屯門區議員要求K58延長走線及全日服務

屯門區議員就K58服務向交委會提出建議：

要求將 K58 延長服務至掃管笏，並全日服務背景：

K58 為屯門西北往置樂及青山灣的巴士路線，現時不少西北居民都就讀位於掃管笏的順德聯誼總會李金小學、
保良局西區婦女福利會馮李佩瑤小學、鄭任安夫人千禧小學，他們需要轉車才能夠上學。
故此， 有需要將上述路線延長服務至掃管笏，並全 日服務。

要求 :1. 將 K58 延長服務至掃管笏，並全日服務。

文件提交人： 程志紅 梁健文 李洪森
陳有海 龍瑞卿 徐 帆
陳文華 張恒輝 陳文偉
曾憲康 葉文斌 巫成鋒
賴于樂

==========================================

之將前已經有K53同K58合併計，然後而家直接將K58變成混合體同全日化。
不過嗰邊除咗學生客之外，其餘時間都要執K51死雞，唔知夠唔夠頂？

全日都有學生返學 ? D理據真係 ...

要拉去掃管芴唔該過左早繁先好拉，K51 已經成日因為哈羅塞車攪到八點後富泰無車返班次亂哂

若果 K58 都去埋真係攬住一齊死

要執就唔該朝早去富泰行青田路，屯門公路上西鐵站，幫手疏導下輕鐵都好青麟路朝早實在太塞

K58除返學時間外，下午繁時客量偏低。

上面建議其實希望K53全日行走多於K58，不過之前議員要求K53全日後港鐵以掃管笏已有專線小巴為由否決。

最理想做法將K51分拆一條支線做K51A，富泰至掃管笏，沿K51路線至屯門鄉事會路後跟K53去掃管笏，K51和K51A富泰梅花間竹地開出。

假日v city/新墟異常多車，而且假日多左班「本地遊客」同埋「遊客」，亦有不少真正遊客識o係兆康站轉k51去黃金.
不如假日重開當年的K53 (兆康站南至掃管笏循環線)，每15分鐘一班(有車既咪每12囉)，避開新墟、市中心車龍，針對性服務來往黃金的鐵路接駁客。
(私心︰好懷念當年8分鐘就由兆康站南到達置樂，當年屯門站F出口交匯處去到置樂都要12分鐘)

上面寫既K51A，甚麼沿K51路線往鄉事會路再去掃管笏，咪即係K51縮去掃管笏版本？

K58全日，唔該區議員氹得掂欣田邨既客係唔係都搭佢先啦，仲有市中心往良田區，可以從58M手上搶回客嗎？K58有少少良田去市中心客，因為唔洗過天橋去屯門市廣場炸，回程？58M直情O係正市廣場到啦。
(我比較偏好假日開K53多於K58全日，不過，如果K58真係全日到，我都會成日搭去支持佢，整高D數據，有機會先講啦)

lsc04d11 發表於 2017-1-14 07:58
假日v city/新墟異常多車，而且假日多左班「本地遊客」同埋「遊客」，亦有不少真正遊客識o係兆康站轉k51去 ...

欣田邨入伙後 42號小巴可能會拆條 42A 專做市中心-欣田邨

情況好似朗善邨既 609 咁

欣田入伙我覺得都需要K58全日，但係咪仲要入到青山灣就真係另計。
不過唔擺青山灣又好似真係無乜位好擺，無理由去友愛南吧！

lsc04d11 發表於 2017-1-14 07:58
假日v city/新墟異常多車，而且假日多左班「本地遊客」同埋「遊客」，亦有不少真正遊客識o係兆康站轉k51去 ...

K51縮去掃管笏版本較易處理，只是以K51支線名義開辦。

K51只是黃金海岸至大欖一段班次會變疏

HR1377 發表於 2017-1-14 11:14
K51縮去掃管笏版本較易處理，只是以K51支線名義開辦。

K51只是黃金海岸至大欖一段班次會變疏

其實不如 K51 縮去三聖，K53 全日，另開 K54 屯門站至大欖
K53 K54 繁時 12-15（聯合班次 6-8），非繁20（聯合班次 10 )

反正而家 K51 小欖段日間又唔係多客，20分鐘一班都足以應付
縮短車程後，K51 更有助穩定班次，兆康站班轉車站可以改去屯門站叫兩飛轉車
唯一唔好處既係新墟去青公班買餸客要行兩步去屯門站搭，或者會趕客去綠小43*

andy92 發表於 2017-1-14 11:49
其實不如 K51 縮去三聖，K53 全日，另開 K54 屯門站至大欖
K53 K54 繁時 12-15（聯合班次 6-8），非繁20（ ...

如果咁開會造成資源重置（屯中打後），情況同現在K51,K53,K58沒有分別。

最簡單做法抽部份K51資源去K51A, 反正屯轉開左後大欖、小欖一帶居民多數搭九巴出市區。