英國巴士公司訂單

整體尼講，邊間巴士生產商拎得最多英國巴士公司訂單?thx回文既版友提供資料

[ 本帖最後由 680X 於 2013-12-25 23:49 編輯 ]

從網上所見，暫時都係ADL於城市巴士訂單方面佔優, 有啲仲要係新客戶, 例如Go South Coast, Plymouth Citybus都有入佢哋嘅雙層車，另一方面，Scania亦因為Omnicity嘅停產，以致一啲用開Scania嘅巴士營運商，例如Cardiff Bus，Go South Coast，Metrobus等都改用其他品牌嘅巴士，例如富豪B7RLE，平治Citaro，ADL Enviro400等等

另外，今年都出咗唔少十四噸級大型單層，不論係FirstGroup，Stagecoach等等都係訂呢堆車居多，甚至連Go North East呢間用開十八噸車嘅公司今年都有訂十零廿部，原因無非都係為慳油同減磅啫，所以ADL，Wright，同Optare都因此受惠

http://www.buslistsontheweb.co.uk/menu.asp?type=Chassis
呢個網應該可以幫到樓主



如果數英國既巴士，大致分成幾種規格：
細既中型單層、輕量大單層、大單層、雙層，最操略估計既話，英國最多巴士公司用既牌子一定係 ADL 集團，
雖然 ADL 一如其他廠一樣唔係食足晒咁多個市場 (似乎無廠係咁)，但 ADL 食正需求最大個幾個，因此 ADL 車數量最多
而同產品質素/性能無關 (通常 ADL 係大部分英國/愛爾蘭巴壇裡面都係最不受歡迎品牌之一，係司機之間負面意見尤甚，一般意見都係 "you get what you pay for"，同埋 ADL 同 Stagecoach 有股份合作關系，所以 ADL 車數量多)



用 bus lists on the web 粗略計下過去 10 年英國巴士 (加埋愛爾蘭)

細車 (細車市場係英國極度重要，去到英國好多地方想搵架的士都難，但就算只得一條山路既鄉郊地區如果容許到巴士行就仍然會有中型巴士服務)
ADL Dart/E200：04-08 年大約 2370 架、09 年至今大約 2890 架
Optare Solo 系列：04-08 年大約 2100 架、09 年至今大約 1015 架 (Solo 停產，以新版代替，同時又有其他廠牌加入競爭)
Man 12.2xx：04-08 年有 6x 架
VDL SB120/180：04-08 年有 315 架 SB120 (Volvo 停產 B6 後代理此車，之後停止代理後 SB180 09年打後大約賣到 30 架)
重有定位同 Solo 競爭既 Plaxton Primo 數量太少 (得百幾架) 無數到


輕量化大單層
ADL E300：04-08 年大約 255 架，09 年至今大約 490 架
Optare Versa：08 年左右推出，個陣賣到約 150 架，09 年至今大約 535 架
Wright Streetlite：近代推出，定位橫跨細車同輕量大單層之間，近三兩年推出至今大約賣左 400 架
Man 14.2xx：04-08 年大約 200 架，09 年至今約 170 架
VDL SB200：04-08 年大約 250 架，09 年至今約 505 架

單層
Optare Tempo：04-08 年約 100 架，09 年後約 120 架
Man 18.2xx：04-08 年約 210 架，09 年後約 310 架 (最近三兩年好似無乜新車出牌)
Scania K/L/N系：04-08 年約 845 架 (有 6xx 架屬 L/N 系)，09 年後約 440 架 (K 系佔 370 架)
Volvo B7L/RLE：04-08 年約 1200 架 (幾十架係 B7L)，09 年後約 830 架 (近幾年巴士公司考慮到巴士使用年期開始縮短，出牌行十幾年都退役，於是轉買 E300 之類既輕量大單層夾硬用)
Benz Citaro：04-08 年約 345 架，09 年後約 290 架

特別版環保車 ADL E350H、Volvo 7900H、Man 天然氣巴士、Wright 氫氣巴士、Wright/VDL 混能巴士之類數量太少無數到

雙層
ADL E400/E400H/E500：04-08 年約 1670 架、09 年後約 2600 架 (包括 25 架 E500，同埋 E400H，只粗略減去百幾架香港版數字)
Wright/VDL：夾埋至今最少 680 架
Scania N系：04-08 年約 345 架、09 年後約 1085 架
Volvo B7/B9/B5：04-08 年約 1650 架、09 年後約 2260 架  (粗略減去香港同新加坡訂單；另倫敦有一排無買 Volvo，應該對訂單有一定影響，不過 3軸版 B9 就略比 ADL E500 多，夾埋約 110 架)






