我撐中大學生報!---泛民去哂邊?

近日，中大學生報，載有涉及亂倫、人獸交等
問卷調查，並刊有手繒男女裸體抽象圖，內容
「被指」大膽露骨，引起軒然大波，中大校方
更發警告信予中大學生會，更警告這群學生可
能會勒令退學云云......

事情發展如此，我只作出以下回應。如果大家
不滿意，大可抨擊，以及仇恨鄙人的言論。

誠言，該期中大學生報內容較大膽，但未嘗不是
鼓勵社會各界關心及討論性教育－－這個自古以來
被視為禁忌的話題。為何中大校方以及社會人士
仍是抱著守舊的思想去批評他們？沒錯，或者大
家以為他們任性妄為，但......這些不是大學生應
有的魄力及真性情。今日是廿一世紀的香港，
五四運動也快有九十年了。香港需要的，不單是
民主、集體回憶、法治、人權，更需要的是不甘隨波
逐流，不受傳統思想束縛的新一代！何況他們所為只
不過享用泛民（包括長毛）所嚮往的自由！

或者許多人以為時下大學生不論語文能力以及才能
不及八十年代或以前的大學生。或許這是政府大力
發展專上教育的副作用，但增加大學學位不是社會
大眾（包括華叔）所追求嗎？沒錯，AL課程自1994
年起大幅削減，無疑令新一代的大學生及預科畢業生的素質
比不上昔日的一群。但是，如果不是一群教育工作者「好心
做壞事」，堅持要由兩間大學發展成九間大學。
我97年AL拿2D3E，也不會被市民（包括ALAN梁）
「自動波」般被貶值為2F3U（或84年以前的2F3G，還要
一級分三等嗰隻）！如果要批評時下大學生及預科生
「一舊飯」，那麼更要批評提倡改革AL的人士！－－
當然部分大學生確是不爭氣，但為何社會大眾一定要
一竹竿打一船人？一定要一口咬定今日的大學生不知
所謂，今日大學學位雖增加不少，但只是佔適齡人士
的18%。其餘的82%（包括鄙人），豈不是社會的「渣滓」？

誠言，我不是中大的畢業生，我只是從事／修讀會計的一群－－
即是被極端泛民抨為「舐共」、「擁曾」、「親商」的一群－－
也許沒有資格說以上的一番說話。但會計人定必是向錢看嗎？
會計人只開心蠅頭小利，不可以關心中大學生嗎？

沒錯，自從香港的大學在90年代大幅增加會計及商業學位，不單
令大學教育變得商品化，還掠奪了其他學系（如文學系、社會工作
系）珍貴的教學資源。以前成績優秀的預科畢業生，選文學系、
理學系、醫學系、法律系、工程系、社會科學系、都未輪到會計／
商業系。鄙人都不想唸會計的（未捱過考試咩，仲要不保證一TAKE PASS！）
我本身是想修地理系，而JUPAS第一志願－－便是中大的地理系。
無奈技不如人，只可在IVE修讀會計學文憑。因為如果連這個文憑
都放棄的話，只拿2D3E(或者2F3U)，不要說做麥記，連幫長毛、
吳志森、alan梁抬轎的份兒也沒有！（LV123現在明白為何我修會計
是被迫嗎）

講回今次事件，事情已發展了一段日子，但只聽見明光社等抱殘守缺
的團體大加鞭撻，但沒有泛民、長毛、學聯、紫藤行動、支聯會、何來、本土行動、
以及我撐港台等組織作回應。普選是重要，難道言論自由不重要嗎？
捍衛皇后碼頭重要，難道個人創見不重要嗎？支持港台成公共機構重要，
難道弘揚五四精神－－民主及科學不重要嗎？既然余若薇懂得說希特勒
與基督徒、共產黨徒及猶太人的故事，為何不為中大學生說句公道及
持平的說話。難道以上團體的目的只是攻擊特區政府及在政府工作的
公務員及非公務員，而不關心中大學生報成員的生死？

