原帖由 dippy 於 2012-1-5 02:10 發表 http://www.hkitalk.net/HKiTalk2/images/common/back.gif
前者你應該想講濱景-尖咀, 後者係一城-旺角吧
拆線後都仲係叫兩飛既
濱景往九龍方向車站同81C尖咀方向一樣, 88X比81C/87D更快
尖咀往沙田方向車站同81C耀安方向一樣, 88X都比81C/87D更快
一城往九龍方向282X車站同281A一樣, 282X略快於281A
旺角往一城方向87D/282X都要係畫舫落, 所以281A應該係主流
如果咁睇, 282X仲新增左佐敦-一城同濱景既特快服務
88X都新增左一城同濱景特快往尖咀既服務
我就係講緊旺角至佐敦一段要相反方向等你條282X，
窩打老道至佐敦道之間更加係同你條88X方向相反。
相反方向等車，感覺實在極差。我寧願開疏少少，唔做循環線，
都唔要咁搞。正正經北行等車返沙田，雙邊總站維持適當班次係最好。
87X對比88X, 兩線新界站點相同
但九龍站一帶往尖咀有機會塞車, 公主道落漆咸道會比較暢順
獅隧塞車, 但早繁有巴士專線
88X還提供油麻地回程特快
另請問你方案既用車同班次安排如何?
公主道一樣受紅隧塞車影響。
你係咪講緊我87D沙田段分拆的方案（即係你#1 quote果個）？
用車大致平分，但係87D同87X的行車時間都可以較現時87D縮短
至少十分鐘，預計一轉連休息可以控制在160分鐘以下。
我會建議上繁沙田方向、下繁及夜晚尖咀方向大幅減班至20甚至30分鐘一班，
多D車私牌，做密返另一個方向的班次。
以87X為例，一單連私返對站同休息可以120分鐘搞掂，
如果需求較低的方向開30分鐘一班，而固定用返同樣果幾架車做晒兩個方向的話，
只需要5至6架車；剩返果11至13架車，繁忙時間就可以專做
多人的方向然後私返出去，一小時平均可以開到六班呢類班次，
除返開，繁忙時間多人的方向可以做到7-8分鐘一班，
同埋而家87D早繁拆線後的班次相若。
非繁忙時間，87D同87X各自用12架車，唔加車，可以各自做到約12-13分一班，
當然比起而家係疏左。因此如果接受唔到疏左車，寧願開6-8分一班而坐多10分鐘的話，
咁就唔好拆線喇。
另外，因為青沙版87D行馬鞍山路，對耀安同新港城有吸引力，預料需求可能
比起同時段的87X多，因此可以下繁按需求調動班次，由87X抽一至兩架車俾87D。 |
|
|
fb.com/scientisthk2usa/
|
|
|
|
|
|
由上一篇被鎖的文開始，已經唔止我一個提出咁長既線，要兩個鐘一轉，絕對唔適合做循環
（留意，做到同適唔適合係兩件事）
循環線中途無人、無地方可以控制到班次，到時如果班客等半粒鐘黎四架車的話，真係多得你唔少。
而家只係得你一個defend緊循環線係好事。
信我，與其做循環線，倒不如雙邊總站，但係繁忙時間多D車私對站好過。
非繁忙時間，２８２Ｘ維持６－８分鐘；８８Ｘ維持１２分一班，佐敦，油麻地，尖沙咀都特快左
旺角要快都仲有得撰，而且班次已經贏哂
你係講282X彌敦道單向南行個version？唔好意思，
如果我由信和出發就話，行去窩打老道都唔係太遠（但係本來附近就有得搭，
專登行去搭你條88X的誘因係細左），但係如果係彌敦道的另一邊
（例如朗豪坊果頭）的話，咁唔好意思，無論行去窩打老道，定係兜完佐敦先上返公路，
都係無得諗。就算你話兜完佐敦時間都差唔多都好，俾乘客感覺就係兜。
老實講，如果係九龍段拆線，旺角線去到佐敦，雙邊總站，用返20架車的話，
非繁忙時間都可以做到10分鐘左右一班，唔見得差過6-8好多。
定線點都應該用返少少common sense，有d野明顯制唔過，大多數人都有共識。
如果要搞咁多野，無果樣整果樣，真係唔搞、維持87D現狀好過。
信和出面一段彌敦道而家係87D客倉，無論點改線都好，
起碼有個原則要持守，就係條線既優點、強項，唔好搞。
公主道係排紅隧果邊受塞車影響
如果早繁塞車可以早繁改經火車站平台落漆咸道，咁樣會無咁塞．
受影響只係要理工個站搬去暢運道果邊
你想點經火車站平台？一樣要行公主道、康莊道喎。
如果真係有心想整條（全日）尖咀特快的話，咁其實應該行青沙，
去到佐敦出，經廣東道落尖沙咀，當然最好就係雙邊總站。
回程就行返彌敦道，油麻地後上青沙。咁行整體塞車風險最低。
RDP建議81P改為主打尖咀特快，行青沙，唔係無原因的。
[ 本帖最後由 S3BL100 於 2012-1-5 14:02 編輯 ] |
|
|
fb.com/scientisthk2usa/
|
|
|
|
|
|
其實拆九龍段既主因係更加之宏觀既睇法
小弟既諗法係
87D分拆87D、87X