[ 本帖最後由 HW8373 於 2013-12-25 14:43 編輯 ]

原帖由 HW8373 於 25/12/2013 10:34 PM 發表

特別版環保車 ADL E350H、Volvo 7900H、Man 天然氣巴士、Wright 氫氣巴士、Wright/VDL 混能巴士之類數量太少無數到

ADL E350H:至今有 二十六部(只計英國, Stagecoach有二十二部, FirstGroup有四部)

Volvo 7900H:至今有三十九部, 未出或未投入服務既, 已知有二十五部 (First有二十九部, 五部未出, Lothian Buses十部, 二十部未出(呢批行歐六))

MAN CNG (Ecocity):至今有三十四部, 但響最新一輪Green Bus Fund中, 無公司訂呢款車(詳情請參閱英國DfT官方網站文件第五頁及busandcoach.com有關第四輪Green Bus Fund既結果)

Wright氫氣單層巴士至今有八部, 同廠混能雙層巴士有十二三部(三部一代Gemini HEV, 即Go Ahead WHD1,Arriva HEV1 (現FirstGroup 39000), 及北愛爾蘭Dublin Bus WH1(已易手,據悉現已焚毀), 其餘係Gemini 2 HEV, FirstGroup(而家去左Tower Transit?), 同Arriva各有五部),混能單層Electrocity就十八部(Abellio五部 (據悉已退役), Go Ahead十三部)

Scania CNG單層至今出左二十部(Reading Buses), 仲有五十四部未出或未投入服務(Stagecoach四十部, Reading Buses十四部)

另外,我上次留言時無小心留意樓主提問, 以致回應時只回答今年有咩訂單, 請見諒

[ 本帖最後由 GW5498 於 2013-12-26 12:02 編輯 ]

其實英國咁多本土巴士廠點解仲會買貴o既進口Citaro?

好用既話咪用囉, 唔會話因為佢唔係英國製造就唔買, 而且佢都唔係眾英國用家既首選, 而只係間中購入十幾二十部, 價錢當然係原因之一啦

響德國一樣有非德國品牌既巴士, 只係數量唔及本土品牌既多嗟

係英國本土, 英國車其實係強國內買強國車一樣, 平或者易維修.但一d都唔係上菜.

德國佬成日都笑英國佬果d咁ge所謂機械, 所謂設計... 兩條鐵學人叫車陣叫做Dart,簡單到不得了.

奈何, 德國佬野精密硬淨, 但維持絕對唔會易服侍(至少唔可以土法煉鋼土炮處理).

果d咩ADL....Optare....除左英聯邦國家根本唔會有人用. 歐洲佬基本上唔會掂英國車.係叫做老美入幾佈玩下.

去英國住一排真會比佢嚇死, 堆車維修衰過新城, 撞親都廢事同你配parts倒模, 拉塊鐵皮打番個型就算.
德國車邊比你咁用.

當然, 無可否認英國車係香港來講算係較好選擇. 至少粗用得, 維修易, 耐用. 個人絕對支持祖國貨(英國貨)

原帖由 cn2661_2d32 於 2013-12-26 09:19 發表
係英國本土, 英國車其實係強國內買強國車一樣, 平或者易維修.但一d都唔係上菜.

德國佬成日都笑英國佬果d咁ge所謂機械, 所謂設計... 兩條鐵學人叫車陣叫做Dart,簡單到不得了.

奈何, 德國佬野精密硬淨, 但維持絕對唔會易服侍(至少唔可以土法煉鋼土炮處理).

果d咩ADL....Optare....除左英聯邦國家根本唔會有人用. 歐洲佬基本上唔會掂英國車.係叫做老美入幾佈玩下.

去英國住一排真會比佢嚇死, 堆車維修衰過新城, 撞親都廢事同你配parts倒模, 拉塊鐵皮打番個型就算.
德國車邊比你咁用.

當然, 無可否認英國車係香港來講算係較好選擇. 至少粗用得, 維修易, 耐用. 個人絕對支持祖國貨(英國貨)

如果以地區黎分車廠，Volvo 應該會擲界，Volvo 算係歐洲廠之中最同時兼備歐陸式同英式巴士既車廠之一，另一間係 Scania


其實早年香港巴士維修保養未咁差時 (搭巴士唔望佢變跑車，但近年保養太差搭親都係慢車，好多人自會憎埋成個品牌)，香港既 Volvo 車 (反而個時連 B9 都未有) 係巴壇既反應係好壞參半，出車率高過 Dennis 係當年經常有人提既事

