在巴士上遺失物品

小弟星期日一時大意，
遺失了一個FILE在巴士上，
小弟已即時打上熱線，
熱線員就俾咗有關路線總站站長電話我，
而有關站長就話執到的話會打番俾我，
到第二日我再打去問有無執到，
一個站長就話無執到，
另一個就話所有失物都會交俾失物組跟進。
到今日我打去失物組時，
失物組同事就話未見有。
我想問一般而言，
如果遺失物品會幾耐交到失物組？
我星期日晚遺失到今日都未送到失物組，
搵得番既機會大唔大？

P.S. 我係晌九巴唔見

謝謝大家！

如果係今日不見的話，失物通常放在站頭。
你可以即日打去九巴熱線，查詢有關九巴站頭的電話號碼

所有當日所拾獲的失物而無人認領的話，翌日會把有關失物送去有關車廠的失物組
如何找回失物，方法如上。
失物組會紅日休息。

樓主所講在星期日到現在都未送去失物組，即代表可能已經無什麼希望找到失物。
有貴重物件如身份證等重要證件，請立即報失。

以往經驗，我試過85M跌左銀包。
翌日打去九巴熱線，因九巴方面叫我在星期一去沙田廠失物組查詢下落、結果找到。
之前都試過搭5跌左銀包，下車時發覺不見左銀包。
結果立即乘搭116到富山站頭找機會。
可惜都找不到，過數星期後，有人把我的銀包投進在郵筒內。
結果銀行果面叫我到警署取回失物。

[ 本帖最後由 KG1428 於 2012-8-14 13:35 編輯 ]

我兩年幾前試過搭53 唔見銀包, 搵勻成架車都冇, 懷疑係俾人偷左... 亦試過搭81, 成部單反漏左係車度都夠膽死, 結果...... 損失慘重

我試過漏左部電話係架 GK9583
最後搵得番
方法就唔講了 ...

方法唔講, 你不如唔好講丫!

早兩年小弟試過搭7B到延文禮士道落車, 銀包手機漏低o係上層樓梯旁o既座位,
差唔多成個鐘後先發現, 冇錢冇電話底下, 惟有跑去樂富總站, 沿路都唔見果部巴士,
去到樂富問站長, 叫我打去27454466, 身上一文錢都冇, 問佢地借電話打又唔借.
(借係人情, 唔借又有佢道理, 但我覺得咁都唔借係幾冇人情味)

不過, 皇天不負有心人, 俾我見到清潔工, 佢好誠實好好人咁原封不動問我係咪呢d,
最後我薄酬答謝佢, 由呢次起, 以後有野漏左o係巴士, 都係問左清潔先好.
(幸而, 咁多年來只得呢一次遺失經歷)

.


小 弟 一 次 最 快 幫 朋 友 追 失 物 經 驗

上個月某日晚上
有位澳門來港朋友
搭 905 由九龍去港澳碼頭
落車後發覺跌左 銀包
佢即時 致電新巴熱線 及 致電我
(小弟當時在會展)

我立即致電新巴既多位老朋友幫手(係好高層朋友)
我立即跑落 灣碼總站(小弟廿年前任職公司熱線或PR DEPT)

我跑到落 灣碼總站
站長問我 「做乜叫個咁高級既搵失物！」(站長已收致電)
站長叫我逐架 905 去搜

結果在一輛VA上層拾到銀包
我朋友搭之後一班 905 到灣碼
拾到銀包 仲快過佢架車到總站

即時多謝站長 及 致電多謝老朋友協助!!!


