馬鞍山線月台擴建部份

馬鞍山線月台擴建工程係沙中線工程其中一項，有啲站只係加建上蓋，有啲站係加建月台延伸部份，土木結構已完成，做緊後期工 程。
馬鞍山線，本人搭過嘅次數真係數得出咁少
大圍站建成時嘅月台已係8卡長度，故由車公廟站開始睇

好心就延長埋個大堂同加建出口喇，
尤其係恒安站南端，欣安邨同幾個私樓屋苑，未來仲有大把地起樓，
下下要行到上去聽濤先入到站，送客比巴士

仲有沙田圍站北端都應該加建出口，方便下花園城，
大水坑站北端加建恒泰路出口，方便下曉峰同嵐岸，而且間直資中學有大量跨區學生，
馬鞍山站西端加建直達地面的出口，方便下頌安邨

Kaix 發表於 2016-2-7 14:17
好心就延長埋個大堂同加建出口喇，
尤其係恒安站南端，欣安邨同幾個私樓屋苑，未來仲有大把地起樓，
下下要 ...

我起初都以為會擴建埋大堂，原來真係只係延長月台
某 Group 話筆直都用晒落高鐵度
到下半年宣佈馬鞍山線 4、8 混跑時應該會有議員嘈大堂無延長
唯一「好處」係樓梯同扶手電梯偏埋一邊，除非人人堅持行返去靠南幾卡，否則客量自動分流，唔再好似而家繁時逼爆第 1、2 卡
但而家高架結構上原本疑似預留樓梯／扶手電梯用空位被逃生樓梯佔用，將來重有無可能再配合擴建大堂改做扶手電梯？