5C開短途特車當完成完整班次上左報

原帖由 樂仔〞 於 2012-6-21 12:59 發表


呢 D 只係我個人經驗，其他會員都有遇到既收車既經歷
九巴都起碼叫識拉班次，城新港鐵收左架車就真係收左佢，連班車都唔開比你

拉班次, 好似今日篇新聞咁, 由 4~5 分鐘一班拉疏到 10 分鐘一班叫唔叫拉班次?
乜拉完就咁係「連班車都唔開比你」啦咩?

講真, 由細到大縱橫港九新界, 新九城三間公司我坐過的次數每間都數以千計

三間公司都試過無數次等車等到火滾、總站等>40 (甚至是>60)分鐘都無車開、
或者唔塞車之下無端端無咗班車、私下改時間表等
只係睇返過去兩年的情況, 九巴係明顯嚴重過新城好多
而且重點九巴係打算用做數的方法去「解決」個問題,
呢種諗住欺上瞞下的心態唔可以姑息

原帖由 avianwind 於 2012-6-21 13:12 發表


真正既載空氣是不會計作一班次

喂咪住先
佢係不載客定無客搭先？兩回事黎架喎
咁我想問 19 號 KMB 32 有架車由和宜合道運動場起載往石圍角但無客搭，咁算唔算做數？

原帖由 avianwind 於 2012-6-21 13:12 發表


真正既載空氣是不會計作一班次

咁692都有唔小班次唔計囉

原帖由 3av188 於 2012-6-21 11:19 發表


取消假棍是應該

但出假棍命令要追究

依家係欺騙香港市民+運輸處，唔通唔洗罰，單係俾人發現左，取消返就可以了事??
有人去便利店偷竊，俾店員發現，係唔係話俾返錢/放返低件貨就可以唔洗報警?? ...

點追究？唔通立即取締某綫專營權？
收番5C要對家操綫插旗等，116改獨就立竿見影。
呵呵，等你條108咁開心獨食？冇咗半條116就和味

原帖由 樂仔〞 於 2012-6-21 12:59 發表
比喻姐，咁你係咪都會照返？  

比喻錯左, 唔岩性質

原帖由 樂仔〞 於 2012-6-21 12:59 發表
呢 D 只係我個人經驗，其他會員都有遇到既收車既經歷
九巴都起碼叫識拉班次，城新港鐵收左架車就真係收左佢，連班車都唔開比你

不過我重申返：我絕對唔支持九巴收車，不過只係想大家重新審視個問題，因為呢樣野唔單單係九巴問題

新城唔識拉班次?

[ 本帖最後由 nwfb94A 於 2012-6-21 13:35 編輯 ]

原帖由 samsam554312 於 2012-6-21 13:08 發表
其實271都試過廣福道起載->富亨,都坐過起碼五次

呢種似私牌踢落某站起載多過做數

其實大家討論時要搞清楚何謂短途何謂搞牌何謂做數

三者性質不同,如果混為一談,將會出現好多笑話

做數定短棍就算唔係巴士迷, 用常理應該唔難分到, 唔明有乜好拗。

1. 中途起載 + 計入正常班次 + 加強客運能力 = 短棍
2. 近尾站起載 + 不計入正常班次 = 空載班次
3. 近尾站起載 + 計入正常班次 + 加強客運能力 = 短棍
4. 近尾站起載 + 計入正常班次 + 不能加強客運能力 = 假棍 = 篤數

如果有條線咁巴閉, 臨到總站都多客到要開特車招呼,
例如263可以開架車去城隊車哂班客上沙田, 客量又唔太差, 我估冇人會嘈。
紅隧起載, 根本係第1.類, 唔明點解可以用黎抽水。

富佑大廈上慈雲山, 文化中心起載返天星, 大角咀尾起載返南昌,
擺明載空氣, 唔係假棍可以叫乜？

之前有篇文講文化中心起載,
部份板友可以理直氣壯咁講話係咪都要私番碼頭, 冇少到班次。
實際冇少過班次一回事, 但呢類假棍唔應該走灰色地帶當正常班次計。
而我相信, 搞得假棍, 本身都身有屎, 比法定要求開少左車先要填數。

當然3. 同 4. 有時唔太容易分, 離尾站越遠就越難分,
但九巴有本領做到大部份都難分正邪,
我諗人地最多嘈佢資源調動愚蠢, 而唔係誠信問題。
Think with common sense, ok?

[ 本帖最後由 kwyeung 於 2012-6-21 13:50 編輯 ]

原帖由 LF5502 於 2012-6-21 12:37 發表
點解尾站起載係篤數
紅隧起載就唔係 ????

如果紅隧起標係做數,點解唔係海怡或美孚做,貪隧道錢平,
同埋由朝到晚都九巴城巴都有短途車由紅隧起載返海怡,
都唔係第一日發生

原帖由 orange 於 2012-6-21 13:47 發表

呢種似私牌踢落某站起載多過做數

其實大家討論時要搞清楚何謂短途何謂搞牌何謂做數

三者性質不同,如果混為一談,將會出現好多笑話

49X長安往青碼短棍,呢D就真係做數啦.
不過,我未見過荔廠有咁做,看來今次做數事件暫時得九灣廠有玩.

原帖由 樂仔〞 於 2012-6-21 12:59 發表


呢 D 只係我個人經驗，其他會員都有遇到既收車既經歷
九巴都起碼叫識拉班次，城新港鐵收左架車就真係收左佢，連班車都唔開比你

即係九巴 5 分鐘一班變 20 分鐘一班就係識拉疏班次，係叫「識拉班次」；
其他公司 5 分鐘一班變 20 分鐘一班就係唔見左三班，係「連班車都唔開比你」！
我的理解有錯嗎？

我終於明白點解你話「城新港鐵三間公司咪一樣收車，仲要收得衰過九巴添」....


Source: http://www.legco.gov.hk/yr11-12/ ... 308cb1-1249-2-c.pdf (運輸及房屋局&運輸署 3/2012 資料)

又或者同九廠聯營線既有份，40依排都係麗港城私大窩口返如心，如心私返麗港城就行鯉魚門道入總站，連一個分站都經唔到，篤數都懶得兜入工廠區...不過見過有車長跟到足係開源道起載返麗港城，係觀塘地鐵站迴旋處仲係私牌，入到開源道等緊燈就轉返40...