南港島線的一些問題

我想問一D關於南港島線既問題。

1.  而家香港大學站下面同黃竹坑站下面係唔係有預留位比南港島線西段月台？
2.  如果東段名為南港島線，咁西段名為西港島線又可唔可行？如果唔得，難道2026年要重新命名為東南港島線同埋係南港島線？
3.  西段同東段係唔係用同一個車廠？（黃竹坑車廠）如果係，咁西段點樣連接黃竹坑車廠？同埋黃竹坑車廠夠唔夠位放車？
4.  東段同西段如果真係用同一個車廠，咁即係兩線可以共用列車？（好似市區4線）
5.  其實南港島線東段有冇預留位置擴建至4卡？我見到一D海洋公園站通黃竹坑站既圖片；個月台好似比較長（長過3卡），不過會唔會其實只係機房？（如圖中車尾逃生樓梯[有鐵絲網部分]及月台候車露天部分之間既空間）我硬係覺得長遠黎講南港島線始終有4卡都係好D

2. 重用一個已完成嘅項目嘅名稱應該不可行吧，而且「西港島線」（至少曾經係）港鐵使用嘅正式名稱
5. 年幾前嘅post講過話有預留4卡…

[ 本帖最後由 devilreborn 於 2015-4-3 23:09 編輯 ]

5. http://www.hkitalk.net/HKiTalk2/ ... 7%E6%B8%AF%E5%B3%B6
樓主係工作人員口中證實月台可容納四卡車

1. 港島綫西延車站開放日時詢問過港鐵有關人士，他們說由於規劃變數大，香港大學站沒有預留空間，
反而南港島綫西段可能會接駁堅尼地城站。

原帖由 Hongkonger 於 2015-4-3 23:50 發表
1. 港島綫西延車站開放日時詢問過港鐵有關人士，他們說由於規劃變數大，香港大學站沒有預留空間，
反而南港島綫西段可能會接駁堅尼地城站。

相較於九龍站，行勻成個香港大學站月台，都唔覺得佈局上有預留到做轉車站
完全諗唔到邊啲位有可能掘到樓梯／扶手電梯落下一層

至於堅尼地城站，兩邊月台的確係有幾多位有可能向下開掘
不過堅尼地城站本身係雙側式月台總站設計，用邊一種佈局做轉車站都非常不理想
假設南港島綫月台喺現有港島綫月台正下方，
如果係島式月台嘅話，中間個島要非常闊先可以接駁到港島綫嘅兩個月台
如果係雙側式月台嘅話，調頭隧道當然唔少得，咁南港島綫上／落客月台應該駁港島綫嘅上客月台定落客月台好？
上客月台駁上客月台、落客月台駁落客月台嘅話，轉乘就一定要先上大堂再落月台
上客月台駁落客月台、落客月台駁上客月台嘅話，方便到轉乘客但係上落大堂嘅客流方向就會錯曬
假設南港島綫月台喺其中一個港島綫月台旁邊，即係好似欣澳站咁
單月台總站，唔駛我講都知有咩問題啦，而客流方向亦會打亂

原帖由 Hongkonger 於 2015-4-3 23:50 發表
1. 港島綫西延車站開放日時詢問過港鐵有關人士，他們說由於規劃變數大，香港大學站沒有預留空間，
反而南港島綫西段可能會接駁堅尼地城站。

西港島線環評的時候，明明就規劃了南港島線月台在大學站下層：
http://www.epd.gov.hk/eia/regist ... ings/FIG%204.11.pdf

可以想像，港鐵諗住南港島線西段只起香港仔段，於是唔喺香港大學站做預留。好喇，而家政府話起埋薄扶林段，無預留之下仲做唔做到原先嘅上下層轉乘？定係短視嘅結果要乘客承受，要捱鑽石山式、九龍塘式轉乘呢？

港鐵可能想南港島綫西段用這種走線接駁也不一定；
http://www.epd.gov.hk/eia/regist ... ings/FIG%202.10.pdf

況且在現有月台下興建新月台的可能性我們不知道，
可能沒有預留空間的意思是沒有九龍站那樣的空間，
但設計上亦有考慮將來的施工，能方便日後工程所需。
但正如 hokachung 兄所說，現在香港大學站的月台不像有空間連接下層，
而下層月台沒有直達大堂的電梯好像也不是太好。

原帖由 Hongkonger 於 2015-4-4 14:42 發表
港鐵可能想南港島綫西段用這種走線接駁也不一定；
http://www.epd.gov.hk/eia/regist ... ings/FIG%202.10.pdf

況且在現有月台下興建新月台的可能性我們不知道，
可能沒 ...

不知道你當日跟港鐵相關人員交流時用的字眼，無「預留空間」與無「預留結構」或「預留接口」的確有分別。無論如何，但願若他日真有需要擴建，確實有辦法做到。

類似你 FIG 2.10 的走線，據聞的確在港鐵內部有以替代走線的形式出現過。但其後公佈的《鐵路發展策略 2014》仍然只畫出以香港大學為終點的路線，不知道堅尼地城的方案現時是否仍然存在。

而下層月台沒有直達大堂的電梯好像也不是太好。

現時調景嶺站和油塘站一樣是沒有電梯直駁大堂和下層月台，問題不大。

黃竹坑站都取消咗預留位

其實重建升降機應該可以掛？