉埋 98A 返到康盛花園先係 7:55p.m.，實際車程連等一班 ...

其實下繁一程 15 由hall 返到牛地都係 30~35mins
冇咁耐

舊時熱狗GA4829果陣
由P 行過去坐過25 mins 行到牛地轉埋架 EU9417 返到將軍澳都係一個鐘多dd

唔知你步速點
但我由 FG 行返去 半島
最僈果次都唔洗 15 mins.
其實行 215X 返觀塘條路線根本冇咩優勢
試過入夜十點係歐化等車
215X 同 93K 一齊來
結果 215X 落到觀塘
都係比架 93K 跟尾

我覺得係而家搭巴士
特別係d 所謂線皇
真係要執生...

[ 本帖最後由 EF107 於 2012-1-20 01:47 編輯 ]

原帖由 dennis28a 於 2012-1-20 01:34 發表


問題係，除左返工返學，有無必要下下入尖沙咀？
如果可以避免入尖沙咀，自然少人因出入尖沙咀而塞車，
連私家車都可以入少 D 尖沙咀 tim。
全球有唔少地區都做一樣既野，包括香港在內。
（如果唔係，洗鬼發展東九龍，由得香港人打爆 ...

其實我 raise 個問題出黎，
都係想探討下，既然問題日日都出現，差在程度唔同，
點解唔可以諗個方法解決佢？開一班固定時間開既特車已經好好多，
甚至佢唔列o係豬紙，只要熟客見多幾次同樣時間有架空車黎，自然識得就時間搭。
當然麼地道、加連威老道既客可能要因此等多架先上到，但理工同山谷道既客就等少好多班車。

塞車唔係一朝一夕解決得到，
但加多一班定時特別車難度真係唔見得好高，點解唔可以做？
點解去到 2012 年，作為乘客，上唔到車要自己諗其他辦法走，巴士公司就仲要賺埋你轉車多俾既車費？
依家唔係講緊我一個半個客上唔到，而係黎架空車，都可以兩個站就打爆走，講緊過 100 個客，就連一架特車都唔 deserve？

215x 最特別既地方真係車程比其他交通方法短好多，
連地鐵都仲要慢佢半個鐘，我直接搭地鐵同等佢半個鐘都差唔多時間到目的地，
等得佢半個鐘先改搭其他車好大機會仲衰過等落去，如果唔係點解咁多人等唔到要即刻截的士？

原帖由 3ASV174 於 2012-1-20 01:46 發表

其實我 raise 個問題出黎，
都係想探討下，既然問題日日都出現，差在程度唔同，
點解唔可以諗個方法解決佢？開一班固定時間開既特車已經好好多，
甚至佢唔列o係豬紙，只要熟客見多幾次同樣時間有架空車黎，自然識得就時間搭。
當然麼地道、加連威老道既客可能要因此等多架先上到，但理工同山谷道既客就等少好多班車。

塞車唔係一朝一夕解決得到，
但加多一班定時特別車難度真係唔見得好高，點解唔可以做？
點解去到 2012 年，作為乘客，上唔到車要自己諗其他辦法走，巴士公司就仲要賺埋你轉車多俾既車費？
依家唔係講緊我一個半個客上唔到，而係黎架空車，都可以兩個站就打爆走，講緊過 100 個客，就連一架特車都唔 deserve？

215x 最特別既地方真係車程比其他交通方法短好多，
連地鐵都仲要慢佢半個鐘，我直接搭地鐵同等佢半個鐘都差唔多時間到目的地，
等得佢半個鐘先改搭其他車好大機會仲衰過等落去，如果唔係點解咁多人等唔到要即刻截的士？

咁真係要考你判斷力，作為 215X 常客，我係唔會咁得閒日日走去等，
正如明知加連威老道一定無位坐／車都上唔到，我就次次係 The One 都行返去新港上車。
無計，個遊戲要迫我咁玩，我比人話我傻都好，但我係上到車 WO，
大不了當行街，我又唔趕時間。