87D原線縮到彌敦道同唔經富安、第一城
87X就好似閣下咁
同一時間再拆81C做81C同281B
81C做錦泰、富安、第一城出太子、旺角、油麻地、佐敦
281B做返原本81C客量佔多既大涌橋路同大圍既客源
但車既問題就冇諗過
所以一切都可能只係天馬行空既想法
[ 本帖最後由 Snoopy@FB8617 於 2012-1-5 23:38 編輯 ] |
|
|
某巴士公司疑似謊稱區議會重組方案經區議會通過
|
|
|
|
|
|
咁你諗住281B由邊度開去邊度？錦泰出尖沙咀應該搭咩車？
如果281B沙田段都縮短埋的話，就要減價，返大圍、新翠會平大約$1，
九巴無誘因咁做。再者81C拆線的條件應該無87D咁足夠。
反而如果真係想郁埋81C的話，可以同RDP入面條287X一併考慮。 |
|
|
fb.com/scientisthk2usa/
|
|
|
|
|
|
281B由濱景一帶開
錦泰一帶用一換一形式
而旺角既服務換冇尖沙咀
減價既問題都係果句
唔應該只係睇票價而judge成個建議對老九有冇利益
287X應該就收左山
個人比較難去再出台
之前篇文咁長咁長既討論
唔知有冇咩可行既solution呢? |
|
|
某巴士公司疑似謊稱區議會重組方案經區議會通過
|
|
|
|
|
|
81C而家都勉強叫做做到旺角，用旺角換尖咀，我估好難接受。
至於287X呢，如果將87A/87B兩條雙雙變做循環線，一條青沙出獅隧人，另一條調轉，
即係87A咁行，
而87B咁行，
咁既話可以慳到五架車，連埋斬左條81M，夠車開287X。
呢兩條循環線可以考慮分別於奧運站、維港灣設定時點。 |
|
|
fb.com/scientisthk2usa/
|
|
|
|
|
|
原帖由 dippy 於 2012-1-6 00:38 發表 http://www.hkitalk.net/HKiTalk2/images/common/back.gif
好多時都貪快, 就算係信和去沙田醫院果邊, 都會行去坐81C而唔係彌敦道塞車
穿過廣華行到巴士站都係個零字, 真係唔覺得耐囉
部87D係太子轉黎轉去仲哂時間
而朗豪坊D咁極端既位, 梗係坐287X/288X轉車快好多啦, 兩三個站就上到青沙
仲快過坐依家既87D, 但唔介意慢慢遊又可以繼續兜佐敦, 各適其式
87D既強項係乜你有認真諗過?
87D最緊要係密車, 仲要密到車海級
但你條新線番左一倍有多, 真係唔見得你維持到個強項
87D最明顯制唔過係主線(旺角段)跌穿10分鐘既密車線標準, 呢個係改車海線既common sense
我係講緊一條線定線上面的優點、強項，唔好郁。
你可以留意到對面岸新城拆線，拆完之後減班係無所避免（例如4X、5X、18P、82X等等），
但係如果拆完之後行車時間的縮減能夠抵銷返等車時間的增加的話，
普遍唔會有人接受唔到，咪當係分流下乘客囉。
起碼對面岸唔會整D行車方向掉轉、仲要人相反方向等車既野，減低定線的吸引力。
至少82X唔會為左食鰂魚涌特快返小西灣的客，而要英皇道西行逆走，
跟606/682北角上東廊返小西灣啦，係咪？
呢D先至係common sense
老實講，282X彌敦道單向南行，我好懷疑返馬鞍山個方向會唔會夠客。
因為旺角要兜佐敦先返沙田，吸引力已經大減，
能夠行得去搭88X的客都會走去搭88X，嫌行太遠的可能改用其他交通工具。
油麻地至佐敦之間亦唔可以用你條88X叫雙飛，
班客習慣左北行等車，自然唔會搭282X而走左去搭88X。
剩返加士居道以南至佐敦道一段，搭282X真係快好多，
但係呢幾個站班客夠唔夠養得起6-8分一班的282X返馬鞍山呢？
我肯定就算係繁忙時間都唔得。
至於一條來回加埋44公里長的循環線會有咩問題，我唔想再講。
而你話旺角想快的乘客可以搭你的青沙新線去轉車站轉車，
sorry，呢段路根本係87D的客倉，好多好多客，
根本唔駛轉車都可以支持到一條線。
你要佢地一係搭倒頭車，一係就轉車，簡直係大大增加佢地的不便。
再者，even你話佢地轉車快好多都好，第一而家成件事係hinge on
你果兩條青沙特快新線287X/288X開唔開得成，如果開唔成咁點先？
87D的問題唔係應該自己自行解決？
第二，咁即係同呢兩條線，同埋轉車站，徒添不必要的壓力，
如果轉車站上唔到車的話咁點？
旺角一段彌敦道係87D的客倉，無論點改都好，
唔該維持返果段彌敦道做雙向，唔好做循環線，呢個係一般乘客接受到的底線。 |
|
|
fb.com/scientisthk2usa/
|
|
|
|
|
|
|
Advertisement
Advertisement
Advertisement
Advertisement
Advertisement
|
樓主