引入高技術移民的迷思

喺鐵路版見到有版友話星加坡積極引入「高技術移民」，反觀香港每日150個單程證限額入面，則以低技術新移民佔多數，因為而將星港兩地加以對比。
試想像一下：香港宣佈進一步開放「專材」，大量高學歷中國籍人士走去香港同你我爭飯碗。漸漸地，香港各大企業都由一班唔識講亦唔肯學廣東話進佔中高層職位，佔有企業權力同資源，佢地會好似各大專院校NDS咁逐漸圍埋一黨，而唔係融入香港文化。初時，可能只係私下批評港籍下屬，既然香港已經回歸祖國點解你地唔學好普通話。慢慢地，當越來越多所謂專材移民加入，佢地就會用佢地一套價值觀同做事方式，去取代香港嘅核心價值。香港人，漸漸由主人家，變成被排斥嘅一群。

香港勞工市場，目前最缺嘅正正就係低技術勞工，反而大把大學生搵唔到一份似樣而又配合本身專業嘅職位。新移民擔任低技術職位，俾香港人管住，因此要學習融入香港社會（例如去學廣東話）。反觀所謂專材，例如電視上成日見嗰啲來自中國嘅金融才晉，永遠只會見僗地講普通話，可視為唔肯融入香港社會嘅表現。

新加坡罕有地上月發生大規模示威，抗議政府計劃引入更多移民，當中原因正正係呢啲高技術移民搶走原屬於新加坡人嘅高薪職位。香港應該以此為鑑，無錯引入專材可以令經濟發展同GDP增長，但一般本地人唔會因為咁而分享到成果，更甚者係當精英階層大陸化後，佢地會改變商業世界嘅遊戲規則，進一步令香港人喺經濟上受壓。

想大陸人做你老細？想一世俾大陸人騎住？即管支持引入更多專材啦！

原帖由 PB602 於 2013-3-22 12:50 發表
喺鐵路版見到有版友話星加坡積極引入「高技術移民」，反觀香港每日150個單程證限額入面，則以低技術新移民佔多數，因為而將星港兩地加以對比。
試想像一下：香港宣佈進一步開放「專材」，大量高學歷中國籍人士走去香港同你我爭 ...

即係咁, 其實係要檢討150 單程証數目
其實係太多, 一年增加5萬4人, 計埋雙非接近9萬人一年
佢地係幫到香港勞工市場呀, 但拉低整體人工, 本土低技術工人咪受苦囉
仲有住屋問題, 宜家話就話要住夠7年先可以申請公屋
但實際上我唔知點解新屋村大部份都係中國新移民入住

專材你以為宜家無? NDS 就係例子
仲有咩鬼投資移民計劃
其實我果時又真係無考慮到呢樣野, 呢個的確係
不過專材呢家野引唔引入都好, 部份香港人都會破壞自己核心價值

好似普教中, 完全係糖衣毒藥, 遲下香港無左廣東話呢個屏障, NDS呀, 咩專材呀就更易打入香港市場

普教中目的是令新一代減低對普通話的抗拒性
正如我們由細到大, 在學校必學英文一樣, 對英文近乎沒有抗拒性

當一眾香港人反地產, 罵李+X, 罵新界鄉紳之時,
又有冇諗過如果香港冇咗呢班財閥, 而大量國內資本家趁勢注入, 香港的核心價值將會被改頭換面了
到時, 見工第一門檻問 reception 就需要講普通話, 縱使應徵者識講"標準"普通話, 但竟然唔夠一位小小的 reception 講得一口流利的北京普通話之時, 雙方溝通甩甩咳咳, 應徵者就已動搖自信心了.

http://paper.wenweipo.com/2011/01/25/YO1101250002.htm

"至於窮人買樓難，王震宇認為「低增值人士」應該離開香港，以騰出空間讓高增值人士來港。"

啦！黎D心態囉對有錢人看法

其實香港跟本要做翻大D產業，但政府又眼角高，一定要高增值

請問香港有咩本事選？香港地價高人工唔算平，仲要香港有大著數先做？

香港賣點只係QC都win，但高增值要求的配套你未必有

再講簡單D，時裝我睇死都唔當係高增值，但我夠膽講香港有心做無可能養唔起一班人....但香港政府覺得工廈不如改成寫字樓好過香港賣衫

你點睇？我就睇唔通

原帖由 053h4 於 2013-3-28 12:05 發表
香港時裝只係走貴價路線, 就唔係無人做, 而重做得好好TIM

其實咁講, 呢D就唔好賴政府
假如我有層樓, 拎一千萬出去買樓, 坐係度個個月收幾萬租
呢D好做定做生意好做

呢D心態, 幾多高技術人才都無用
而家係政府做生 ...

但高既養得幾多人，只係做衫板夠養幾多人？

香港係咪想一半工作人口科技性失業？我未聽過只做一D做少少賺多多既高質值就可以養一個city既人

如果無做活化，當年廣東廠其實都有部份想回流，一活化就收曬聲去非洲去越南

香港有QC有效率有世界級的出口能力，做中檔量產一樣有得做，但租金貴跟本就自毀......要記住有錢人在不境氣時抽身得最快

偏偏香港現在囉得最多各種鋪/廠的就是這種人.....我不禁想，爆一鑊會幾慘