小感：從熱狗內向外望，巴士愛好者令人為之側目的行為

原帖由 swmcuf662 於 2012-2-19 12:08 發表
認同呀....以前中記年代影車..個個都好有規矩
大機讓細機影....就算有特見都係最多追少少....影唔到就等下一轉車
唔會好似現在咁走哂出馬路影..

可能現在既年代家長對子女很愛護...咩都遷就...引申對佢地既行為都容忍...久而久之就成為習慣...影車都一樣....其他人唔出聲就以為冇事....又成為一個習慣了
新記服務開始我已經冇影車LU...原因就是如此

其實小弟以前都有去影，都是十多年前最「迷」。
不過跟師兄一樣來說，現在真的不多去拍，如果真的拍都在平日休息去做了。

原帖由 es2559 於 2012-2-19 12:39 發表
Agree the above, but in fact who cares about your comments, those "guys" still doing what they would want to take pictures. I wounder if the government could take actions to control like singapore. That  would be the result because of the action done.

For sure that those "guys" are not care for these words, yet, because they are not (feel) ashamed and put all safety issues behind.  If people know how to be self-disciplined, all the things will be better, even no need to guided by rules, but seems never have this chance.   One point I want to mention here is, when that "bus-fan" finally caught up for the bus, he took a great pride and replied to another passenger's advice, "How come I can't catch for the bus?  For you, you will do the same."  Oh my god, this is the "sense"!

原帖由 ASV50 於 2012-2-19 12:51 發表

昨日側聞有位行家
大概4點鐘果單，係德發愛中學對面影
影罷就跑對面馬路想上車，但當時9063已經上完客
結果一路跑到去車頭仲差d被9063撞到

司機最後好似都無開門比佢 ...

就是我提及其中一位「行家」了！

原帖由 toyl 於 2012-2-19 12:57 發表
樓主每一段文字都好有見解，本人都好認同，尤其是珍惜現在坐熱狗所見的人、事、物。
二樓所講大機讓細機影，真係識影相的行家的確唔需要用單反大炮鏡都影到好相，要為咗爭好位而偏離行人安全位置兼追幾條街咁影的確抵鬧！
但願昨日被樓主及同車人所見果班異類（很抱歉，我不能用「行家」來稱呼這班人）能夠看到這篇文章，睇到大家對你的評價有多負面吧！

都是有果句講果句。相信未來數星期每再出一次「特見」，每次都會有這些事發生。
其實想講，在車內聽到的內容，都知道有關人士 (或有關朋友) 都是這裡站友其中一員。
正如小弟以英文回應樓上站友所講，「不知羞恥」，原來現今的 sense 是這樣的。

原帖由 DIH 於 2012-2-19 12:57 發表
我喜歡巴士都應該有廿年，但我一直沒有影巴士的習慣。
只係去郊遊或旅行時當成snapshot影少少，
我比較在意的是坐巴士的感覺，和以巴士發展窺探一個地區的個性和歷史。

我唯一一次特登為影巴士而影巴士，係好幾年前我去了禾表姐屋企，
在樓上見到巴總有人聚集，認得出佢地原來影緊架AD1@81，
我在表姐慫恿下一齊落去影埋一份。

我只係得部DC仔，諗住影一張就走。
點知影緊時，有一小孩在「龍友」鏡頭前經過，換來的是「龍友」們的問候。
而小孩不明何事，以為哥哥同佢玩，繼續留在鏡頭視線內。
「龍友」見連粗口都無用，急得快要爆炸。
小孩家長後來上前帶走小孩，稚子何辜，
相信這位家長餘生都會對「巴士迷」有極負面印象。

我同表姐都看不下去，急急上樓，在樓上睇住，
一到開車，班人又係幾乎想「以身殉巴」咁追，令人嘆息。
從此我不會在巴士龍友聚集之處停留，也不會在這群人當中拿出相機。

同感！基本上愛好一種興趣也可以有不同角度，小弟不反對拍照，
問題是對自己對他人有品、在又安全情況下去拍。但如果又冇品又令自己危險，
這些人做出來的行為，根本不值大家去尊重。

如果他們肯自律，就不會次次都有這些事件發生。
舉一部像樣的相機去拍照，小弟都很久沒有去做了，以前自己只用一部傻瓜菲林機去拍呢。

做好自己咪得囉..
影相既心態係建立晌呢班人既行為身上架咩?
呢行幾時變得耶穌咁神聖?

車箱內都一樣有好多問題,例如而家成日都有好多人起巴士上影出面影緊巴士既行家，昨日去影再見熱狗@3C, 睇返張相, 司機位隔離坐住兩個人拿相機影住我(可能我諗多左)

[ 本帖最後由 dc8707 於 2012-2-19 22:30 編輯 ]

我自小喜歡巴士、影巴士則是手機有影相功能才開始、但影它時一向以不阻礙他人為主，也甚少與他人爭執、因為影相對我而言是將這一段時光保存下來、留待日後回憶、並不是用來耀武揚威的、我也見過那些人(坐70S時)、見他們甚至坐在路中心影、不禁感嘆為一張相而喪命又何必呢？

我就冇迷巴士好耐, 不過想講一樣野...

大約2000年左右, 班友仔一樣係癲哂,
自己同樣做過D益野, 為左追架鴨車, 一樣紅燈綠燈照衝過馬路。
短熱車退時, 愛民總站亦唔見得好幾多。

但人會大、月會圓, 到某一個時期, 我覺得自己條命好值錢,
有大好前途等緊我, 有無限理想等我去實踐, 仲有田徑場上漸見既成就,
你叫我飛奔去追巴士, 能力上絕冇問題, 不過我唔會有興趣去做。

做好自己, 理人地咁多做乜？
你係睇唔過眼, 走去提醒下佢, 聽就聽, 唔聽就算,
冇必要為個陌生人咁多感歎