運輸署研究將荃線不經秀茂坪及四順

原帖由 GW5878 於 2014-8-5 00:20 發表

如果可以既話,發展一條雙向客源既巴士路線,比起一條單向客源既化算好多
我係城新都唔會單諗係咪飛公路,而係諗下可唔可以令到條將荃即使唔能夠行觀塘道都可以變成一條40咁雙方向都有人搭既樣啦
唔通上繁往將軍澳冇人搭(商業區往純住宅區)好HAPPY咩,
仲話人精神分裂,你有冇了解過荃葵客同秀順客根本就完全唔同?

咁問題係往荃葵方向，為左專登唔做山上，走去兜觀繞九龍灣，仲會慢過經秀順，
你地為左自己獨享條線，不惜要自己既子民兜多一輪飛起其他區，加長行車時間，你地就真係賣國賊啦

而且唔使擔心回程私牌既問題，反正私牌一單成本平過做一單生意既成本，
行秀順回程私牌，比起來回行九龍灣觀繞，一轉分分鐘係講緊慳到成粒鐘，
三百蚊成本，當然三十個客就可以返本，但問題係意味住要出多幾架車，最後係咪真係有著數？
如果真係唔想私牌咁浪費，又係九巴做既話，大可以回程幫下 40P 加班囉。

同埋呢，如果最後出到來，飛起順秀彩雲廿萬人口，巴士公司唔肯做而流標既話，
到時大家都無得用，責任又邊個負？定係寧願自己無將荃，都唔肯同人 share？

原帖由 GW5878 於 2014-8-4 17:30 發表

98A算係接駁地鐵站既路線(係未有地鐵前),自然有一大堆將軍澳人要搭佢出去轉地鐵,但今日唔需要搭98A就搭到地鐵自然少左批客

成日話98A唔夠客,架RG2610已經證明左上繁係山下差唔多坐滿,已經夠客拆(因為拆左有機會吸到更多山下客)
全日可能就差D,但係咁多年以來九巴做過D乜?

除左 98A 有隧道特車，唔知師兄你知唔係 93A 都有條隧道特車？
當年 93A / 98A 隧道特車雙層打爆出市區果陣，仲要開臨時加班車，

你知唔知 98A 特車係有考慮過取消而直接加番落正線，係山上賺既客其實多過條特車，
只係比人強烈反對，無人敢摺，只有縮班、減層，幾年前拉埋去創紀次城都無咩客量增長。
今時今日架單層 98A 特車真係反映一切，仲話夠客？留活口已經好彩。

成日講到山下好多客，坦白講，單係觀塘個特快市場，我就真係唔見得對面岸都 10M 點樣吸到山下客，
由以前 1 分鐘車海都比港鐘打殘到今時今日咁，有需求就係依條線一早反映左出黎。

98A 拆線，淨係去觀塘又慢又無市場，淨係做轉乘根本白做，仲要浪費油錢同隧道費。
我又真係唔介意減到 15-20 分鐘一班，去換架全日特車返黎，但觀塘一塞就玩完，特車又唔係快得多。

原帖由 S3BL100 於 2014-8-5 01:11 發表


事實上係 98A 山上山下出觀塘客量係七三（甚至八二）比，唔信既可以望下下繁 98A 過左翠後剩返幾多客。

如果唔係有山上咁多客需要倚賴條線做駁腳，山下根本支持唔到咁既班次。
98A 係值得拆既，但目的係為左山上上到車同埋 ...

吹完水未？
成日話98a冇山下客
咁點解啲車上繁係翠林就頂閘？唔好同我講有百幾人等車

原帖由 dennis28a 於 2014-8-5 02:18 發表


除左 98A 有隧道特車，唔知師兄你知唔係 93A 都有條隧道特車？
當年 93A / 98A 隧道特車雙層打爆出市區果陣，仲要開臨時加班車，

你知唔知 98A 特車係有考慮過取消而直接加番落正線，係山上賺既客其實多過條特車，
只係比人強 ...

特車同正線一齊開咁濟你想有幾多客？

再者特車轉單層係食住n線柯打，邊條線係真正冇客要縮資源真係唔需多講，

98A沿途係有班坑口.景林.寶林<>翠林.康盛.寶達.秀茂坪(山上), 兩個方向都有; 坑口出入觀塘亦有人咁搭, 不過唔夠往來山上多.