也許我口是心非，沒有資格說以上的說話，我我可以好大膽講句，
我不介意取消會計界功能組別，我不介意大家肆意批評整個會計行業。
但如果以上組織也不為中大學生報學生說句持平的說話，那麼便
不好再說我們與特區政府一樣仇恨你們了！

多言了。

[ 本帖最後由 marklam 於 2007-5-13 11:56 編輯 ]

原帖由 marklam 於 2007-5-12 09:59 發表
近日，中大學生報，載有涉及亂倫、人獸交等
問卷調查，並刊有手繒男女裸體抽象圖，內容
「被指」大膽露骨，引起軒然大波，中大校方
更發警告信予中大學生會，更警告這群學生可
能會勒令退學云云......

事情發展如此，我只作出以下回 ...

其實有d 唔明, 點解次次一講, 閣下一定要提及
自己會計界, 係被極端泛民抨為舐共等....

先唔理呢個是否事實(我覺得唔係), 但同今次事件
有什麼關係? 講真, 我睇唔到.....閣下只是講講下學
生報夾硬拉埋去講.....

講返今次事件, 我覺得今日明報社評唔錯...

學生偏執校方偏失 黌宮智慧哪裏去了
http://www.mingpaonews.com/20070512/mra.htm

其實自己都作為現今大學生, 我認為言論自由當然係珍貴,
但事件又係唔係的確需要擴大到 言論自由 的問題? 我本身
覺得唔需要.....事件本身是在於道德層面問題...

道德本身好抽象, 好難用科學化的方法去定對與錯, 而今次引
起問題, 就係在於呢班大學生的標準, 同社會一般標準有距離,
正如明報講"社會對學生報的期待，肯定不是風月版的標準"...

而我覺得大學生本身係社會一份子, 係有一定社會責任....係道德上,
即使要講創新, 但亦唔可能話超越社會普遍接受的程度........大學生,
某方面亦唔係一定要推翻傳統先叫好....如果將大學生同社會完全
抽離, 是不切實際

我未有機會直接睇過有關內容, 未能好客觀去睇, 但覺得事件上有
關大學生係有一定責任, 無論本身目的是否色情都好, 係出版時
都應該去留意有關內容是否對他人有不良的影響(事實上, 都有中
大學生本身有不滿), 亦要留意社會係點睇, 呢個就係言論自由 與
社會責任 之間的平衡....

p.s. 俾返樓主一d 意見, 社會的發展, 係需要唔同界別的人, 商界
本身亦係不可缺少的一群...商界本身唔係罪人, 向$$看亦唔係有錯,
亦可以支持民主.....關心社會, 唔駛因為自己行業, 而講呢d野 困住
自己....

而且自己的工作, 係決定於你自己, 唔係因為成績唔太好, 就話
只可以被迫要做會計一行.....無人迫的...如果唔想, 大可以搵機會
轉工, 而唔係 係度 講自己被迫....我本身 AL 都唔好成績...

[ 本帖最後由 3ASV196 於 2007-5-12 10:59 編輯 ]

終於有人出題了！
我就奇怪呢件事煲了咁多日做乜italk冇人提。

我係中大學生，有拎過本年一、二、四月號學生報，其實睇完就算，
情色版唔覺得有甚麼特別，那份「問卷」就當係編委們孤芳自賞，連詳細內容都忘記了。

我不知有沒有版權問題，所以都係唔scan上來畀大家喇。
請到此處：http://www.cusp.hk/index.php?option=com_content&task=category&sectionid=2&id=18&Itemid=24
這是零六年十二月號，係新莊開始有情色版，右面可以揀返直至零七年四月號的學生報。
有興趣者請睇完先至評論，每一期的格式都唔同，有時要花時間搵下。
零六年十二月：目錄中「情色」字樣
零七年　一月：目錄中「情色」字樣
零七年　二月：目錄中「情色」字樣
零七年　三月：目錄中「情色」字樣
零七年　四月：第七至第八頁（頁底轉頁）

