九巴新線214開辦消息

nathan5506 發表於 2016-8-21 01:22
呢期電腦節
嗰個站最近
暫時未能作準

深水埗郵政局呢個站係落車大站嚟, 元州街路線最多人落車一定係呢個站, 6 6C就可能同元州商場差唔多, 因為由他區搭車去得深水埗, 無論去鴨寮街睇舊野, 去北河街買餸, 去黃金睇電腦, 甚至係去西九龍中心行街, 十居其九都係呢個站落車, 長久以來都冇過.

miklcct 發表於 2016-8-17 11:40
如果做流水順路嘅話隨時吸引到一班人當條流水當係半直通咁搭全程，好似27咁。
...

27行新清 太子道直插太子站 旺角道 , 回程亞皆老街 太子道 新清上山, 條條大路想唔快都幾難, 而上面講緊秀茂坪經三彩出旺角, 咁對秀茂坪來講已經係削弱左少少.

EX-TL 發表於 2016-8-22 00:41
深水埗郵政局呢個站係落車大站嚟, 元州街路線最多人落車一定係呢個站, 6 6C就可能同元州商場差唔多, 因為 ...

如果係去西九龍中心
214有怡靖苑個站
仲要係跟6F/52X擺到最近欽州街個個
咁不如搭多個站係長沙灣政府合署行入西九
反正有路行

jocosben 發表於 2016-8-21 19:11
頭先坐1720 214西行，油塘總站都上15個左右，全程坐滿60％左右，45分鐘到深水埗郵政局，見對面方向都坐到70 ...

上面係寶庫根本由來已久, 只係區外人一直唔了解秀茂坪, 覺得上面唔配有咁多巴士線, 唔應該拉區外線上去, 又話兜又話冇客, 講到起東九龍線時, 又質疑有無咁多客.

望下地圖就知道, 秀茂坪+安達臣成個發展區, 面積有觀塘咁大, 人口亦都有做好預計, 加埋四順, 行山路線係必定夠客. 收到貴一貴的1A 98C大把人搭, 但係唔貴果啲好似11C 13D 13M就差啲, 點解呢, 兜路 慢 班次差一截, 一係就有轉乘優惠九巴he做, 秀茂坪從來都係被宰割的一群, 點會唔係金蛋 唔係寶庫呢?!

嗯，咁聽落，即系上秀d $10.50變左$7.90啦...

跟著如果比寶達發現仁達樓系收$7.20既，咁應該有d屎忽鬼會行上去搭啦，214仁達樓個站仲要擺系外面，對到個行人天橋正一正...

最好笑系，214寶達邨出西九個站，對寶達人黎講，仲唔方便過行去仁達樓，行天橋過到對面，搭Lift按落制，上214就要比$7.90，按上制，上214就比$7.20...下？

仁達樓個站放外面，即系調翻轉對安達人黎講唔方便啦(雖然唔會趕客，因為獨市)...

擺翻個站入安達邨內街啦好心...

rusf101001 發表於 2016-8-22 00:51
如果係去西九龍中心
214有怡靖苑個站
仲要係跟6F/52X擺到最近欽州街個個

對214來講可以, 但對其他元州街來講就不適用了, 同埋之前好似有提及過欽州街轉出長沙灣道盞燈等好耐同過到好少車, 橫掂都係行街, 深水埗郵政局落車會適合中年人士多一點, 始終就算俾我, 去深水埗行街首要目標一定唔係西九龍中心, 係嘅我不如行番秀茂坪商場或者鯉魚門廣場 大本型 啟田商場.

S3BL100 發表於 2016-8-17 07:58
雖然唔係每座樓都要行咁遠，但石礦場巴士總站落到安秀道的距離，好似同秀樂樓行去寧波二中甚至聯合醫院差 ...

其實建議中行人通道真係唔遠，其實石礦場最北地盤行去安泰邨，只係等於秀雅樓行番去秀茂坪商場既距離。而果個地盤行番去石礦場商場，仲遠過落安泰邨。

安秀道係紅小禁區，紅小已經無得直接做安達班客，用唔著特登開條巴士線去阻止紅小做安達同安泰的生意

我得閒好應該提下小巴公司得閒係安達貼下招紙，行落山就有車出旺角。

當然我唔係話唔應該開 213D，起碼 98C 爆到傻，95 繁忙時間都多人，
但係我既重點係：213D 有無必要做埋秀明道生意？如果做埋，點解唔順便用佢做藉口，收拾條 13D？

