港高鐵路段工程延誤

今日有高鐵工人, 打上去商台節目爆料
絕對唔關黑雨事
http://cablenews.i-cable.com/web ... .php?news_id=430830

原帖由 eternalflame 於 2014-4-15 06:08 PM 發表


認真搵鬼信 - 出面已經有內部slide講緊西九龍總站最早都要2017年8月先掂

根本去年爆過一次之後﹐唔少人都知到將有大單野發生。

只不過唔知點解當時都知到甩晒期﹐都唔公開講工程有延誤﹐仲要話有信心如期通車。


真係唔知作為監工的mtr係低估問題﹐定係為了面了而盡力去講到無事發生﹐還是根本監工不力﹐甚至有一批人根據一直暪報上級。



今次 cy 好大機會真係唔知是否自己都中伏﹐一直都收唔到要延期完工﹐工期有延誤﹐所以之前一直講可如期2015通車。

原帖由 rickywk 於 2014-4-16 10:46 發表

留意下，英國high speed 2項目搵左JR東日本做技術顧問，當日本鐵路開始將技術同營運方法輸出外國，睇下世界級鐵路公司仲可以點樣爭生意

不過人地都係爭營運而唔係輸出技術
但咁樣做management真係做壞招牌

原帖由 fai 於 2014-4-16 12:46 發表
沙中線宋皇台掘到古跡，唔知會唔會變攔路虎，唔好俾我烏鴉口講中，大家一齊遲。

呢個似係搞到地面道路走線

其實我個人估計政府冇可能而家至話知延誤, 公眾都一早知政府點會唔知, 我覺得可能係政府一早知但想拖得就拖, 到今日拖唔到就搵港鐵孭鑊, 要講到係港鐵近日至通知佢, 咁政府就可以轉移視線, 大家齊齊將矛頭轉去鬧港鐵而唔會鬧政府, 如果係咁, 港鐵除咗聲譽受損唔會有咩實質損失, 政府又一定會保佢的。 至於西九總站, 設計上個結構都好似好複雜下, 似乎唔係咁易話起好一部份開住一部份先, 尤其地盤係分南北兩部份, 月台卻又係南北方向, 東西排列, 南面地盤起好只會係 15 個月台通通起好南面一少截, 15 個月台通通北面一大截同時唔 ready, 咁都係通唔到車的。

會唔會港鐵諗住整個臨時站試謍運....先開南邊車站大堂同設施,北面大堂就一邊有限度開放 (i.e. 臨時間開條通道由南面大堂落扶手電梯再落月台),一邊係度趕工完成裝修甚至係上蓋結構. （e.g. 高雄捷運高雄車站...主體工程要等台鐵高達地下化完成才能興建/開通,而家一路都係用住臨時隧道,臨時大堂同部份月台)
成個西九車站就等到2017年全部完晒工先"正式驗收通車"??

不過因為我冇個車站layout..以上全部都係靠估...

p.s. 我諗港鐵同政府應該係度"跪求惡劣天氣"而令到delay合理化.但改設計而攪到VO超支既問題就應該幫唔到手.

原帖由 Octavian 於 2014-4-17 11:52 發表
會唔會港鐵諗住整個臨時站試謍運....先開南邊車站大堂同設施,北面大堂就一邊有限度開放 (i.e. 臨時間開條通道由南面大堂落扶手電梯再落月台),一邊係度趕工完成裝修甚至係上蓋結構. （e.g. 高雄捷運高雄車站...主體工程 ...

見你咁講我諗起赤鱲角

但如果佢咁搞法一定畀人鬧得更甘，既然都遲，遲多幾個月執好佢先啦。

高鐵站唔同地鐵站，保安、乘客動線、行車安全等方面的要求都高好多，
除非一早打算開一邊先，否則如果係臨時做唔切、急就章，有起事上來好大劑。

原帖由 DIH 於 2014-4-16 09:03 發表

花生就食梗，但又未必同錦上路方案有關囉。
用錦上路方案都唔見得唔會延誤，A餐出事唔代表B餐無問題。

過去幾年發生太多事，而家我諗到既係，高鐵站在西九，廣東道勢將成為站前廣場。 ...

論土木工程複雜性, 西九龍站比錦上路方案複雜好多
而現在禍根正正出現在土木工程的環節中