九巴新線214開辦消息

dennis28a 發表於 2016-7-24 02:52
當成條街大大部 2A 係度，點解要比將軍澳既價錢去做 2A 做到既野。家陣仲要有 2X 選擇。

我對 214 最大 ...

最大潛在客源可能係拜山/拜年/團年客, 白田 彩雲 四順 中秀 安達臣等現時沒有全日直達公交路線到油塘, 就需要用到214.

EX-TL 發表於 2016-7-24 03:28
最大潛在客源可能係拜山/拜年/團年客, 白田 彩雲 四順 中秀 安達臣等現時沒有全日直達公交路線到油塘, 就 ...

究竟 98C 會唔會快過 214 到寶達？
究竟 214 快 42 幾多到彩雲？

依兩點問題將會大大影響西九龍 - 觀塘山巴士生態。

至於 2B 同 2F，我反而唔大關心同擔心佢地下場，畢竟依兩條線做緊批客路幾唔同下。

3ASV174 發表於 2016-7-24 02:38
西九段行荔枝角道真係搞笑之最，
296c 行荔枝角道都有辦你睇，當 98c 可以西九坐滿先落太子，佢真係可以 ...

行荔枝角道本身都唔係問題之最，以 296C 同地鐵重疊程度同速度，就算行長沙灣道都唔會有幾多客

214 的問題係無啦啦屈返落去，對長沙灣放工客極不吸引，又搞到深水步站位唔靚。
條線爬山同地鐵唔重疊幾多，無必要刻意避開長沙灣道，甚至應該深水步段逆走

dennis28a 發表於 2016-7-24 03:46
究竟 98C 會唔會快過 214 到寶達？
究竟 214 快 42 幾多到彩雲？

98C vs 214 比較難估，但幾乎肯定 214 東行南昌街屈返上山，會慢過 42 直行界限街返彩雲

我一直都話，行山唔係問題，但行山行龍翔道，唔該深水步段逆走，蝴蝶谷上落，做長沙灣特快，
深水步時間又唔差得幾多，而且同其他線重疊程度最少。
但因為係招標線，落地前無得改，落地後又有班既得利益者，石硤尾肯唔肯無左條線都係問題

但反而我諗唔通你上面認為會有咩「新既潛在客源」…
214 除左西段外，大部分都係住宅區，住宅區之間會有穩定客源，但穩定地唔多囉

EX-TL 發表於 2016-7-24 03:15
希望214落地後, 可以好似當年701咁大改道, 變成一條順路又做到新客源的路線.

就咁睇現時定線, 回程行荔枝 ...

長沙灣開屈落填海區再上返南昌街爬山，比而家仲衰，長沙灣剩返的放工客都倒走晒

填海區需要的係一條去觀塘的巴士線，而唔係去黃大仙、觀塘山住宅區，應該搵 296C 微調走線去做就最適合

214 因為東九一邊純住宅區，點改都唔會做到雙向同時多客；
但因為東九一邊覆蓋，深水步區更應該主打長沙灣返工客，同深水步巿中心的乘客，而唔係深水步住宅區

S3BL100 發表於 2016-7-24 03:52
98C vs 214 比較難估，但幾乎肯定 214 東行南昌街屈返上山，會慢過 42 直行界限街返彩雲

我一直都話，行 ...

214 定線係奇奇怪怪，但事實上有唔少位唔係無得做，
1. 秀茂坪去九龍西（98C）
2. 彩雲去九龍西（42）
3. 碧雲道去龍翔道（碧雲道 BBI）

如果真係無新潛在客源爆到出黎，我唔反對逆走去吸晒班 42、98C 長沙灣既客，但既然都逆走，
與其做深水埗（觀塘山又有 98C 同 42 係度，深水埗逆走去油塘又太慢），不如索性做到東京街插落海麗收工就算，
睇下填海區執到幾多件客去鑽石山、黃大仙好過。

dennis28a 發表於 2016-7-24 03:46
究竟 98C 會唔會快過 214 到寶達？
究竟 214 快 42 幾多到彩雲？

用長沙灣道/南昌街交界下繁計, 估計214上到畢架山花園時, 98C可能只到旺角道/洗衣街, 龍翔道交通正常下, 214係應該快過仲要慢慢行慢慢停慢慢塞的亞皆老街同九龍城, 仲有就係將軍澳道上山周不時會塞車, 而牛池灣村上新清就比太子道東上順啲.

不過42由荔枝角道/南昌街交界比較下, 42絕不遜色, 界限街點多車都唔會塞到唔識郁, 入九龍城迴旋處最順係太子道西入, 如果214停埋順利先上安達臣, 42除左價錢, 速度都有番咁上下競爭力, 但98C就難講啲, 始終下繁旺角 九龍城都易塞車,咁 撇開下繁唔講, 其他時間98C仍然有佢優勢, 最大優勢就係跑完公路之後第二個站就落車, 而搭214就要過晒彩雲 順利 安泰 安達先落車, 車費平啲, 但係睇埋深水埗區站位, 214咁款, 98C長沙灣工廠區上車係直去, 214行埋啲唔順燈嘅路先出番南昌街交界, 寶達客點揀真係唔知, 而講開荔枝角道 寶達, 忽然腦海閃左13P出來, 如果係13P開回程做半直通呢, 13P係有得做, 不過呢樣野諗下好啦!

EX-TL 發表於 2016-7-24 04:32
用長沙灣道/南昌街交界下繁計, 估計214上到畢架山花園時, 98C可能只到旺角道/洗衣街, 龍翔道交通正常下,  ...

13P 回程（甚至全日）其實講左好多年，九巴同運吉次次都一句「區內有其他交通工具選擇」同「需要不足」打道回府。
不過我咁睇，既然九巴都有心搞 6P，又開埋 214，九巴可能索性放棄 13P 都未定。


另外，既然 42 唔係慢，姐係 214 吸引力又大減，好心開線索性長沙灣道直出吸 98C 班客。

PS：提外話：安泰邨落山天橋搞好未？

dennis28a 發表於 2016-7-24 04:12
214 定線係奇奇怪怪，但事實上有唔少位唔係無得做，
1. 秀茂坪去九龍西（98C）
2. 彩雲去九龍西（42）

呢三個客源位，頭兩個其實已經有現有路線覆蓋，最多只係左手交右手，仲要 214 快唔過 42，
係第三個叫做有少少睇頭，不過同 214 深水步係咪逆走無關

反而如果逆走，可以試到長沙灣站一帶，同埋長沙灣商貿區，有幾多特快客源支持，可能有驚喜

但如果 214 逆走後唔做深水步巿中心，而係屈左落海麗，恐怕非繁會唔夠客，因為沿線完全無一個非繁多客的商住混合區支持

況且深水步逆走去油塘比起招標走線唔見得太慢，如果擺欽州街，10 分鐘多少少已經上公路，
去到黃大仙都係廿分多少少，繁忙時間慢幾分鐘。
現時走線，南昌街食燈，最多快幾分鐘，但如果視乎出發實際位置，行去搭車已經抵銷有餘

仲要西九龍中心係全日位，又近政府合署，假假地都唔少人返放工

dennis28a 發表於 2016-7-24 05:21
13P 回程（甚至全日）其實講左好多年，九巴同運吉次次都一句「區內有其他交通工具選擇」同「需要不足」打 ...

安泰邨仲有耐先起好, 睇個勢起碼2017年尾-2018年先入伙.