民主博奕﹕遊行等於對抗 特首返回土共思維

[ref=429068]chai[/ref]  在 2005-11-25 01:52 發表:



但這是特首選舉法例問題﹐基本法本身沒有在此設限﹐
根本每屆在立法會通過的『行政長官選舉條例草案』﹐
也可以改為容許特首為政黨人士。

問題在，現在沒有人意圖去解開這個結．
若有普選而特首必須無黨無派，
特首在立法會無票的情形依然會延續．

[ref=429078]Chairman[/ref]  在 2005-11-25 02:13 發表:



問題在，現在沒有人意圖去解開這個結．
若有普選而特首必須無黨無派，
特首在立法會無票的情形依然會延續．

泛民主派是反對現有報告書中﹐
仍列明特首必定為非政黨人士﹐
當然在眾多議題中﹐這個意見變得不顯眼。

[ref=429052]Chairman[/ref]  在 2005-11-25 01:38 發表:



那麼本人倒想知，對中產市民而言，
區議會選舉與立法會選舉的選擇取向有什麼分別？
為何景田選區李華明會落敗？
為何今年所有區議會補選，泛民主派全部落敗？
在2003年時，是泛民主派狂掃議席的選舉，
為 ...

問離問去都係呢個問題, 你悶唔悶d ?!
景田選區未景田選區囉, 咁又代表d乜野 ?
果度多中產, 就代表整個民主派不得民心 ? 太膚淺了 ....
一個參選者o既勝敗, 你真係認為只係睇佢o既政黨背景 ?
你都識講, 李議員作為代表九龍東的立法會議員, 香港另一邊o既景田區選民當然會質疑佢對該區o既辦事能力, 所以落選都唔代表民主派失民心

唔該你發問o既同時, 解釋一下點解有版友提出o既 4 個選區, 點解泛民o既得票率會大大超遠於左派 ?
如果閣下解釋唔到o既話, 你o既論點就唔成立

[ref=429077]Chairman[/ref]  在 2005-11-25 02:08 發表:
不過本人想知的是，有普選是否等如有民主？

沒有普選就肯定唔係真正民主

[ref=428980]Chairman[/ref]  在 2005-11-25 12:18 AM 發表:
那麼請你告訴我，以中產選民為主的景田選區，
為何民主黨的李華明會落敗，李先生作為代表九龍東的立法會議員，
曝光率高，又是民主黨的明星，為何他會輸？

若你有留意政團動向，民建聯本身己積極找接班人，
它在各立法會選區也致力找人材接班．
現在它更與工聯會作功能上的分工，
一個攻基層，一個攻中層人士，為下屆選舉舖路．
但係民主派的明星呢，除了新興的大狀黨外，
很多人已最少做了12年議員．為何？

雖則景田選區可算係中產選民為主，
（小弟唔清楚，唔敢肯定或否定）
但係有投票o既選民，
又係唔係中產選民為主？

中產階層往往有個特點：
只管努力賺錢。
背後原因大可不理，
但呢個的確係不容否定o既事實。

既然一心只去賺錢，
可能連投票時間都抽唔到，
或者係冇時間細閱各候選人政綱，
索性唔去投票，
因而令投有投票o既選民當中，
真正係中產階層o既選民所佔比例唔多，
偏重o左o係呢批中產階層o既高堂。
呢批中產階層o既高堂，
咪就係「姨媽姑姐、三姑六婆三叔公」囉！
再睇返小弟前面Ｄ文 (#41)，
係令泛民主派落敗其中一個原因。

另一方面，
正如小弟所言，
「親共」係以「返深圳食荔枝、『香港一日遊』」等地區事務做主打，
而且比泛民主派做得好，
對於「上有高堂，下有妻兒」o既中產選民o黎講，
點解要投俾泛民主派呢？
為求賺錢，
賺到同家人聚少離多，
有人可以幫到手「照顧」家庭喎，
就投佢一票啦！
所以就算有去投票o既中產階層，
亦有支持「親共」o既原因。

如果區議o係「政改」呢類大是大非o既大問題有影響力，
你估中產階層會唔會投票俾「親共」團體？


你講過香港唔係時候搞普選，
因為冇適合人才；
小弟又提及過，
「搞普選」與「適合人才」係「雞同雞蛋」o既問題：
「先有適合人才能搞得好普選」當然合理，
但係冇合適o既環境，
又如何培育得出適合普選o既政治人才？
「親共」團體所培育得出o既政治人才，
會係適合普選o既政治人才？
小弟點都唔信會係囉！
如果唔係，
「親共」團體點解唔支持「要有普選時間表」，
怕自己限時內培育唔出適合普選o既政治人才，
所以唔敢訂時間表？

你話泛民主派Ｄ議員「最少做了12年議員」，
12 年喎！
咁仲唔知乜o野叫政治？
「肥彭」年代o既直選都經歷過啦！
會唔知乜o野叫「普選」？
如果係真唔知的話呀，
小弟夠膽話呢班議員「正一垃圾」喇！
（或者係「土共」刻意扭曲「普選」一詞之意）

[ref=428980]Chairman[/ref]  在 2005-11-25 12:18 AM 發表:
若香港選民的質素是你所說的如此不堪，
本人更加反對香港加快普選的速度，
因為加快的話，可以預見的是，
選出來的會是比現有功能組別更不堪的議員．
若加快後的狀況比現在更差，本人看不出有加快的理由．

「若香港選民的質素是你所說的如此不堪，
本人更加反對香港加快普選的速度」呢句說話，
似乎係小弟講至o岩……
12 年政治經驗，
又嫌冇新丁做適合普選o既政治人才；
新丁又冇經驗，
即時俾佢做普選都搞唔掂，
咁樣循環法，
郁ＤＤ都叫「加快普選速度」啦！
因為咁搞法，
根本就原地踏步！

香港再多幾個你呢Ｄ人，
仲「特別行政區」？
叫「香港市」算啦～～#]

[ref=429038]Chairman[/ref]  在 2005-11-25 01:18 AM 發表:
中產區是泛民主派票倉這個神話將會不再．
今年景田選區補選，李華明的落敗也給了我們一些啟示．

個別選區失利，對民主黨當然有所啟示。可是，這足以代表「中產區是泛民主派票倉這個神話將會不再」嗎？有足夠證據證明乎？只是你的個人主觀願望？