南港島線西段討論

原帖由 剛男style 於 2013-12-6 00:37 發表
華富站至香港大學站這段效益不大, 一係就再進一步加劇港島線中環站至銅鑼灣站這段的負荷 (因為南區西部的居民會在香港大學站轉乘港島線)

無論係延長沙中線定經東段, 最後都係要轉乘港島線, 都係加重金鐘站至銅鑼灣站這段的負荷, 根本冇分別
我唔明點解你會諗唔到呢點, 仲要有人附和你

香港大學站至金鐘站係冇負荷問題, 金鐘站至灣仔站先係大問題

原帖由 剛男style 於 2013-12-7 00:25 發表

藍色線根本有冇都冇分別  洗多100億就係為左幾萬人快幾分鐘??

華富+田灣+香港仔人口同鴨脷洲人口剛好係1:1, 南港島線全日行1:1就可以應付,
南港島線金鐘站的兩個月台set死一邊只開華富車, 一邊只開海怡車, 咁就好清晰

另外應該去埋數碼港, 數碼港有不少通勤人流, 而且流向同尖峰相反方向,
唔會加重尖峰方向壓力之餘仲可以增加運輸效率

[ 本帖最後由 Kaix 於 2013-12-8 21:00 編輯 ]

其實政府係無預設立場，無決定一次過起晒定斬件

而區議會都要求全段興建

不過西段應該無咁快上馬，起碼等華富同瑪麗重建先

原帖由 kay 於 2013-12-9 08:14 發表

不過西段應該無咁快上馬，起碼等華富同瑪麗重建先

無錯, 現時華富的建築物令到西段只能在邨口設站,
如果唔係就如上圖一樣去到盡頭冇得延長,
重建時希望可以將車站納入規劃的一部分,
令車站建在華富區中央地帶之餘又可繼續延長至數碼港

看了樓主的圖
小弟覺得華富站的位置並不理想
因為那裡太過接近華貴邨
而且附近就是是華富商場，並附有電梯前往華貴邨
除非把華富商場清拆，否則無法建站
反建議設站在華富道與鋼線灣路之間的迴圈
該處建築群樓齡較大，相信會率先清拆
而且亦有利於將來鐵路延長至數碼港等地
此外，假如把南北線延長至華富
可不可以採用觀塘線延線（何文田／黃埔）的形式？
就是：只建一座月台，繁時一班華富開、一班金鐘開；
其他時間則所有班次由華富開出

[ 本帖最後由 hellomato 於 2013-12-9 16:19 編輯 ]

當初起東段之前, 漠視東段本身將來通車後會提升當區的吸引力, 以及漠視將來黃竹坑車廠上蓋物業落成所帶來的新增沿線人口, 依然執意只用三卡列車就算, 肯定將來東段通車後冇耐, 成條線好快就會飽和.

因此真係必須要起第二條港島南區的對外鐵路, 而這條鐵路又要係冇咁快飽和的, 因此這條鐵路應該要使用重型鐵路系統行走.

以數年後的鐵路網絡格局來講, 使用九卡列車營運的沙中線南北走廊正正符合以上條件, 因此應該利用沙中線南北走廊由金鐘站向南繼續伸延.

這樣南北走廊起咁長路其實唔會淨係服務華富一個地方, 仲可以服務埋香港仔及田灣的轉車客 (相信就算將來這兩個地方真係有鐵路服務, 這兩個地方的居民都唔想同鴨島人一齊迫埋同一架車) .

一係就同鴨島人迫車, 一係就於華富站轉一次車.

我依然建議將東段由黃竹坑站起條分支鐵路去華富站, 係因為有銜接作用, 亦都唔駛另起新線 / 把西段獨立成線, 也為建議的南北走廊金鐘站至華富站段增加客源.

有人話南北走廊金鐘站至華富站段兩站之間距離過長, 唔符合成本效益, 其實官方建議的西段香港大學站至華富站段比較還要 "有過之而無不及" , 仲要兜個大彎... 兜去港島西區先可以去到中環及金鐘等.

已經講左南北走廊伸延至港島南區唔會淨係畀華富這一地方的人用, 同時仲係畀香港仔及田灣的人轉車用, 這樣又點會冇成本效益呢???

根本以現在華富, 田灣, 香港仔的人口, 其實已經有足夠支持去起鐵路. 而我建議的南北走廊金鐘站至華富站段, 南港島線東段黃竹坑站至華富站分支段, 兩條應該要同一時間一齊起, 一齊通車. 這樣就造福 116,214 名華富至香港仔居民 (根據 2011 年人口普查結果, 鴨脷洲 86,089 名居民) 了.

如果真係要將華富邨塊地交畀港鐵起鐵路上蓋物業, 才可以實行我這個鐵路建議方案, 我不反對.

如果真係把西段獨立成線的話, 肯定同樣都會係只用三卡列車營運就算, 到時分分鐘都會連西段通車冇耐又飽和, 到時又要再考慮起第三條港島南區對外的鐵路.

[ 本帖最後由 剛男style 於 2013-12-10 00:19 編輯 ]

原帖由 剛男style 於 2013-12-9 22:28 發表
當初起東段之前, 漠視東段本身將來通車後會提升當區的吸引力, 以及漠視將來黃竹坑車廠上蓋物業落成所帶來的新增沿線人口, 依然執意只用三卡列車就算, 肯定將來東段通車後冇耐, 成條線好快就會飽和.

因此真係必須要 ...

華貴唔係公屋，唔會拆的..

其實走線係有少少問題，做華富又要做數碼港又要做瑪麗，數碼港個站一定唔會靚，華富都要擺靚少少
而數碼港都有預留位置去擺地鐵站

有議員提議過係置富同華富中間擺地鐵站，再用電梯/升降機服務兩邊居民，但個隻走線似乎都服務唔到數碼港

一係數碼港瑪麗只能二選一

原帖由 剛男style 於 2013-12-9 22:28 發表
當初起東段之前, 漠視東段本身將來通車後會提升當區的吸引力, 以及漠視將來黃竹坑車廠上蓋物業落成所帶來的新增沿線人口, 依然執意只用三卡列車就算, 肯定將來東段通車後冇耐, 成條線好快就會飽和.

因此真係必須要 ...

其實南港島線東段有無預留空間加車卡?

原帖由 053h4 於 2013-12-10 10:26 發表
根本無雖要起

繁忙時間一個鐘果幾廿班巴士行薄扶林道都唔係班班企滿人
洗咩起

要起都優先係人口密度更加高的地方起先啦

其實除左北港島線，香港有需要起重鐵既地方都已經起晒/起緊