[有圖]坐過龍去到堅尼地城站

原帖由 ht9707 於 2014-12-11 12:57 AM 發表
上環站d SA會上車廂睇就算樓主訓着左都一定會比人趕落車

雖然有職員上車「睇」有無人無落車﹐但係以港島線的班次密度﹐唔可能用太多時間去檢查所有位置的﹐如果有人有心想入「禁區」﹐其實係有機會發生的。


以青衣站為例﹐會派1位職員去睇2-3卡。
當乘客全部下車後﹐職員便會上車用眼望負責的一卡(通常係中間車門上車)﹐再行去另一卡檢查。
去到另一卡時﹐唔會行到最尾﹐只會用眼望有無客未落車﹐見唔到有人便在最近的車門下車 (有客的便會走去趕客落車)﹐並且於月台幕門舉手示意已清客。 (除車尾的一位職員﹐其他職員係要同時見到車尾一邊的職員舉手﹐他才會舉手示意﹐一個傳一個去番車頭比司機睇)


關鍵便是職員唔會詳細檢查車卡每一個位置﹐如果有人甩鞋帶﹐在車上慢慢重整鞋帶﹐職員便有機會望唔到走漏眼。




以上﹐不是教大家方法﹐亦唔代表一定成功﹐只係在實際運作情況﹐講出走漏眼的機會。

原帖由 kei_hk 於 2014-12-11 16:07 發表


雖然有職員上車「睇」有無人無落車﹐但係以港島線的班次密度﹐唔可能用太多時間去檢查所有位置的﹐如果有人有心想入「禁區」﹐其實係有機會發生的。


以青衣站為例﹐會派1位職員去睇2-3卡。
當乘客全部下車後﹐職員便會上車用 ...

以我所知港鐵係有指引，如果清回廠車，車站助理由第二卡開始清，車長由第六卡開始清。

原帖由 horsedog83 於 2014-12-11 04:36 PM 發表
以我所知港鐵係有指引，如果清回廠車，車站助理由第二卡開始清，車長由第六卡開始清。

如果唔係回廠車又如何?


現時上環說穿了都是普通的掉頭路軌﹐只是而家個掉頭位遠左好多﹐所以便派人在上環提示人落車﹐以免要來回十幾分鐘才可返回上環站落車。

原帖由 kei_hk 於 2014-12-11 16:07 發表


雖然有職員上車「睇」有無人無落車﹐但係以港島線的班次密度﹐唔可能用太多時間去檢查所有位置的﹐如果有人有心想入「禁區」﹐其實係有機會發生的。


以青衣站為例﹐會派1位職員去睇2-3卡。
當乘客全部下車後﹐職員便會上車用 ...

宜家上環站月台每卡有1-2個SA負責清客，比平時嚴左好多

原帖由 ht9707 於 2014-12-11 11:29 PM 發表
宜家上環站月台每卡有1-2個SA負責清客，比平時嚴左好多

唔知日後觀塘延線何文田站﹐在日常運作中﹐會唔會日日都要派重兵去清客。

需求人手仲多過青衣站

今日開放日先見到有人坐左系車頭，似系訓過龍。
其實如果個個人訓的好“林”，叫唔醒，都冇辦法ga wor，咪唯有硬送入去WIL 囉。

其實西港島線現在已踏入最後試行階段 如果職員有需要時 是可以在授權下坐車去

堅尼地城和香港大學站。所以大家會有機會見到有人會坐車入去。一點也不出奇。

至於照片 有可能是別人傳閱給樓主 又或樓主本身是獲授權進入該路段的人。

該路段我也曾進入過 照片就不便放上來了 用文字跟大家分享一下就無妨。

最後也可以告訴大家 香港大學站 英文廣播真的是 The next station HKU

還有 西營盤站也有一段特別廣播 提示乘客車站尚未開放 有興趣的朋友 28日

去正式坐坐吧

雖然未對外開放，但其實員工番放工都可以去搭...所以有相流出絕對唔出奇

之前係instaxxxx 已見過urban explorer 入過去WIL同埋未鋪路軌ge SIL(E)