係英國巴士圈子裡面 (巴迷、司機同行內人士都有，特別係後兩者會員既比數會比香港高得多，容易聽到前線操作方面既意見)
講親 "最好渣"、"最喜愛"、"機械可靠率最高" 既 topic，通常回覆會有 Wright/Volvo B9TL，但幾乎保證會見到既答案一定會有歐一歐二年代既豪偈車，特別係 Olympian、B10M、B10BLE、B12B/B12M (客車，視乎討論圈子多唔多客車司機) 呢 d
唯一係 B6、B7L 兩款車可靠性特別低，車速亦唔快 (B6 既對手 Dart 幾乎係 "最討厭乘搭/駕駛" 榜首，車速更慢，但勝在比 B6 更粗用)




Volvo 車主要係行車電腦易壞，基本上 Volvo 大部分缺點都關行車電腦/sensor 調較事，不論英國定香港
例如散熱 sensor 熱引致水箱長響 (更響既有 Optare Solo 仔，細細架車仔係十零度天氣下可以同九巴 AVBW 夏天一樣咁嘈，ADL 歐二歐三蠆都係水箱風扇長響，但無 Optare 同 Volvo 咁嚴重)
或者操控困難 (從司機圈子睇到近代 Ecomat 波箱 B7TL / B7RLE 個 brake 似乎頗難控制)
或者無力或者波段出錯 (電子油門 sensor 出問題，導致行車電腦將部車鎖係 "安全/慢速回廠模式"，相當於而家飲尿既型號著左死火燈既效果，近代歐三四五 Volvo 如果副偈把聲正常又無黑煙但踩到油門底都加速極慢其中一個原因就係油門 sensor 出問題自動鎖車，唔關豪偈怕唔怕熱或者保養好唔好事)


不過配合埋英國巴士維修之後 (已經唔止去過一個地方係成間車廠幾十部 ZF 波箱車過半數都壞波箱無人理，亦有司機抱怨過油門防滑墊磨蝕晒幾乎踩唔實個油門、甚至軑盤偏離中心點 180 度，port 車都仍然不獲受理)
就算 Volvo 車壞齊以上既野，出車率似乎仍然唔差，同 ADL 平手甚至更好，相信呢個右軑地區之中 Volvo (比起其他歐洲廠) 銷量特別高既原因 (二黎係車種貼近右軑地區既需要)

原帖由 e231 於 2013-12-26 04:23 發表
其實英國咁多本土巴士廠點解仲會買貴o既進口Citaro?

英式巴士追求既野同其他地區唔同，除左少數城市之外，其餘地方都鍾意單門、最多座位、雙層車尾跨唔好太長
其實單層車用單門既話，大部分型號既走廊由車頭而車尾都只需上一級 (將走廊整成微斜)，而且可以鋪設最多座位直到車箱最尾部
所以 Volvo B7L、Man A22、Plaxton Primo (橫置細車引擎，尾跨極短，全車大部分地方係低地台位)、Transbus E200、Scania N 系單層之類都唔好賣，因為營造全低地台走廊搞到犧牲座位或者機械結構太複雜
搞搞下主流肯造既單層全低地台選擇 (例如 London 會比較鍾意) 得返 Benz Citaro，所以近年 Benz Citaro 一路保持著少量英國訂單
同時其他廠既單層車就只有最近代既 ADL E350H (同 E50D 一樣側置引擎，相信為打入左軑市場鋪路) 同 Volvo 7900H (本身係設計俾歐洲市場，近年改成右軑) 混能車先有全低地台



[ 本帖最後由 HW8373 於 2013-12-27 03:59 編輯 ]

Volvo比我印象係, 壞車都仲可以間硬來開佢出街. 形成佢少維修的假象.
佢一係就唔跪低, 到佢真係跪低你就有排整.

傳統英國車應該可以用AThlantean來形容, 行兩野又壞,大陸人話齋:新三年, 舊三年, 縫縫補補又三年.

果陣見同係First Potteries的車, T牌Dart行到又殘又打冷震, 過多排唔見兩日聽日番來好兩日又震過.但至少有力.
MX05 B7RLE初報到誇啦啦, 行多兩年開始又冇力, 過多一年虧埋.都係唔理佢.....但係架車仲係好紮實
T牌Scania N仔/L仔........又虧又冇力又震...成架車就散咁...

B7來講, RLE算唔錯.但認同B6去到邊都係咁垃圾.

我覺得, 英國車好似日本車咁, 簡單, 冇咩料到但耐用同易整,
Volvo就好似德國車咁, 後生就生生猛猛, 老左一壞就全車整到你傻.

[ 本帖最後由 cn2661_2d32 於 2013-12-27 21:24 編輯 ]

可惜隔離討論區就係有人講 英國車5耐用而嘈左好多頁