到五月突然間彈件咁的事出來，初時我也被輿論影響，認為係學生報太出位，
而且從電視上亦見到學生報編委會成員的態度有少少問題，
但睇返近幾日的〈明報〉、聽昨晚的「講東講西」，社會上亦有一班人係支持有關學生，
尤其是一向予人保守感覺的明報，能夠兩面意見都提及，昨今兩天更有趨向認同學生之勢。
講真，我再拎返出來睇，根本就冇某些人士所指咁不雅，全文字、字細粒、背景係抽象畫，
我只可以話將人畫得太醜化而唔係不雅囉。

最有資格批評的是〈明報〉而它沒有一面倒地批評。
最無資格批評的是其身不正的「方向」「月亮」，而事實請自己睇。淫賤？咁你自己係乜？
「生果」都有風月版但似乎在這件事上沒有無理取鬧。

份問卷係二月出的，為什麼到五月先有人提？
今日明報話係有＿＿人士報料（D4版「編按」），即係件事並非牽涉社會普遍道德標準問題，
而是某一小處偽衛道之士借機，唔知借機來想做乜，批評大學生對佢地無好處。

無疑班學生今次係企得太硬，而且沒有足夠理據去支持自己，
例如收回問卷後有否作深刻討論？訪問一些專業人士？做一個暢銷報色情狀況調查？
咁就有得同人拗，而家兩方面都係齋talk，學生們墮入了矮化自己至風月報的圈套，
中大校方急於表態亦有欠公允及器度，與中學小學無異，劉遵義，你究竟適唔適合做大學校長？

原帖由 3ASV196 於 2007-5-12 10:42 發表

p.s. 俾返樓主一d 意見, 社會的發展, 係需要唔同界別的人, 商界
本身亦係不可缺少的一群...商界本身唔係罪人, 向$$看亦唔係有錯,
亦可以支持民主.....關心社會, 唔駛因為自己行業, 而講呢d野 困住
自己....

前陣子看《明報》報導某八九學運領袖在美國任職資訊科技，
回到上海推銷產品時，表示現在賺錢比較重要。
我這時想起了某城中富豪 (當他是吧)，雖然投票時仍然支持曾特首，
但也高調接觸民主派人士，又以廣告資助某黨的刊物。

不論真假，或許有理想的人們確有不同取態：
有些人年輕時一腔熱血，後來比較現實；
有些人則先確立自己的立足點，再利用自己的地位去追求理想。

[ 本帖最後由 238X 於 2007-5-12 12:15 編輯 ]

1. 《明報》其實用了暗串的手法。昨天 (還是前天？) 報導學生報
舉行大會時，明報的敘述 (一言堂) 已經讓人很難對學生報編委有
好印象。

2. 封殺學生報最大的問題是予人扼殺言論和出版自由的把柄。
我認為這次無論學生報、校方和外界都沒有讓大家好好作理性的
討論。我看過有關報導，立場沒有你這麼「倒向學生」，因為我
自己的讀後感是：學生報的報導顯得很馬虎，至少是辦報態度差。
不過當然沒有某些傳媒渲染的那麼誇張。

3. 學生報和中大都沒有甚麼選擇。如果學生報妥協，確實有機會
令政府和校方乘虛而入。可是校方如不作出迅速的回應，也很難
令人接受。
現在中大有點像 iTalk：先鎖文 (嚴重警告 / 停刊)，處分的事，慢點再說。

4. 你已經不是第一個這樣罵劉遵義的人了。
究竟他做了甚麼很討厭的事？是我沒有「搜集資料」麼？
(不論是因為我覺得你們無理取鬧，還是因為有些事你們知道而
我不知道而覺得可恥 [即是說：我似乎不太關心校政和不太站在
公義的一方]，我看到這句質問確實是有點憤怒)

[ 本帖最後由 238X 於 2007-5-12 12:29 編輯 ]

原帖由 marklam 於 2007-5-12 09:59 發表
誠言，我不是中大的畢業生，我只是從事／修讀會計的一群－－
即是被極端泛民抨為「舐共」、「擁曾」、「親商」的一群－－
也許沒有資格說以上的一番說話。但會計人定必是向錢看嗎？
會計人只開心蠅頭小利，不可以關心中大學生嗎？

邊度有人批評讀商科/做商業o既係「舐共」、「擁曾」、「親商」??