如 在 巴 士 上 有 遺 失 ， 應 立 即 找 總 站 站 長 協 助 ！

[ 本帖最後由 n281 於 2012-8-15 02:27 編輯 ]

小弟也有一次經歷。事發在2012年7月24日。

約15:00，小弟乘搭城巴867@606，太寧街→彩雲(豐盛街)
當天下雨，上車拿出錢包，拍過八達通數費器後，我就坐在下層第二排。
錢包放在座椅上，處理雨散，就一直忘記它，直至下車。

工作後，17:20左右，經過彩虹港鐵站，打算買麵包吃的時候才發現沒有錢包。
馬上路回彩雲終站，等候剛才乘搭的巴士返回終站。

等候期間，致電城巴熱線（等候接聽時間相當長，等了超過十分鐘）。
終於接通，接線員表示沒有拾獲，不能查閱巴士的收車時間，並表示沒有藍灣總站站長的電話號碼。
（我奇怪城巴怎麼什麼資料都沒有？以上的資訊，九巴應該能夠查到的）
未能得到任何幫助，唯有馬上致電銀行取消信用卡、提款卡的應用。
取消八達通太麻煩，沒有報失。

等候接近一小時，約18:30，867@606終於到站。
向司機叔叔查詢，他表示前往小西灣方向，在東隧口有乘客拾獲。他已交給藍灣終站站長處理。
司機把藍灣總站的電話號碼給我，跟藍灣的站長聯繫上，他強調錢包內只有$20現金。
據他的描述，錢包內的財物似乎沒有損失。(小弟真的帶很少現金外出)

由於876@606已開出，未能搭順風車返回藍灣領取。
最後，請住在小西灣的朋友幫我領回錢包。

雖然沒任何損失，但因為曾經報失信用卡和銀行提款卡，連帶到八達通自動增值也受影響。
小弟剛補辦一張新的八達通，並等候處理自動增值服務。
八達通公司在我信用卡扣了$20手續費(唯一的損失吧)，到目前(18/8)為止，還在等候自動增值的審批。

[ 本帖最後由 choikatinno 於 2012-8-18 19:42 編輯 ]

借 咁話姐

之前就真係在不見銀包情況下，搭116跑去富山總站。
(p.s 當時無入錢，我同司機講我在巴士不見左野，最後個司機放行)

你可以同司機講，我不見左野。看見此情況下，部份司機可以放行你。

都係果句，比你免費上車係人情。

原帖由 n281 於 2012-8-15 02:14 發表
.


小 弟 一 次 最 快 幫 朋 友 追 失 物 經 驗

上個月某日晚上
有位澳門來港朋友
搭 905 由九龍去港澳碼頭
落車後發覺跌左 銀包
佢即時 致電新巴熱線 及 致電我
(小弟當時在會展)

我立即致電新巴既多位老朋友幫 ...

容兄下次如果我 touchwood 係巴士瀨低野係咪可以 call 你幫手搵？

btw 早排有次我同某板友坐新巴遊河時執到部電話，因搵唔到電話內有物主屋企或親人電話，到總站時諗住交俾司機 (該總站無站長)，
點知司機聽見後無回應就跑去廁所，我以為佢人有三急就等佢返黎，點知佢出廁所後都唔肯返黎，仲越叫越走....
我終於知佢係唔想麻煩 (後來知道原來事後要寫 report)，我忍唔住要睇佢車長名牌，然後大叫「X師傅，我係你部車執到電話呀」，
佢先知扮岩岩聽到，仲暗示地問我地可唔可以自己處理左佢... 我當然睬佢都傻，我就話我地可以自己直接搵貴公司處理，
最後佢先死死地氣處理.....

所以大家如果係巴士跌左野執得返，真係要寫封信表揚返處理的職員.......

[ 本帖最後由 da54 於 2012-8-19 02:04 編輯 ]

我今朝先至試過......

話說今朝我搭新記 3354 @ 26 去蘇豪區送份辦俾個客，當我係
蘭桂坊酒店落車之後，因為部手機無哂 wifi 訊號，發現個 wifi
router 漏0左係部巴士度。

跟住我即刻打去新記 CS 度報失，接線員幫我問個師傅，之後
話師傅都無收到有客執到失物，但CS 0個邊亦都通知站長等部
車返到總站之後再 check 多次。

個零鐘之後，我再收到新記打0黎，接線員話最後都係搵唔到
個 router，結果我要打去 PCCW 報失，再洗多七舊幾水買個
新 router......