93A一樣有唔少係秀茂坪.和樂邨起步/止步, 搭到觀塘站.開源道比較少.

有時間可以試下搭98A, 坑口北總站上車, 認住坑口上車班客邊度落車, 山上同觀塘分別佔幾多, 你就會有答案.

原帖由 EX-TL 於 2014-8-5 13:14 發表
98A沿途係有班坑口.景林.寶林翠林.康盛.寶達.秀茂坪(山上), 兩個方向都有; 坑口出入觀塘亦有人咁搭, 不過唔夠往來山上多.

93A一樣有唔少係秀茂坪.和樂邨起步/止步, 搭到觀塘站.開源道比較少.

有時間可以試下搭98A, ...

你咁講就唔岩啦
暑假時，頂左閘之後得幾個客落車咋

原帖由 EX-TL 於 2014-8-5 13:14 發表
98A沿途係有班坑口.景林.寶林翠林.康盛.寶達.秀茂坪(山上), 兩個方向都有; 坑口出入觀塘亦有人咁搭, 不過唔夠往來山上多.

93A一樣有唔少係秀茂坪.和樂邨起步/止步, 搭到觀塘站.開源道比較少.

有時間可以試下搭98A, ...

你咁講，
將軍澳優越論者隨時真係會投訴秀茂坪"濫用"93A。

去得觀塘山落都搭左地鐵囉!

如果他們真的投訴, 應該先投訴九巴當年用93A取代左13B, 鼓勵秀茂坪人"濫用"將軍澳路線,
而我不知道當年觀塘有無因此奉獻資源俾將軍澳, 但有無都無所謂啦, 都廿幾年了, 好多人已經唔記得左有件咁嘅事.

原帖由 GW5878 於 2014-8-5 09:09 發表

吹完水未？
成日話98a冇山下客
咁點解啲車上繁係翠林就頂閘？唔好同我講有百幾人等車

S3BL100 兄都係話七三八二比，無話 98A 無山下客。

其實我唔明點解講真將荃都會拉左去 98A 度，但見到人吹得太離譜真係忍唔住出聲。

98A 早繁如果唔係脫班，翠林係唔會頂閘，如果正常翠林都頂閘，後面康盛、馬游塘、寶達、秀暉樓四個站死得啦。
你成日搬上星期 RG2610 個 case 出黎，我唔知道你係咪搭左一千零一次 98A 正常班次就依牙鬆槓（我估都係，我諗你平時都唔會「抒尊降貴」搭過山車出九龍），
但當日我正正都係 RG2610 座上客，當日班車康盛同馬游塘兩個站就上左 20 幾人，去到馬游塘頂閘時，部車其實係企左 32 人，坐滿即係 112 個客，
扣返康盛馬游塘上車既人，其實已經得返 80 幾，當日無拖卡又無 93K 執過客，翠林根本無可能上得少過康盛，咁即係起碼都上左 20-30 人，
即係換句話說，架車上翠林前只有少於 60 人在車上，又何來「下層坐滿上層得返幾個走廊位」？都唔好計我唔知點解你同時知道架車上下層坐左幾多人。
再者當日架 RG2610 寶達同秀暉樓加埋都落左超過 10 人，寶達係落左客再塞返滿，上仲多過落，實際坑口寶林上車去觀塘牛頭角既人，40 個都唔知有無，我都費事質疑你山下「10 個 10 個咁上」了。

如果脫少少班的話，康盛五座樓一個站都可以上超過 30 人，翠林十幾座要有 60 人以上等車根本一o的都唔難，成個山下載到 60 人，加埋翠林 60 人架車已經可以頂閘，但成個山下同翠林一個站比囉。
無可否認上繁山下客比例係比下繁高，但唔好忘記如果你用一部車做單位的話，98A 朝早係好多班次寶達已經頂左閘，秀暉樓根本就上唔到車，
仲要係有好多人o係等 98A 期間已經俾 93A 93K 95M 13 17 掃走左，98A 依然載唔晒死等既人。
下繁載住 130 人上山既 98A，落到寶林前可以落到超過 100 人，同時班班車都有返十零廿個客係秀暉樓開始上車入坑口，根本返坑口果少少客都有相當數量唔係觀塘上車。