況且,立法會會計界o既議員唔係泛民咩?


讀完F7 入IVE dip??
你冇報hd咩?

成績同讀商有關係咩?
我老實同你講,我兩次會考加埋都冇20分,
冇讀過預科,更加冇考過AL,  

之後cityu 同polu 都收我.

我o係polyu讀degree,
不過唔係讀商科喎

前途係由自己爭取o既

[ 本帖最後由 hksf 於 2007-5-12 17:54 編輯 ]

原帖由 3ASV196 於 2007-5-12 10:42 發表


其實有d 唔明, 點解次次一講, 閣下一定要提及
自己會計界, 係被極端泛民抨為舐共等....


...

妄想受逼害?

撐咩(對人, 定對事 ? ), 點撐, 上街定點 ....   
[撐字同言論自由, 已被濫用]
學生報呀麻, 唔係你自己的私人 blog  呀,
學生報要有風骨, 有期望, 勇氣討論情色, 討論任何事,
點解無勇氣聽下批評意見,
我以前係中大學生
之後見同學的態度
我真的好失望,
早年迎新營玩有味情色, 大學生真係討論色情, 性, 才表示自己有勇氣, 開放 ? 但意義在那 ?
你睇森美..., 非禮女星, 認錯之後算數, 無事,
但大學生連批評意見也不聽, 便說言論自由,
這和一界專橫不聽民意的在位者, 無分別

[ 本帖最後由 davidng 於 2007-5-12 14:06 編輯 ]

原帖由 hksf 於 2007-5-12 12:47 發表

況且,立法會會計界o既議員唔係泛民咩?

但係 HKICPA (香港會計師公會) 本身唔算係泛民......
揸 fit 人更加係親中人士
個會仲同譚議員有官司打緊......

[ 本帖最後由 garyfirst 於 2007-5-12 14:42 編輯 ]

原帖由 davidng 於 2007-5-12 14:05 發表
撐咩(對人, 定對事 ? ), 點撐, 上街定點 ....   
[撐字同言論自由, 已被濫用]
學生報呀麻, 唔係你自己的私人 blog  呀,
學生報要有風骨, 有期望, 勇氣討論情色, 討論任何事,
點解無勇氣聽下批評意見,
我以前 ...

其實唔知點解, 近年有d 大學生, 都鍾意用一d 不雅字眼
/題目去出位...

以前中大又係學生報, 以粗口標題去講普選.....(寫的係
我中學同學@@)

之後香港大學, 又有用左一句 "收x" 去講投票 (我唔記得
左咩事, 好似都係普選之類話題), 我仲記得個e-mail, 好
"此地無銀"咁, 話如果覺得標題不雅, 請參考中大某某
文章之類....

我睇完之後真係一個迷, 依家大學生寫文, 係唔係一定要用
d 突出/不雅的字眼, 先表達到個意思? 究竟佢知唔知"收x"點解,
無其他更合理的字去用? 而且我覺得好過份係, 你用呢個字,
你怕俾人話, 你可以有你原因, fine, 但咩叫參考另一間大學的
文章? 你連你自己點解用呢個字的理由都無??  好過份~

我覺得出位d 可能都無問題, 但我同意 daividng 版友所講, 最少
知道個意義 同 理由...並清楚解釋到....

[ 本帖最後由 3ASV196 於 2007-5-12 15:17 編輯 ]