探討沙田隧道可否實施分時段收費

過去幾年，一直有大量來往沙田及市區的巴士線為了逃避獅子山隧道的擠塞，而改行青沙公路，或增設行駛青沙公路的特別班次。惟部分此等路線由於路程變得更長，而導致改善車程的成效不彰，例子有271X、287D、281E等路線。反過來，過海隧道「分時段收費」方案已於去年尾實施，成功減少紅隧及東隧的車流量，讓1字頭及6字頭巴士路線的車程更穩定。

與其開辦一些對乘客無吸引力的巴士路線，以「避開」交通擠塞，港府是否應該考慮擴展「分時段收費」方案至四條連接沙田區的隧道，以減少在繁忙時段的交通需求及改善擠塞情況呢？

例如老隧、獅隧及尖隧的非繁忙時段私家車收費可劃一為$8，城隧維持$5；而繁忙時段老隧、獅隧收$48，尖隧收$28，城隧收$25；同時於大埔公路近九龍水塘一段增設易通行收費系統，收費和尖隧睇齊。相信若尖隧的繁忙時段收費調整至低於老隧及獅隧的水平，將有效吸引私家車改行車容量較大的尖隧，減低老隧及獅隧的交通流量，那麼巴士公司就不需格硬開辦冇客的青沙路線。

1. 青沙係三線但沙田的進出口
係樽頸,咁做嘅粗俗嚟講係死快啲

2. 大埔道做埋易通行
落斜位方向,祗有單線
同樣將最後途徑都整瓜埋

3. 巴士公司開青沙線
(往往伴隨附加費,或286A
嗰種天才走線)乃TD政策要求

九龍入沙田得三條路， 是但一條撞車都影響埋其他， 好似琴日咁樣連條大老山都塞死， 間接影響觀塘繞道觀塘道， 唔去沙田嘅都要一齊塞

冇人肯用青沙都係問題

過海咁做有效，因為真係好多司機特登行紅隧。但又有幾多司機特登行獅隧唔行大隧呢?


或者換個角度，行大埔道唔洗錢，又有幾大幫助？

走線唔方便，如果唔係北角側魚涌太古一帶多左咁多商廈都唔會令東隧車流增長得咁快
青沙頂盡可以方便埋葵芳荔景山入沙田

tommy14D 發表於 2024-5-1 12:03
九龍入沙田得三條路， 是但一條撞車都影響埋其他， 好似琴日咁樣連條大老山都塞死， 間接影響觀塘繞道觀塘 ...

係囉琴晚發生咩事，係apm上車半個鐘先入到大隧口

我唔明點解迫私家車改用青沙仲要硬食加價，最痴線係諗得出大埔道要收費真係鬧都費事

Toz 發表於 2024-5-1 12:48
過海咁做有效，因為真係好多司機特登行紅隧。但又有幾多司機特登行獅隧唔行大隧呢?

繁忙時間獅隧大隧都會塞，行大隧無快到仲要畀貴咗，假設你你駕駛人士你會點揀？

利申：住大圍，近獅隧出入口

szeto993 發表於 2024-5-1 13:58
我唔明點解迫私家車改用青沙仲要硬食加價，最痴線係諗得出大埔道要收費真係鬧都費事 ...

如果連大埔道收費,即鼓勵市民棄車保鐵,迫爆東鐵