話說今日行旺角,去到舊金聲對面,
買左煎釀三寶黎食,
我最鍾意去果度買.....點解.....
因為果度係唯一供應沙爹醬既三寶舖頭,
當我食到第二粒果陣,見到有條長長地既野,
痴0係粒魚旦既中間,我食開既,估係沙爹醬既香草,
照食,食到最尾果粒,吞啖口水先,
咦......大檸樂......有d野,打橫插住0係喉嚨中間,
吞口水都超痛,呢鑊杰喇,賴哂野,
我第一時間,嘔,睇下嘔唔嘔得出,
嘔左4轉,都唔掂,之後佢打黎,我叫佢陪我去醫院,
我中途唔敢吞口水,因為曾經移過位,
怕落左胃,腸,要開刀囉.....
我唔忿氣,0係家樂再試下嘔佢出黎,
嘔左三轉,喉嚨舒服返,應該嘔左出黎....
再飲啖水嘔清d......無事....不過喉嚨傷哂,
我知道係d竹籤碎作怪....我估條竹籤碎有吋半至兩吋長,
呢次真係執返身彩,要你擔心,sorry.........
我睇怕有排唔夠膽食用竹籤串起既野食.....
我亦奉勸i talk既朋友仔,竹籤串起既野食,
睇清楚先好食,用竹筷子,磨乾淨先用...... |
