屯門南站可以擺邊?

原帖由 JC8385 於 2013-2-26 20:39 發表
其實放湖景路地底做兆禧+屯碼雙接駁可以考慮,他日延綫都可以直穿出海
只係點入地底個問題

湖景路地底根本唔夠位，況且，喺ourfuturerailway.hk已經表明：

“由於屯門站為架空站，加上與屯門南的距離較短，
要延伸架空軌道跨越屯門河並再潛入地底，軌道的坡度將會過大，
難以讓列車行駛，故顧問建議以高架形式規劃有關項目。”

我認為西鐵綫係唔可能再延伸到東涌，除了建造難度高，
造價也一定超高，根本唔符合成本效益，
呢項偉大工程都係交俾“港深西部快速軌道”好啲。

原帖由 JC8385 於 2013-2-26 20:39 發表
其實放湖景路地底做兆禧+屯碼雙接駁可以考慮,他日延綫都可以直穿出海
只係點入地底個問題

同一個位置，湖景路上方做高架是否可行？
如果茅少少，睇睇諮詢網站的圖，話唔定政府根本就係打算起喺呢個位置...


至於西部快軌本地支線，可以設站在東西向的湖山路，與西鐵線換乘

原帖由 waman 於 2013-2-26 22:13 發表

湖景路地底根本唔夠位，況且，喺ourfuturerailway.hk已經表明：

“由於屯門站為架空站，加上與屯門南的距離較短，
要延伸架空軌道跨越屯門河並再潛入地底，軌道的坡度將會過大，
難以讓列車行駛，故顧問建議以高架形式規劃有關項目 ...

黃埔德安街、戴亞街都夠位起一個地底站，湖景路唔會唔夠掛

只不過屯門站架空，難搵位入地，所以顧問建議高架

以下純粹是我的建議：
屯門南站，或者我會叫佢做蝴蝶灣站，
建議起喺悅湖山莊對出，湖山路上面，
連埋海皮臨時停車場，夠哂位做島式月台，類似朗屏站，
唔使填海，仲可以考慮收購埋新華凍房地皮作上蓋物業發展。
而輕鐵可因應呢個所謂「蝴蝶灣站」作改線工程：
新建一段輕鐵由屯門碼頭出發，右轉湖翠路，
右轉後即爬升作架空路軌並左轉湖山路，
在「蝴蝶灣站」下層新建「蝴蝶灣輕鐵站」，形式類似天水圍站，
然後去到湖康診所右轉返回原有路線。
取消現時湖康診所至湖翠路的輕鐵路段以及兆禧站。
而屯門碼頭輕鐵站的車頭方向由現時向湖翠路改為向海。

[ 本帖最後由 waman 於 2013-2-26 23:07 編輯 ]

原帖由 kei_hk 於 2013-2-26 14:16 發表


如果在巴士廠一帶做新總站﹐只是因為有地產發展﹐你的視野可能細了一點。

1. 政府如果要利用地產補貼新車站﹐係無規定地產項目一定是上蓋物業。係可以在附近另找合適地方﹐例如現時巴士廠一帶。

2. 巴士廠一帶假如係地產 ...

映灣園都算係

港鐵參與GE樓盤中遠離港鐵站一個例子

但係最近天榮站項目先流標

仲用輕鐵接駁做賣點

或者學下地產口吻

一脈相連尖沙咀  座擁兩鐵地段(西鐵綫/輕鐵)

[ 本帖最後由 busfunfun 於 2013-2-27 01:55 編輯 ]

原帖由 busfunfun 於 2013-2-27 01:43 AM 發表

映灣園都算係港鐵參與GE樓盤中遠離港鐵站一個例子


但係最近天榮站項目先流標
仲用輕鐵接駁做賣點
或者學下地產口吻一脈相連尖沙咀  座擁兩鐵地段(西鐵綫/輕鐵) ...

天榮站流標的主因係補地價太貴﹐令到地產商成本太高﹐難以有一個合理回報﹐所以才無地產商入標。

我上面的建設位置﹐除了輕鐵接駁﹐亦可用行人天橋(公園設站的話)。

諗到4個方案

1) 穿過工業區小山丘落地底, 經龍門路到達湖山遊樂場
2) 架空在屯門河上, 直入湖景路
3) 架空在屯門河上, 偏左轉入湖山路
4) 架空在屯門河上, 經海皇路入湖提街

1,3 方案到時都可以接駁到大嶼山/荃灣
2,4 方案由於角度問題只可以接駁到大嶼山

如果同湖景村合併發展的話, 選址應該比較易同理想

[ 本帖最後由 timmylee 於 2013-2-27 11:46 編輯 ]

如果在那裏設站的話，我會建議命名為青山灣站，畢竟位置前臨青山灣。
不過，這個位置並不是在該區的中心，蝴蝶邨和兆山苑的居民要步行一段距離（雖然也不長）。

以 Google 街景觀察，我認為湖景路公園對開，三條行人天橋之間的一段湖景路建站也應該合適，因為那裏路寬和行人路花圃足夠容納島式月台。
車站應儘量缩小站體的大小，減少對民居的影響，不需要有車站長度的大堂，而出口連接既有的天橋。
這個方案的缺點是阻礙通風和需要將原本在路中心的樹木遷移。

如果要將上蓋物業和車站結合的話，那麼當然是你的建議比較適合。

原帖由 Hongkonger 於 2013-2-27 11:55 發表
以 Google 街景觀察，我認為湖景路公園對開，三條行人天橋之間的一段湖景路建站也應該合適，因為那裏路寬和行人路花圃足夠容納島式月台。

如興建西鐵延線，那仍然是「政府租畀MTR」的項目，不一定要有上蓋補貼。
我一向認為湖景路是最好的，與各屋苑距離相若，
遠離私樓望海窗戶可避免建造及營運期間引來噪音投訴（公屋只要政府起個隔音屏就冇聲出），
佔地方面，非車站段的橋躉大約只佔一條行車線闊度，路中植樹帶應該夠用；
站體位置可能要「冂」型將支柱放在兩邊路旁。
而若將來有需要延伸，湖景路尾條「罅」都可以畀佢穿出去。

原帖由 timmylee 於 2013-2-27 11:26 發表
諗到4個方案

1) 穿過工業區小山丘落地底, 經龍門路到達湖山遊樂場
2) 架空在屯門河上, 直入湖景路
3) 架空在屯門河上, 偏左轉入湖山路
4) 架空在屯門河上, 經海皇路入湖提街

1,3 方案到時都可以接駁到大嶼山/荃灣
...

果座山好多原居民同非原居民，仲有一堆墳......

搞個公園又係死....因為果個位仲有間大中心，成個屯南都靠佢...

香港地凍倉長期不足，人地實同你釣高黎賣.....

走龍門居過亦不理想，人地公路一定無得改，上山點避你，你又避唔到佢......

不如挑戰D，直接河中間做過海底隧隊式入口插入河底過去碼頭區，又型棍又解決眾多設計問題

反

正我總覺得政府會咁駁，錢己經不是問題

[ 本帖最後由 DGCNYO 於 2013-2-27 19:32 編輯 ]