龍運新特別路線N30P及N42P

原帖由 da93 於 2013-7-12 12:39 發表

咁即係講緊,
龍運冇認真回應相關訴求,
呢個唔係後路

你要攪清楚既唔係兩者關係,
係成個問題

成件事係咁
幾個月之前有版友提過話N42A間唔時響大埔就會上唔到車
但機會不定，有時會有時唔會
但龍運一直都無理會過呢個問題
於是就出現左兩派意見，第一派就係對龍運唔理會大埔居民凌晨出機場的需要表示不滿，第二派就係話既然龍運都係唔彩你，辛苦都要自己搵定後路，索性唔搭N42A，好過開大開細搞到自己遲到

我自己就係第二派意見嘅人。我必須澄清，無人講過上唔到車的大埔乘客抵死，有關意見請睇返幾個月前的post
而家就係有版友拎返出黎講話當日有其他持第二派意見的人覺得N42A大埔乘客上唔到車係自招麻煩
甚至覺得加班車係無必要，覺得呢班加班車出現好似刮左呢班人兩巴咁
因此，我先至回應返上面位版友，指出根本無人話過加班車無必要，而同時暑假呢班加班車明顯唔係為大埔居民平日上唔到車而設
所以該位版友係抽錯水咁解
至於所謂後路，而家多左班車咪變相係暑期限定嘅係後路囉
除非呢班加班車都係日日頂閘嘅姐

所以我回文焦點係針對返以前討論過關於大埔乘客深夜上唔到N42A出機場呢件事，同呢班N42P加班車出現的關係
並唔係講龍運今次處理手法岩唔岩，唔好意思

[ 本帖最後由 jd2522 於 2013-7-12 18:45 編輯 ]

原帖由 jd2522 於 2013-7-12 18:41 發表

成件事係咁
幾個月之前有版友提過話N42A間唔時響大埔就會上唔到車
但機會不定，有時會有時唔會
但龍運一直都無理會過呢個問題
於是就出現左兩派意見，第一派就係對龍運唔理會大埔居民凌晨出機場的需要表示不滿，第二派就 ...

N42A單野，個人認為後路得哥條，就係轉工...N30變為N260/9->N31，都話時間相差約半小時，大埔就...

跟據我只係搭過一次隱形班次(0400元朗開)，N30P日日有都唔過份，日日望住班屯門客無位坐...

原帖由

jd2522

於 2013-7-12 18:41 發表

成件事係咁
幾個月之前有版友提過話N42A間唔時響大埔就會上唔到車
但機會不定，有時會有時唔會
但龍運一直都無理會過呢個問題
於是就出現左兩派意見，第一派就係對龍運唔理會大埔居民凌晨出機場的需要表示不滿，第二派就 ...

問題咁睇,
公交服務未能應付滿足需求就要搵定後路既,
咁我會同你講,
我唔需要同你講公共交通服務,
即係你要凌晨返機場既,
自己買部車囉...一切問題已經唔需要存在,
反正如你所言搵定後路既時間成本唔一定低過楂車...
更加唔需要學你咁講買大細...而更甚者一點係,
你唔能夠否定買部車都係其中一個解決方法既時候

(政府都係咁咋嘛...你搭唔到車,咪搵定後路囉~)

但如果下下變成自駕自救的話,
他日各位就唔好走黎賴點解私家車不停增長佔用路面空間...

尤其是講緊N42A的確有機會上唔到車既時候,
你同我都唔知幾時會咁...
但又基於你唔能夠無視有呢種現象既情況下,
咁自駕自救,而違背公共交通因應需求而發展的話,
究竟出現咩問題,
你自己諗...


返回呢架加班車問題,
除非你硬性規定返工客/大埔居民唔可以坐,
否則你只能夠話,
呢班車,並不純粹為返工客而設,
而唔係一口咬定佢唔係為某類人而設,
調番轉,如果N42A真係爆左車而又有返工客/大埔居民上唔到車既,
呢架加班車同你吸左堆返工客,或者係大埔居民,
你可以同人講,
呢架車唔係為呢兩種客而設咩?

[ 本帖最後由 da93 於 2013-7-14 01:58 編輯 ]

原帖由 da93 於 2013-7-14 01:33 發表

問題咁睇,
公交服務未能應付滿足需求就要搵定後路既,
咁我會同你講,
我唔需要同你講公共交通服務,
即係你要凌晨返機場既,
自己買部車囉...一切問題已經唔需要存在,
反正如你所言搵定後路既時間成本唔一定低過楂車.. ...

