九巴建議於康盛花園分站加裝預計到站時間顯示屏

今日見到座頭貼左文件，運輸署正就九既改善巴士站設施建議諮詢地區人士意見。

九巴建議係o係寶琳北路康盛花園分站（九龍方向）預計加裝到站時間顯示屏，
應該係轉用新定位系統後，首次o係非大型轉車站加裝呢樣設施。
見到佢話屏幕尺寸係兩米，估計應該係類似屯門轉車站咁既形式，
除左預計到站時間之外，仲會同時加裝座椅、飲品售賣機同風扇改善候車環境。

未知仲有無其他巴士站都會一齊提升設施，因為封信只係提到康盛花園分站，
無啦啦揀中呢個站亦唔知係咪托 290 既福。
但今次真係絕對值得一讚。

依家經過呢個站既 93A 93K 93M 98A 98C N293 N691 都仲未有 APP 到站時間預計，無既線比有既線更多，
揀得呢個站，似乎九巴應該即將有第三批路線加入到站時間預報之列。

睇0黎某將軍以為小弟係軍師
將巴士站「7仔化」*呢項德政「加強」推行...

* 「7仔化」指0既係將重要0既巴士分站
加建飲品售賣機、甚至7仔(大欖隧道入元朗方向)
美其名方便乘客,事實上同零售集團「拍住上」...
(更加唔好講茶水站對外開放、茶餐廳化...等等
更聰明的另類增加收入方式...)

連「三顧草蘆」都慳埋...服0左你啦,將軍。

另外,巴士站報班次呢樣0野
正正又係小弟早年提過0既「南韓化」其中一個部份...
(就係預測巴士到站時間,利用車站上屏幕(或者各位部Smart Phone)
通知「仲有幾耐上到車」...)
所以當各位以為民__聯為各位爭取到呢樣0野之時
小弟好肯定0既一句:小弟提呢d 0野之時,
佢地仲係爭取緊________
(其他對自己張選票同更多5毫子有幫助0既0野)
而唔係上述無差別大眾受益0既「南韓化管理」
當中最重要0既一環。

始終九巴幅員遼闊廣大,搞新系統0既人手又好似...
(孤寒得過搵AAU打仗,但係要架雙層11米
行一架AAU一口氣載澌全部客0既線?)
[唔及小新110出「樂天熊仔餅」0既離譜,
不過同一款錯誤,無理由唔一齊非難...]<-患不均嘛~
相信要九巴做得完呢個全線到站系統App...
都仲要好長0既時間...幾年、甚至
同換全線冷氣巴0既時間相近...都唔出奇...

PS E34A隨便改線呢件事
小弟有絕對理由向民__聯班____索償
(不過,要佢地0既「5毫」,不如靠自己!
呢張白票,投硬!)

[ 本帖最後由 LNChickenRice 於 2015-6-12 21:53 編輯 ]

美孚鐵路站(往屯門、元朗方向)算唔算大型轉車站裝既預計到站顯示屏呀？

我諗只有63X客先會當美孚係「大型」轉車站，否則真係直飛美孚啦

不過，多D有需要既分站裝左，當然都係好事。(如果唔會令到成本暴漲而加價的話，呢個其實我都唔太care，但區議員care)

原帖由 lsc04d11 於 2015-6-12 21:51 發表
美孚鐵路站(往屯門、元朗方向)算唔算大型轉車站裝既預計到站顯示屏呀？

我諗只有63X客先會當美孚係「大型」轉車站，否則真係直飛美孚啦

不過，多D有需要既分站裝左，當然都係好事。(如果唔會令到成本暴漲而加價的話，呢個其 ...

其實搞到站預報好多配套都已經有，係裝多個 mon，
加多部 vending machine 就當幫補下，不過如果吸引到多o的人留低等車，對營運都係好事。

美孚都曾經係想做轉車站，當然依家似乎又有變，
不過今次搵呢個山區小站做試點又真係估佢唔到，雖然呢個站使用率唔低。

原帖由 LNChickenRice 於 2015-6-12 21:50 發表
睇0黎某將軍以為小弟係軍師

晚上十點啦，咪發白日夢快Ｄ去訓啦
給你十二字真言：
https://i.na.cx/L6o7y.jpg

仲有你可唔可以成日出埋Ｄ無人睇得明既論文？

明知個篤係狗屎 就無謂踩落去

明知太公文猥廢 就無謂睇落去

understand?

好多線都未有到站預計呢個問題，之前 268X 重組單張應該透露左少少玄機，「268X將於本年中增設此服務」

應該九巴 7 月左右將「到站時間預計」呢個功能會進一步推廣至大部分路線

九巴似乎今年揀左每區一個站做呢樣改善巴士站設施(當然港島唔計)
至於係咪首次o係非大型轉車站做...睇下邊個快姐

個mon唔係兩米大，而係個mon會離地最少2.2米
即係會同美孚裝果款差不多，但propose location會係98C隊尾，即係豬紙位附近
你排98A 290既話要睇個mon真係眼力大挑戰
仲唔知會唔會將98C 93A調返轉個排隊方向，否則果班朋友就會轉身先睇到時間

早排老九班高層響將軍澳落區，有提及過想改善車站環境，估唔到第一個竟然係康盛
ps唔止將軍曉既，呢啲商業技倆個個business高層都會諗到，問題係有無資源同肯唔肯去做既啫