新巴查個人八仔，涉侵員工私隱

新大人好大官威，連員工病假去邊都要管
遲啲睇急症睇夜咗返屋企都唔得，可能出去睇醫生都唔可以用員工優惠

http://hk.on.cc/hk/bkn/cnt/news/ ... 1107_00822_001.html

張八仔係唔係同時要黎查開工拍卡記錄？如果係咁就真係點都會睇到...

鄭經理又有機會上法庭表演

其實個司機只要有醫生紙喺手，除非新巴有證據證明張醫生紙係假，又或者證明個司機病假期間打第二份工，否則病假期間炒人會罰好重。

醫生有專業資格，新巴無，單憑八達通紀錄，不足以證明係假病假。

053h4 發表於 2016-11-7 21:04
呢鋪員工輸左8成，一次半次會出信咩

點睇得出員工輸咗8成？

就算夜返都唔代表冇病痛
老新又係咩邏輯黎

053h4 發表於 2016-11-7 21:53
我睇電視就有保險公司搵人就長期CLAIM 勞保個案搵私家偵探查

一間系統化公司同保險公司合作查就唔奇

新巴如果喺員工病假期間炒人，係犯刑事罪，你有私家偵探查埋人地祖宗十八代都係咁話。

民事都話睇個官信新巴定係個司機多啲，但講到僱傭條例，只要個僱員有醫生紙，張醫生紙係真，又係由註冊中西醫發出，咁個病假就有效。醫生係專業人士，又有法定開病假紙嘅權利，新巴管理層同人事部又唔係醫療專業，憑咩去話人地呃病假？僱傭條例邊一條賦予新巴有呢個權？

更何況，香港無一條法例規定病假或工傷一定要喺屋企唔準出街，病假只代表不適宜工作，唔代表不適宜出街。以呢件案件為例，司機整親腰椎同埋膝部，如果醫生知道對方係巴士司機，會考慮到患處如出現突發性痛楚，分分鐘踏錯油門，嚴重影響行車安全，因此批出病假。反觀個司機半夜出街，唔會影響行車安全，所以無抵觸。

而家我睇到新巴唔單止侵犯私隱，直情係想有病假紙嘅司機番工，妄顧乘客同其他道路使用者安全。