回應兩點
第一，我都知道呢個所謂後路成本極高，駕車仲好過搭車
但我再一次澄清問題，而家係講緊如何解決即時性的問題 (版友指出間唔時就會上唔到N42A)
唔係講緊呢個方法就等於一切，有呢個後路就唔洗爭取改善N42A服務
而現在重點係，而家巴士公司唔理你，你除左繼續爭取之外，你點都要搵方法解決燃眉之急，令自己唔會遲到
之前有版友提過搭E41尾車入去機場訓，呢個明顯唔係好方法喇掛，但假設除左呢個方法之外無其他方法確保自己準時到機場，點都要頂硬上。至於你會唔會因為咁唔打呢份工呀，呢D係當事人的選擇，我無權無資格亦無意表態

第二，呢班加班車之所以出現，從服務日期(暑假期間)可以見到班車明顯係為假期增加的旅客而設
本身N42A有常客，要應付增加旅客人流先至開呢班特別車
咁當然本身常客都係受惠於N42P，就係因為有一班常客響度，先會導致當旅客增加而常客就未能上車的情況
你試試如果N42A本身係載空氣，就算多左班旅客都唔會需要加車啦?
但問題係講緊，N42A上唔到車情況唔係只有暑假期間先發生，重點字眼係「情況不只有暑假才出現」
無可否認我無辦法知道巴士公司內部人士開線的動機，但從各方証據推論，平日N42A上唔到車的問題，與呢班車出現無關，睇清楚，重點字眼係「平日的問題」。
仲有呢，大埔居民可以搭N42P等於N42P為呢班大埔客而設嗎?  巴士迷可以搭5R等於5R為巴士迷而設?


所以呢，我同閣下所講的並沒有抵觸，我係解釋返我自己認為平日搭唔到N42A的乘客可以用乜野短期方法解決目前的問題，而唔係話呢個方法的好與壞，究竟大埔居民係咪需要屈服於呢個後備方案之下
而閣下所講的就係一個大視野，究竟後路存在的問題，同埋究竟如何透過長遠方法解決目前問題。
搵定N42A以外的後路係講緊目前N42A服務未完善前適用，而唔係一世。
而我不值的，是自己明明唔係食花生等睇戲嘅人，反而變成眾矢之的。

最後用一個例子說明，好多貧窮家庭連開飯都無錢，咁一批人就話應該要透過政策改善基層生活
一批人就話應該派飯比佢地先，如果唔係有人就會餓死
明明呢兩樣野就無抵觸，亦係兩個獨立存在的問題。
你長遠係要解決貧困問題，亦不能日日派飯就可以解決問題。但政策未推出之前，唔通你就乜野唔做
攤大手板等政策出爐幫有需要的人嗎?  就響度話派飯會帶來好多人呃飲呃食唔上進咁樣 ?

[ 本帖最後由 jd2522 於 2013-7-14 14:15 編輯 ]

估唔到呢個問題餘波未了

首先就本篇貼文而言,由頭到尾無人話要刮某人兩巴掌
只係上次有人聲稱到沙田或旺角轉車,否則就只有在大埔
坐以待斃地死等N42A,不過在N42P出現之前,如果N42A每晚
到達大埔發現,每個中途站都無人等N42A而係去咗另一區轉車,
估下會唔會有今日N42P嘅出現?

我認同#21,#24回應,巴士公司未有加班之前
乘客要自行找適當方法應對,令自己不遲到/缺勤/錯過航機
關鍵在於一開始,就指責上唔到車嘅人係「大大」又點樣討論落去呢?
我爬咗上面回覆,知道佢俾like都不屑同我哋討論落去.

機場除遊客外,更有警察/入境/海關職員
而且紀律部隊定期(一般為三年)會更改駐守
崗位,上述三類職位,係唔少人甚至上一代希望
自己子女可以出任嘅理想行業. 問題就係,可唔可以
話住於某區,任職若干年後才派到機場出勤,係自己攞嚟?
如果答案「是」的話,加入紀律部隊亦等同買大細.

返回現實世界,N30比N42A更有條件
長期分拆成屯門一條,天水圍+元朗一條
即使這數周內N42P爆滿,時限一到相信亦消失
屯門獨立一條,好可能要求於屯門區內加大覆蓋
會引申日間E33不達,大部分人要輕鐵接駁或者期望
屯門轉車站加入E33轉乘屯門M線,反而通宵直達嘅討論.

