運輸署：480條巴士及27條小巴線受影響

https://hk.news.yahoo.com/%E9%81%8B%E8%BC%B8%E7%BD%B2-480%E6%A2%9D%E5%B7%B4%E5%A3%AB%E5%8F%8A27%E6%A2%9D%E5%B0%8F%E5%B7%B4%E7%B7%9A%E5%8F%97%E5%BD%B1%E9%9F%BF-105000407.html

運輸署助理署長蘇祐安表示，今日有50條巴士線停駛，205條要改道，有225條受影響，佔整體巴士線45%。他指，過去數日已有78條巴士線服務改善，政府會繼續與巴士公司評估路面情況。
他指，27條專線小巴改道、調整路線或暫停，電車在西港城至維園的服務暫停。早上皇后大道東往堅尼地道的車龍，延至告士打道及東區走廊近北角，車龍近5公里。
蘇祐安說，下周一若仍有主要路線封閉，路面交通將會擠塞，提醒市民提早出門、預留額外行車時間，又期望示威人士可以讓出金鐘道及龍和道，令交通回復暢順。

佔中第1日條街少左好多車，太過順暢
之後幾日已經多返好多私家車出黎行，唔塞就假

如果佔中後班私家車友唔渣車出街，馬路比平時其實更順暢又唔見佢地提

而且佔中後旺區好似中環銅鑼灣空氣質素好過平時好多，合乎運輸署對環保既追求，又視而不見

原帖由 kay 於 2014-10-4 20:26 發表
佔中第1日條街少左好多車，太過順暢
之後幾日已經多返好多私家車出黎行，唔塞就假

如果佔中後班私家車友唔渣車出街，馬路比平時其實更順暢又唔見佢地提

而且佔中後旺區好似中環銅鑼灣空氣質素好過平時好多，合乎運輸署對環 ...

佔中初期道路暢順係事實，但亦係假象，而佔中後空氣質素好過平時好多都係事實，但背後付出更多睇唔到嘅成本。
唔講受佔中影響商鋪有幾大，有幾多人因為要轉車而俾多左交通費同時間成本？有幾多人完全唔參與政治而受影響？
我住受影響地區，但個人唔反對亦理解今次佔中行動，最多行多幾步當運動，但影響到人就係影響到，咩原因都改變唔到呢個事實。

有人要求巴士公司延長返去原有總站，指運輸署強行縮短係想激起非佔中民怨，並用google map提供參考走線，
今日非繁時段由亞皆老街沿塘尾道行返上荔枝角道界限街，北行交通雖車多但車流還可以，南行見到幾個街口都普遍要等幾轉燈先過到，
我諗由荔枝角道開始去到亞皆老街起碼要塞15至20分鐘，巴士上乘客亦不多，而家塘尾道不設站已經咁情況，就更加不宜設臨時站。
而塘尾道根本唔會亦唔太適合加中途站，