其實點解大部份九記金車都要加DOOR LOCK?

原帖由 Eragon 於 2014-3-10 20:54 發表
好似亡命紅小咁，未停定就開門，唔關門就開車好唔好？

小巴門隨時開都得既
原因﹐ 度門手動既﹐ 新車頂多多個警告聲

離題一問﹕ 行電門(不論飛機門定摺門)既Coaster同Rosa有無door lock﹖

原帖由 tonyyang 於 2014-3-11 04:50 發表
如無記錯,N年前有架"黑金鋼"行13A(唔太sure,有錯更正)去緊紅碼,去到前新蒲崗裁判署個站落客,其中有個阿婆比較細粒同落得慢,個司機無留意以為落晒客,就閂門開車,結果拖住個阿婆行o左幾十米至停車,好彩阿婆只係輕傷,之 ...

九巴至少發生過另一單 (或者係同一單) 個阿婆係重傷最後要截肢既

16 年前中巴最後半年都有部 116 DL 夾著人睇唔到，結果夾著個女士拖行左幾秒，當時報紙大幅報導呢類 12 米車司機點樣判斷幾時開車
(由於係盲點位，當時報導話司機往往要開聲問落晒車未，無人應就開車，當日咁岩就係成車人無人出聲，好彩夾到人開車後就即刻有人發現而開聲叫停司機)

過去十幾年內至少亦發生過最少兩單城記 40系路線太早開中門結果跌左個客出去既事，其中一個係跌死左



講親 doorbrake 或者車門安全裝置，通常都講緊三至四樣野：
1.閂緊門夾到人或者禁鐘會即時彈閘 (個人見過最舊個批車係中巴 VA31 打後個批呢批車閂緊門禁鐘會彈閘，之後就係新巴第一批一手車)
2.停定(就黎停定或者拉手掣)先可以開門，閂晒(就黎閂晒)先走得，或者未完全閂晒而開車時會有額外警報聲
3.慢慢叮好多下先閂得晒，兼且 doorbrake 同埋手掣或者 brake 相連，要等錢箱拍板或者唔知邊度有訊號話可以鬆手掣/踩油門先可以郁得，否則郁唔到，甚至係要由禁閂門掣之後既成套動作重做一次
4.中門扭返閂個掣或者禁左閂門掣後唔係即刻閂，係叮左一兩下先開始正式閂 (大約 VA31+ 開始係咁，3AV51+ 同 DA37+ 好似都係，城巴既車就好似大部分都係)



1. 2. 某程度上亦保障緊司機萬一禁完閂門就開車，但中門攝著左無閂到，跌死人/跌傷人當然同一般交通意外一樣係司機負全責
以往既車盲點位較多，夾著人未必睇到，而家新車有 cctv 輔助，但由於車門較闊，如果司機單憑 cctv 閂門前一兩秒既影象黎判斷 (之後掛著望鏡打燈準備離站)，分分鐘仍然會夾到衝門落車甚至落車後發現漏左野而由中門衝門上車既人
4. 亦算係減少左行動不便既人落車時隻手一路扶著車門扶手會因為閂門太快而扭親，或者落車後離開車門太近而俾車門夾到衫角，個人就見過兩個阿婆分別係架車閂緊中門時 (一禁掣就閂) 仍然扶著中門扶手而差 d 扭親，同埋落左車未及踏上行人路而司機閂中門時夾到佢衫尾而拖跌左佢
其實 1、2、4 無論對司機定乘客黎講都唔會有人有太大怨言，根本大把司機就算無乜呢類裝置都會因應情況而有相應既安全動作，例如渣中城巴 15xx 佢地自動自覺盡量係差唔多低定先開閂門


但 3. 呢 d 完全係多此一舉、弄巧反絕，閂門太慢變相助長乘客最後一刻先衝門、又或者助長司機提早禁掣用叮叮聲催人落快 d 同埋踩著油準備彈手掣開車，然後為防止司機彈手掣開車於是再整多一重裝置逼司機守規矩
樓主 (或者一般司機，同埋乘客) 最不滿應該都係呢樣野
呢樣野同專利巴士裝黑盒/鎖速一樣道理，唔係話唔應該整 (總有人或者官方拋一大堆數據講如果車速增加幾多成意外率同剎車距離又會相應增加幾多倍之類既常識)
問題係調較/使用上既原則應該係去到邊，理論上鎖速同黑盒原意根本應該係幫輕左司機唔使驚超速，或者出意外時都有黑盒紀錄做證，偏偏俾心術不正既巴士公司用黎吹毛求疵捉 d 超速幾 kph 既司機祭旗用
出親事要檢討硬係得單一方向，一定係賴司機閂門/出站/轉彎太心急太快所以出事，整埋 d 頭痛醫頭既野，好少會檢討下係咪行車時間不足之類...

