DA再上寶馬山

咁樣落客法
好似死左火?

3 班529P係咪一直都爆過 81S?

原帖由 avianwind 於 30-10-2012 01:34 發表
咁樣落客法
好似死左火?

錯覺only
好多司機都會咁樣落客

之後架車行咩?近日多咗3A黨

原帖由 DA15 於 2012-10-31 22:43 發表
之後架車行咩?近日多咗3A黨

行完 81S 啲車之後行咩 ?? ........

0650 班次 : 到達寶馬山後做回 23B .
0700 班次 : 到達寶馬山後私牌往嘉亨灣做回 720A .
0710 班次 : 到達寶馬山後私牌經東區海底隧道往寶達做回 601 .

十年八年前寶馬山早繁車海年代兩間公司 d 車拖到成抽火車咁，唔停正落客都合理
(亦正因為出車多、基數大，於是巴士死火比例亦唔低，一場豪雨令係寶馬山
一朝早有多於一架巴士係斜路擺街要過客都唔係難事，相信近年應該難少少)


估計張祝珊已經算樹仁以外成座山 (甚至全港中小學) 最遲打鐘既學校
(唔知而家打鐘時間重係咪夏令/冬令 0750/0830 呢？)
十年八年前新城係積極到 8 點打後先上山既車仍然有機會拖卡 (咁遲上山既車通常已經得翻張祝珊同學)
由七點九開始張祝珊站慢慢多人落車開始
係呢個大站連續兩部甚至三四部巴士齊齊落客都唔係奇事
當年一般司機停此站都係對著前閘附近既同學講一聲 "前面開門，睇著" 跟首就開晒前後門
甚至司機唔使出聲，望一望幾位閘長同時隻手慢慢伸去門掣，大家自然有默契企高一級等佢開前門俾大家落車
(不過久唔久會有晨早流流懵剩剩者係精神不足下縮唔切腳俾門底夾著對鞋，本人都試過兩次 )


另外，有個別司機係早繁時間黎到呢度時會去到站牌前再行前半個車位先落客
以便後面咁岩有拖卡時後車可以拉直架車，等唔好阻到對面線大車偷位同埋校門私家路前黃格，然後放心開門一齊放人走
(由七點九開始停呢個站每架車閒閒地落分幾兩分鐘客，若果逐架逐架停正黎做，應該九點鐘架車都未到聖貞德 )
亦有司機早繁時如果係後鏡望清無乜巴士跟尾甚至會停正校門黃格前，等大家行少幾步


即使停正站牌，後車都勉勉強強可以砸少少界好似上圖咁一齊落客，
當年早繁高峰期三架巴士 (第三架開始就停係黃格後，校車泊位對出) 一齊開晒兩隻門落客都好平常
第一架未落完第四架巴士停係雲景道轉完彎岩岩拉直架車準備上斜個位落客都時有發生，有時落到一半前面走晒，
司機就會叫停大家，閂門行前去到站牌繼續落客，不過前面走晒第四架都就黎走得既情況都唔少 (以前 27/529 朝朝車海嘯，其實未必架架頂閘，不過總有人企)
若果計埋張祝珊自己既兩架校巴 (其中一架抵校時食正張祝珊客落車高峰暨寶馬山其他中學都未打鐘既時間)
久唔久某朝就會有十幾秒鐘係四架巴士、一架校巴甚至加架 49m 綠小或者的士一齊係呢個位落客，場面非常壯觀


當年 d 車亦比而家靚，冬天批 90xx 好多架都可以 1波直結一氣呵成去到站牌
(902x 普遍較差，大 number 以 9032、40  特別唔得)
尤其 8點後先上山既車，過左呢個站直頭可以揀位坐
落車後倒後行入校門時重可以聽著批 90xx 好輕鬆咁起步轉落 1波直結 keep 著速捱到下一站，波箱聲/引擎聲俾座山隔一隔後會有迴音，好過癮
9036 37 當年係靚到熱天時企滿人只要一口氣唔停既話可以 1波直結爆到校門前先停
冬天就直頭加著速走人一路 5 10 15 20 25 kph 爆上 1波極速咁衝著走，相比而家個堆富豪......


個時連放學時間 27/529/41A 三條線都有機會夾埋有兩架甚至一拖二到時到站
不過放學時間排第二架一齊開門上客就較少 (27/41A 本身唔係太好生意既就會開著門上著先
但通常行正站牌都會再收一收油睇多次有無人追車)
好多時放學時間望見架 529 轉上張祝珊呢下慢少少，未上完客已有第二架殺到黎，
若果第二架都嫌慢既話就要豎起對耳，盡量聽下山腳金文泰有無 90xx 1波直結既波箱聲
聽到既話即係該司機都識鎖起 1波 + 該車連炮台山道都夠力均速行完，唔係拉架不嬲唔上山既車/司機做攝車
咁就可以放心上第三架，好彩的話前兩架車就會食晒成座山大部分學生，
搭第三架就有機會到聖貞德開始先多人，落山後亦好大機會可以係渣華道一帶過翻前兩車頭，更早返家


到五六年前開左炮台山地鐵隔離條電梯，加上新城狂收車/早繁出單層
8 點零鐘- 8 點半轉入炮台山道既專利巴士數埋都分分鐘無十架
(營運角度黎講，等極無 529 大家未必會即刻轉地鐵
好有可能會上著架 2A/81/82/85 再望實窗口睇下後面會唔會 529 同埋遠遠望定有無 27/41A 由北碼轉出黎
咁即係可以出少架巴士又收一樣車費，何樂而不為 甚至 27 都愈玩愈疏
於是大家既希望通常就放晒係好準時而用車又靚既 41A 度，
曾幾何時收車過分到 8 點幾北角地鐵站/國都對出個度淨計張祝珊師生已經逼爆左架 27 12米蠆同埋 41A 15xx
但仍有幾十位不幸者滯留當地之餘，睇著最後一班可以趕係打鐘前幾分鐘到校既車閂門、打燈、離站
期間再眼白白睇著架頂閘 15xx @ 529 係眼前飛過，可見收車情況幾咁混帳 )


相信除左會考/高考時份之外而家已經連兩架巴士同時落緊客既時間都少了
(本人上寶馬山會考時仍然覺得寶馬山巴士服務可以接受，不過到早幾年細妹上山考會考
事後聽佢回憶等車/山上塞車既情況時，真係自己聽到都緊張埋一份 )
相比十年前，而家寶馬山巴士服務"進步"既地方只有兩個 ：
1.炮台山道鋪左防滑鋼砂 + 新城比當年出車率少左成倍有多，巴士係炮台山道死火次數少左
2.繼 DC 全退後，到後尾離開學校後近年先開始有人記載新巴非低地台車行寶馬山



[ 本帖最後由 HW8373 於 2012-10-31 21:46 編輯 ]

原帖由 LA11 於 2012-10-31 23:51 發表


行完 81S 啲車之後行咩 ?? ........

0650 班次 : 到達寶馬山後做回 23B .
0700 班次 : 到達寶馬山後私牌往嘉亨灣做回 720A .
0710 班次 : 到達寶馬山後私牌經東區海底隧道往寶達做回 601 . ...

但我以前見06:50行完81S行25  宜家改咗?

近排見行完後就周圍去?
4/82/112/720/905

原帖由 nwfb3301 於 29-10-2012 22:28 發表
你讀張祝珊???

係
上課時間仍係0750冬令/0830夏令

[ 本帖最後由 KJ1502 於 2012-11-1 19:52 編輯 ]