個人作為高中學生
HK個風氣好有問題
校方/教育局一方面話大學不是唯一出路，但遺憾的是無論家長、老師都經常話要入大學。
至於TSA，本就不關學生自己事，但學生只係擺上枱，而且今屆學生下得差，下一屆學生先會被算脹。
|
|
|
|
|
|
|
|
|
不開心可以感染人, 同樣開心亦可以感染人, 中小學生從來都要面對開心同唔開心, 睇番阿LF5502板友提供的參考, 死因純為「學業」根本不多, 而且學業不只包括讀書考試, 人際關係都係其中一環, 唔一定要有好強交際手腕先叫人際關係好或者人緣好, 內向性格相對較輸蝕, 朋友少, 遇到不如意事唔容易開口講, 亦唔易走出陰影, 成為攻擊對象通常都係呢種人.
純粹因為功課考試而自己俾壓力自己, 我相信唔多, 學校俾咩信息班學生, 家長係最好的開導者, 所以學生在學業上遇到甚麼困難疑問, 一定要向家長講, 家長亦要認清真相, 要體諒小朋友, 唔能力一味否定小朋友的感覺, 故此家長自身都要有正確處理壓力的能力, 不能因為日間返工忙而忽略小朋友, 需知朋輩關係和傳媒在小朋友階段的威力驚人.
根據參考, 9月7日（開學初期）有中大男生因學業困擾墮樓, 1月4日（長假後首日）中四男生因人生失意吊頸, 呢兩單都在學業再起步時, 即係未讀已經有壓力. 因生活.家庭問題加上學業繁重, 引致情緒病甚至自殺, 其實又係睇小朋友識唔識得釋放壓力, 就算冇朋友冇家長, 覺得完全冇人幫到自己, 又唔想身邊同學老師知道, 真的, 不妨搵外面的機構求助, 唔知有咩機構幫到手, 屋企附近總有社區會堂或者唔同機構辦的組織, 入去坐下, 個人靜下, 乜都唔諗, 個人自自然然就會鬆左. 不過, 講到尾都要自己本身唔好怕事, 連同人講句野都唔夠膽, 講乜都嘥氣.
要搵開心的人做朋友才有用, 自己負能量纏身仲識埋啲負能量, 有事搵人傾完盞出事, 就算唔係好似以上新聞咁兩個一齊去死, 兩個的負能量心事積積埋埋遲早爆煲. 運動.音樂.藝術都係年輕人最佳抗壓方法, 如果一直視呢三樣野為不值得投入的學科（學校.家長都不甚重視）, 從今開始就要改變思維, 好好享受.
|
|
|
|
|
|
|
|
|
「要入大學」係一句美言, 但你唔係聽完就好似隻填鴨咁填左入心, 目標就係入大學, 而係要諗下讀大學比起入唔到大學有咩唔同, 當你知道有咩分別, 自然會俾心機盡能力讀上去, 或者覺得不外如是, 開開心心讀落去, 考唔到大學就出來做野.
其實做人最緊要知道自己想點, 「要入大學」只係一個選擇, 而唔係全部.
|
|
|
|
|
|
|
|
|
遺憾的是HK填鴨式考試主導的教育難以啟發思考，就算學生會思考，但很多時都沒有足夠時間，未諗完，老師已講答案。問題越少越好，不要問點解，因為是HKEAA的要求。
實話實說，HK的教育方式不是沒有作用，令學生學懂在社會生生存，避免自找麻煩、要取悅上要級、準時交差等，才可以在社會生存。
不知這麼早學會這些是好是壞？但知道學校是社會的縮影。
|
|
|
|
|
|
|
|
|
自殺是由大時代五蟹跳樓學回來的?
認真:自殺多咗係由社會壓力大同埋多咗港孩有關？
|
|
|
|
|
|
|
|
|
或者我傻人有傻福, 諗野好straight forward, 好多時人地對我講完啲唔太重要嘅嘢都會好快忘記, 繼續沉醉響自己世界度.
求學時期, 有書就讀, 有試就考, 有功課就做, 多與少都用同一個心態去應付, 唔會太理其他人其他事...... 因為自身難保: 高中時期家庭關係至為惡劣, 會考前一年接連面對母親中風(從此半身癱瘓), 家人不幸離世, 父母離異等事情, 考mock係做左學生十幾年來成績最差的考試, 而會考係就係full cert, 但全部科目分數總和唔到10分, 唔好話冇時間思考, 直情連讀書的心情都冇, 壓力大, 日日見步行步, 直到出嚟社會做事的一天, 仍然要照顧病母, 直至今日, 仍然要照顧病母, 而且她已年邁不少, 畢竟出來做事已十五年了, 難道我要怨天尤人, 然後走去死?
在學校學懂在社會生存? 唔係講笑, 做野十幾年, 做過幾份工, 我行我素, 從來唔埋人堆, 唔取悅上級, 大情大性, 鍾意講乜就講乜, 做野唔多知會其他人, 上司話要提意見就有碗話碗, 有碟話碟, 係就係, 唔係就唔係, 雖然係咁, 從來身邊都唔會缺少同事, 要幫手時人地會幫我, 有麻煩時我會盡力做妥, 己所不欲, 勿施於人, 冇人敢恰我, 背後中箭唔多覺, 相反贏得真朋友和上司賞識......
其實只要識分寸, 仲有咩好怕? 你所指的「學懂在社會生存」同「要入大學」一樣, 只係一個選擇, 而不是全部, 一切只供參考, 唔能夠一本通書睇到老, 你係你, 你唔係阿甲阿乙阿丙阿丁阿戊, 同埋冇野係絕對!
俾著你有一日讀到大學畢業出來搵工, 當人人都拎住張Master, 根本每個人都一樣, 不同的係你份人, 你個心, 點樣面對自己, 面對將來同其他人.
積極同消極係一字之差, 香港土生土長.冇去過外國留學的六.七.八十後有邊個唔係填鴨式教育教出來, 唔同嘅可能係而家啲人係考DSE, 專門有一科叫做通識, 要學生去諗野, 將過往十幾年所學所識的融匯貫通, 寫在答卷上, 而唔係只得死記硬背的會考, 中point有分. |
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
