(轉貼新聞) 政府建議興建東九龍線造價約275億

呢條線於鑽石山的接駁位置實在有問題, 參考大磡村綜合發展計劃的圖則, 似乎可以起車站的地方真係有限:
http://www.districtcouncils.gov. ... s_doc/DC_M8_003.pdf

1) 如果好似運輸及房屋局咁標做鑽石山南, 好有可能個站係靠近彩虹道一邊甚至正正就係彩虹道地底。彩虹道北側本身有條明渠, 係去到90年代中期左近密封左, 加上大磡村發展會係對住彩虹道一面起地下商場, 要起車站的話就要避開條暗渠同地底過路設施而挖得好深, 連接原來的鑽石山站亦非直接。

2) 鑽石山站東西線及觀塘線的車站, 兩者成一銳角, 東九龍線車站似乎可以夾在兩者之間, 就可以擴建轉乘通道去方便轉車。然而東九龍線的規格尚不清楚, 如果是中運量系統, 這個夾角位置看來有足夠位置, 但仍會影響到車站東面「孔廟」的興建。如果路線是高運量系統且跟市區線列車睇齊的話, 就需要挖得更深去將就東西線月台及行車管道。

總括而言, 大磡村綜合發展有可能因為呢條東九龍線需要重新規劃, 相信地區人士 (例如譚姓區議員) 應該頗有微言。

我覺得呢條東九龍線似乎係未來東西九龍線的前奏, 但鑽石山之後向西面走線, 似乎需要經彩虹道屈返出九龍城先得。

如果東九龍線兩端（鑽石山至彩雲段及寶豐路一段）係架空，四順秀茂坪用淺層隧道會唔會好少少？
沿線全部住宅區，我覺得未必要用全八卡重鐵，可以用「中型鐵路」，馬鐵／南港島線用重鐵車輛都可以做到大坡道。

寶琳轉乘用架空好過地底，行人天橋「駁駁駁駁駁埋晒」已經可以；
鑽石山站用架空就可以方便將來以較低成本延伸。

當然，十劃未有一撇，我都唔知佢想點。

原帖由 Seiko 於 2014-9-18 00:21 發表
東九龍線會係中型鐵路定重型鐵路?
列車上唔上到咁高海拔同斜度? 定係好似西港島線港大站咁用升降機接駁車站及路面?
由彩雲駁埋去富山同慈雲山一帶又可唔可行?

......希望當局可以提供更多資料. ...

我之前問過，確定唔

起慈雲山站

，原因如下：

為改善慈雲山區的交通情況及該區與日後沙中綫的連接，政府建議在區內加建行人設施，與區內的行人天橋及升降機系統結合，應政府的要求和委託，港鐵公司正在區內加建行人接駁設施，為區內居民提供無障礙通道，同時改善慈雲山區與沙中綫鑽石山站的連接。在設計及規劃上述工程時，港鐵公司已諮詢和收集區內居民的意見，最終落實有關行人設施規劃。根據現有工程計劃，由蒲崗村道至港鐵鑽石山站的路段，除會興建有蓋行人通道外，在近慈樂邨服務設施大樓的現有行人天橋、蒲崗村道與鳳德道交界、龍蟠街現有行人天橋將分別加建升降機，方便長者及有需要人士使用。


受制於慈雲山區地震環境和土質情況，該區並不適宜建運輸系統，相信上述行人設施系統可有助改善慈雲山區居民來往鐵路站。 (引用回覆)

依類顧問報告一向只係地圖按人口數據畫公仔，當好多詳細設計未做，根本唔可以作準。
否則，就唔會搞到起果陣有咁多問題出黎，甚至連慈雲山站都無左。

原帖由 053h4 於 2014-9-18 13:48 發表


由彩虹站到順利距離大約兩公里, 而據GOOGLE MAP, 順利大約100米
而將軍澳隧道入口高度大約亦為100~120米

鑽石山站係地底, 由於涉及幾條鐵路隧道, 估計車站月台及隧道都相對會比較深
估計如果順利起個較接近地面地 ...

成條東九龍線離海平面最高既寶達站都唔會夠海拔 100 米，講到 140-160 米會唔會誇張左少少，連寶琳路最高點都只係咁上下，
呢個講緊係寶達邨十幾二十樓既高度，而寶達向藍田一邊個平台又已經離地面十幾層樓高，其實街買o的地圖一睇等高線已經一清二楚。

依家全港最深既車站深入地面 70 米以下，而唔係靠高速升降機連接地面既車站，最深都去到離地面 42 米深，
我睇唔到東九龍線有咩必要爬返上好淺層地面，唔好講 100 米，真係起的話隨時全線離海平面最高既一點，都未必有 50 米，但佢離地面肯定唔及香港大學站深。

以東九龍線既走線，用南港島線東段規格出現一o的都唔奇，即係中型鐵路行膠轆車，要應付呢條走線問題不大。
如果係技術層面唔 work，就肯定唔會大鑼大鼓放落個 plan 度，依家條走線都好明顯盡量避開「高海拔」既地方。

原帖由 3ASV174 於 2014-9-20 03:14 發表
成條東九龍線離海平面最高既寶達站都唔會夠海拔 100 米，講到 140-160 米會唔會誇張左少少，連寶琳路最高點都只係咁上下，
呢個講緊係寶達邨十幾二十樓既高度，而寶達向藍田一邊個平台又已經離地面十幾層樓高，其實街買o的地圖 ...

做唔到海拔接近200米既安達臣新發展區
條線效用大打折扣

原帖由 dennis28a 於 2014-9-20 01:25 發表
依類顧問報告一向只係地圖按人口數據畫公仔，當好多詳細設計未做，根本唔可以作準。
否則，就唔會搞到起果陣有咁多問題出黎，甚至連慈雲山站都無左。 ...

《鐵路發展策略2000》並無提出慈雲山站，慈雲山站係九鐵後來提出再自行以技術問題否定。

原帖由 straysheep123 於 2014-9-20 09:59 發表
做唔到海拔接近200米既安達臣新發展區
條線效用大打折扣

安達臣北屋邨同順天邨只係一街之隔, 而安達臣南屋邨未來有行人設施落秀茂坪商場同埋寶達邨,
只要秀茂坪站設在中秀茂坪巴士總站附近, 已算做到安達臣南屋邨, 而根據2011年人口普查,
順天邨+曉麗苑+秀茂坪三條屋邨已有105,885人居住, 預計南.北兩邨居住人口會有48,300人,
淨計公營房屋(未計提高安達邨單位數目), 順天站+秀茂坪站+寶達站三個站總共服務154,185名
居民.

一條鐵路綫好難服務晒成個區, 正如彩雲站對三彩都冇乜貢獻, 順天站就做唔到順安.順利.順緻,
順天站+秀茂坪站做到安達臣道兩個公屋項目, 佔左整個安達臣+石礦場發展三份之二, 計埋寶達站
已經做晒成個秀茂坪, 總比冇鐵路好.

原帖由 K仔 於 2014-9-20 16:32 發表

《鐵路發展策略2000》並無提出慈雲山站，慈雲山站係九鐵後來提出再自行以技術問題否定。

對唔住，一時記錯。用中環西站做例子會更加合適。