唔一定下下都有特車出到，
一來九巴真係亂黎，連車長都唔夠，可來夠人渣特車，
二來九巴有特車都無用，香港日日總有突發情況而要亂抽車。

215X 情況都算好，頂多係尾果幾個站出事，
有大把九龍東出入新界線，點加班都清唔到成個區既客（黃大仙人既可悲），
有時佢地仲無奈，咁架車又加得去邊？比 215X 先？40P 先？定抽架車比 74X 先？

有時真係要多謝，多謝 215X 條線 set 得太好，
而 1A／13X／98D／296D 條線又唔吸引。

[ 本帖最後由 dennis28a 於 2012-1-20 02:02 編輯 ]

原帖由 dippy 於 2012-1-20 01:59 發表
最主要係番東夷而經機隧又poly尾站得番215X
如果多條219X至少可以分流下
其實可唔可以考慮調轉219X走線黎就一就?

有人講過，問題係區議會過唔到，
根本一早有考慮 219X 要重組。

原帖由 3ASV174 於 2012-1-20 01:46 發表

其實我 raise 個問題出黎，
都係想探討下，既然問題日日都出現，差在程度唔同，
點解唔可以諗個方法解決佢？開一班固定時間開既特車已經好好多，
甚至佢唔列o係豬紙，只要熟客見多幾次同樣時間有架空車黎，自然識得就時間搭。
當然 ...

坦白講,我今年係o係 Poly 第5年,
呢個問題其實討論左過十次,
我亦都好明白你感受
你果種感受
可能我比你試得仲多,
撞過更多板

我認為唔係唔應該入巴士公司同政府數,
但係代表自己唔可以有執生能力呢?
點解自己諗下以自己既應付能力來做更好的選擇呢?
唔關咩年代事嫁

做人,生存就係咁嫁 la
適者生存,
我認為爭取改善既同時,
首先自己要做的就要諗下點樣可以自己執生先
而唔係一味呻同一味等..."求人不如求己"

第二係,呢五年我發覺既一樣野係,
215X 並唔係任何時間都想像中快同方便.
其他路線一樣方便,只係你自己願唔願意行下
(*其實行下,咪當做下運動 lor,入到 U 我諗大部份人都小左做運動 haha )

俗語都有講: "馬死落地行"

當然,普遍既香港人都唔想行,
特別返工放工一族,同埋有站就好應該有車上既心態
收工累的,唔想行,ok,等得耐都上唔到車,唔想諗其他方法,唔想侑...

但歸根究底,還是"食得咸魚抵得渴"

[ 本帖最後由 EF107 於 2012-1-20 02:09 編輯 ]

原帖由 dennis28a 於 2012-1-20 02:02 發表


有人講過，問題係區議會過唔到，
根本一早有考慮 219X 要重組。

好似因為麗港城班中產要條私家線直出尖沙咀...

有時就係「食得咸魚抵得渴」「執生」，冇權力既人先會被欺壓
轉坐其他車，其實就係「強行從痛苦中尋找快樂」
係，的確係好過等一粒鐘車，之後咪有個理由令自我感覺良好
但同一時間就忘記左，其實一開始係其他人或事令你要suffer
唔係自己既錯，點解要自己負責？


大家可以話等一粒鐘車既人係白痴
但唔代表問題唔需要被解決
不停地叫人坐第樣車、唔好去尖沙咀，其實對解決問題先至係冇鬼用
反而係應該Find the right one to blame，先至係出路，如果唔係的話，遲早香港人唔洗再出街


又或者咁講，鬼唔知轉坐第樣車就乜事都冇
如果大家係接受呢個做法，呢篇文就唔會存在，乘客亦都唔會再有任何投訴
但似乎現實唔係咁

[ 本帖最後由 ~誰@359~ 於 2012-1-20 02:23 編輯 ]