最大問題N30或N42A一旦分拆巴士公司好難再有理由不再經
收費高昂嘅大欖隧道,所以今次N42P都要定為上水開出經大埔.

當然再落去,應該唔洗幾耐就會有「俾$30.1想人哋
開多一班車」嘅回覆. 討論,係要有唔同聲音先至有意義.

[ 本帖最後由 kitarolo 於 2013-7-14 15:11 編輯 ]

原帖由 Oliver_ME16 於 2013-7-12 00:11 發表
P 就係Peak Hour意思.

機場既peak hour同其他地方唔同,
P線既開車時間就自然唔同,
何必大驚小怪?

正解

講起機場既peak hour, 機場後勤區半夜一點都係多人收工

如果N30P 日日開都幾好 至少方便到屯門一班有需要既市民 不論是去旅行定番工
我試過2 次坐0400 開既N30 多人到要坐哂樓梯 頂哂門口 但0445 呢個時間有D 尷尬 如果可以開2 班 一班0425/0435 一班0450/0500 咁就好少少 一來可以分擔到0400 /0420 N30 到屯中中間呢個空檔 二來又可以分擔E33 頭車總站已打爆既情況 再貪心少少 其實可以整幾班通宵版既E33P 開0400 0430 0500 N30 不經屯門 咁就完美~~

原帖由 jd2522 於 2013-7-14 13:59 發表

回應兩點
第一，我都知道呢個所謂後路成本極高，駕車仲好過搭車
但我再一次澄清問題，而家係講緊如何解決即時性的問題 (版友指出間唔時就會上唔到N42A)
唔係講緊呢個方法就等於一切，有呢個後路就唔洗爭取改善N42A服務
而現 ...

第一,
繼續爭取係需要,
但你認為作為一個成人,
會唔會要你講出口要諗辦法令自己返工唔會遲到呢?
根本呢一句我認為只係講左等如冇講既野,
解決唔到成件事之餘,
叫做全世界人都做緊既野(調番轉,N42A未開之前機場班友大把後路啦),
你走黎講捉不著邊際既同時點能夠叫人唔光火?

而且,駕車好過搭車,
講緊既係你違背左公交因應需求而晌服務上作出配合呢樣野既時候,
變左成個話題上你講左呢堆野變得無意義

第二,
你明唔明白一樣野,
理論上你咁諗係岩,
但實際上行出黎呢?
變左有雞先還是有蛋先既問題,
你已經假設到N42A有一班返工常客晌度,
但又預計到暑假旅客高峰,
雖然N42A既情況係"不只於暑假才出現"既事實下,
但換轉角度睇就係"暑假情況將會更嚴重",而令巴士公司作出有關安排,
呢個係最大既客觀現實,
亦唔到你去否認,
咁樣已經唔需要再同你講"平日既問題",
叫做就係話佢冇解決到,情況一直都晌度,
只係話可能N42P既出現叫緩和左既時候,
亦間接返番轉頭講,
N42P並不是一條後路

再論大埔客問題,
我係講緊N42P咁出現,
你能夠否定去到果陣N42A同N42P既情況嗎?
而且晌乘客角度你夠膽講冇人會咁樣解讀>?

原帖由 da93 於 2013-7-15 14:07 發表

第一,
繼續爭取係需要,
但你認為作為一個成人,
會唔會要你講出口要諗辦法令自己返工唔會遲到呢?
根本呢一句我認為只係講左等如冇講既野,
解決唔到成件事之餘,
叫做全世界人都做緊既野(調番轉,N42A未開之前機場班友 ...

http://www.hkitalk.net/HKiTalk2/viewthread.php?tid=770857&extra=&page=3

閣下認為本人所講果D講左等如冇講嘅野，就是有其他版友在爭論，煩請自己睇返舊post

而本人再一次強調，N42P比大埔居民使用，無論佢而家有無解決到一直以來N42A有時上唔到車的情況都好
重點係，響目前服務期只於暑假內維持的時候，就不能見得呢班車係為左長久以來未解決的上唔到車問題而設
解釋完畢，就係咁多

原帖由 jd2522 於 2013-7-15 20:43 發表
而本人再一次強調，N42P比大埔居民使用，無論佢而家有無解決到一直以來N42A有時上唔到車的情況都好
重點係，響目前服務期只於暑假內維持的時候，就不能見得呢班車係為左長久以來未解決的上唔到車問題而設
解釋完畢，就係咁多

原來N42P開辦並唔係因為N42A太好客上唔晒既話
(就算佢唔係日日都爆),
咁龍運無端端開多班車係做乜?