搭968 要花兩個鐘係正常嗎?

内文有點感性, 所以唔擺 B2.

今晚雖然落雨, 但地鐵恢復正常, 我以為就會冇事. 點知天后總站 968 半個鐘冇車, 948同914反而仲有. 起碼有兩個人去過同站長理論, 仲有人發惡

不過最恐怖都係部車轉出英皇道就停左, 塞到中央圖書館竟然用左 40 分鐘, 到怡和街已經過左 1 個鐘, 最後落車用左兩個鐘.

另外一段小插曲就係架 968 項閘去到永吉街跟住架 373A, 如果 968 可以行先飛站, 我估人龍起碼有一半會識同肯改搭 373A. 點知佢好似慌死有好多人咁絕塵而去, 而上唔到 968 的, 當然又係既怒且怨

塞車當然極難受, 但今次見到乘客怪站長司機唔調配車或班次執生, 站長同司機又怪乘客好去指責佢地, 另外又有司機好似趕住自己收工咁, 個人覺得總係好 "不是味兒". 撇除呢段路唔知係咪有交通事故搞到今晚亂七八糟, 第一次覺得咁樣的九巴, 真係唔會做得耐啦 ........

其實維園一有工展會、年宵花市等活動
銅鑼灣/灣仔是可以塞到爆炸
就算搭一般紅隧車也不好過

我想914/948都應該俾禮頓道玩死
不過起碼總站有車上先

[ 本帖最後由 avianwind 於 2013-12-17 12:20 編輯 ]

天后個度死位黎,你俾邊間公司做都係甘,948同914都無得拉疏,948定點,914本身都唔密,E11緊加甩到阿媽都唔認得,除左等車返站長可以做D咩?
站長其中一個職責就係俾客問候,
其實大把人等唔到968 會去坐969轉西鐵好過LA,969A成日有位坐,部373A就算係後邊都真係無咩幫助,

我覺得968已經係九記做得算好GE線,出得齊車,因為收緊廿幾蚊個,但比969就 人地繁忙時間銅記斷都可以靠969AB救灣仔,

其實高士威道西行塞車既源頭係咩？禮頓道西行近木球會燈位去唔晒車？

[ 本帖最後由 4437 於 2013-12-25 05:44 編輯 ]