原帖由 VA54-HN8897 於 2014-3-11 05:43 發表


唔知係setting 唔同定係運作原理唔同，以新城黎講，比較舊o既低地台車，度閘只要閂到某個位置door brake 就會自動解鎖，
但稍為新o既低地台車o既door brake，一係就要等錢箱郁，一係就要等指示然後先踩brake 解鎖再起步，呢一類d ...

新巴歐二 ALX 蠆中門個種一開門自動落 doorbrake 其實係 Dennis 車可選配既功能黎，其實 21xx 中門、中梯 22xx 中門、2700、20xx 中門都有，30xx 前後門都有，係唔知點解 33xx 3601 前門有但後門就要拉手掣先開，同期英國雙門飛鏢都有呢種設計 (正如同豬扒同期既 B10LA 或者 B6BLE 後門都係一開門會有一下好響既氣聲)


唔知點解九巴一路都唔揀，甚至新城由歐三既車之後都唔再採用，其實呢種方便既設計由歐二年代至今一路都仍有提供，英國中部地區由第一批三叉戟到而家既 E400/H 都有
(同一間英國巴士集團既 E400/H 而家好似進化到將呢堆野整合埋延遲開門功能，司機臨停站前襯幾時方便就禁定開門掣，
停定時部車會自動開門、自動落 doorbrake，甚至好似可以駁埋指揮燈/售票機/錢箱同步，總之上完客唔使掂閂門掣都識閂門同埋解除 doorbrake )


[ 本帖最後由 HW8373 於 2014-3-11 13:37 編輯 ]

原帖由 Mandurah__Line 於 2014-3-11 08:24 PM 發表

小巴門隨時開都得既
原因﹐ 度門手動既﹐ 新車頂多多個警告聲

離題一問﹕ 行電門(不論飛機門定摺門)既Coaster同Rosa有無door lock﹖

唔知道唔同公司會唔會有唔同setting
飛機門的應該有door lock
摺門的沒有
Door lock 只限開門
關門是沒有影響的
不過coaster 會有警告聲好煩
免得過都會閂好門先鬆手制起步
係呢方面rosa就比較切合香港環境 haha

[ 本帖最後由 prmy3008 於 2014-3-12 00:56 編輯 ]

原帖由 prmy3008 於 2014-3-12 00:51 發表

唔知道唔同公司會唔會有唔同setting
飛機門的應該有door lock
摺門的沒有
Door lock 只限開門
關門是沒有影響的
不過coaster 會有警告聲好煩
免得過都會閂好門先鬆手制起步
係呢方面rosa就比較切合香港環境 haha ...

聽說原裝coaster未關好飛機門時會有粒”的”頂住油門，正常在警告聲時是不能開車，市面上的coaster多數後期廢了這功能
而未關好門時開車，門便會靜止，必須重新開門再關門

Rosa未聽過有限制，很多人都係一路開車一路關門

只是聽說，未揸過

講開Door brake同埋落車門壓力感應，個人覺得新巴蠆果種方式係最好的，但有一些改良建議
1. 在落斜地方停站，車門差不多關好時，door brake便會解開，司機開車
但偶然會因為彈門而引致door brake重新啟動，引致急停
我覺得有關系統可改良為，當door brake解開時，壓力感應亦會自動停止。

2. 偶然都有車因不斷彈門擺街
我覺得可以加設一些強制關門按鈕，有需要時比司機用，好過成部車阻街
為免濫用，可加入特別的使用要求，例如按住15秒先有反應，按完一次之後，落車門便會全程鎖上，直到引擎熄火之後先會重新啟動

題外一問，新巴DA57 - DA82批DA，每度落車門上原本有條電線，是否同壓力感應有關？

正常情況下,支持尾閘要鎖,但唔支持鎖頭閘...鎖頭閘只會浪費更多行車時間,大家可以睇睇橙蛋果隻鎖頭閘,關完門,錢箱郁左之後等多2-3秒先可以鬆手掣開車,如果咁岩有人黎又要重覆....