但 13D 呢？本身秀茂坪上落人數已經少，就算係秀茂坪上落的流水客，基本上全部都有其他巴士替代品（例如 1A 11C 13X 13M），
呢條線在秀茂坪仲有幾多存在價值？

我夠知道維港灣同淘大有既得利益者（但淘大有 2A，不如話係牛頭角上邨同花園大廈一帶的既得利益者仲好），
但條線係咪一定要留晌秀茂坪？好簡單，而家翠屏邨無旺角線，九龍巿區線去得最遠係土瓜灣同黃大仙，
13D 係咪可以縮落去幫下人？縮落去仲可以即時減兩部車。

我係同意要搞 13D，但點搞？如果學你咁縮落翠屏係造福人群，咁係大錯特錯。
就算秀茂坪人唔上 13D，但事實上 13D 流水客最好賺偏偏係淘大、物華街上協和街、聯合醫院同寶達，
13D 縮就翠屏，翠屏真係無能力支持有兩條落九龍城既線，最後真係跌晒祥和苑、寶達班客之餘，又賺唔番批新客。

翠屏個案其實係好特別，南、北、寶佩苑。
寶佩苑：根據沙田線經驗，寶佩苑一定唔會有站（如果 13D 有站會出事，所以沙田線就要加番），而佢地亦會自動上和樂上車，和樂上車已經有 1A、13D。
翠屏南：近將軍澳道批人一係直接上綠小出協和街或者港鐵站轉車，近泳池行得落明渠，點解唔上港鐵？（返黎仲可以直接上 16、296C 落車）

翠屏北：唯一一批人最需要巴士線，但去淘大流水 89 做緊，去九龍城流水有 11B，只剩落旺角依舊餅。
13D 要兜完成條牛頭角道至出旺角，你問下班後生，佢地會唔會寧願行去上港鐵甚至搭紅小？

所以如果翠屏真係要想油尖旺線，反正 11B 成日比人搞，應該用條 11B 換其他野，而唔係再拎條都廢既 13D 落黎。

甚至如果三彩其他方案最終全部射失，黃大仙有其他替代/甜頭都唔肯郁 9 號半條毛，到時 13D 來回兜埋彩盈，我覺得都唔係一個太差的選擇。

不過 13D 呢條線盤數咁差，秀茂坪又有齊替代品，九巴同運吉連年都唔擺佢上 RPP，連試區議會底線都唔試，又真係好奇怪。
但今次佢地明明可以趁最佳時機，大條道理走去搞 13D 都唔去做，
美其名話「重組 13D 善用資源服務安達臣」但實情係 13D 完全唔郁，成件事不合理地向秀茂坪傾斜就肯定。

13D 唔係無考慮郁過，係五區重組入面，13D 係排係頭幾位。
改行觀塘道係其中一個大方向，但立即比牛頭角道插到飛起，你仲拉佢上三盈？
轉兩繁係另一個方向，但維港灣講明最低限度一定要有全日線（疏唔緊要，有東九龍車就得）。

唔好下下講向「秀茂坪傾斜」，成個秀茂坪頂多得班寶達死攬 13D，
事實上 13D 對寶達區而言又真係幾重要，試問有幾多部車係凌晨成點都有車係觀塘返上寶達？大清早要趕返工，除左 13D 又有咩野選擇？

Ravenclaw 發表於 2016-8-22 00:59
嗯，咁聽落，即系上秀d $10.50變左$7.90啦...

跟著如果比寶達發現仁達樓系收$7.20既，咁應該有d屎 ...

之前上去探路我都有個疑問, 點解仁達樓呢度有個巴士站位, 對安達邨絕對唔方便, 行車亦唔算特別順路, 正常定線應該全部入晒安翠街至係(無論西行途經抑或安達總站路線).

EX-TL 發表於 2016-8-22 01:09
之前上去探路我都有個疑問, 點解仁達樓呢度有個巴士站位, 對安達邨絕對唔方便, 行車亦唔算特別順路, 正常 ...

不過，去長沙灣方向入得架啦，反方向停安達總站系ok既...

點解要入安翠街，因為安秀道過馬路唔方便(違規過路例外)...

佢個站位對安達邨既人黎講，系要過天橋...

我望213D會兜入去...

唔知老運系咪expect 214將來有超多人上，怕內街唔夠面積排隊...

toyl 發表於 2016-8-22 00:00
坐過一次1900甘泉街開，30分鐘先上到龍翔道，而且單單一條南昌街差唔多佔咗13分鐘，即係接近一半時間！
...

南昌街行成兩個半字真係好跨張, 係時候諗下改係大埔道落番深水埔.