紅磡站鋼筋接駁疑造假 結構承重力驟減 月台層隨時倒塌

HV9990 發表於 2018-6-1 02:44
去到呢個地步我唔覺得龜鐵會叫個承建商重做嗰一part，最多可能都係加啲支撐頂住個樓板
重做又隨時唔知追加 ...

真心咁講我真係寧願拆咗佢再做過
唔等都等咗咁多年，工程有遲冇早完嘅唔差在等多一年半載

再者家陣你畀一百億都好係冇可能換嚟一百億嘅貨畀你
有留意近一兩年馬路上面掘完路之後佢點補嘅就知質素有幾差
以前用瀝青嘅倒瀝青再搵部成個貨櫃車咁大部嘅鋪路機壓靚佢，即使只係掘咗一部升降機咁大忽都照做，用石屎嘅倒石屎
家陣就係唔係都倒瀝青算，然後搵部發電機仔咁大部嘅嘢壓咗佢算，塊地又硬又唔平，啲石仔又露曬出嚟，成日都要路政之後畀多個合約去重鋪嗰忽，近半年路政都唔再出呢類補鑊工程，垃圾地就由得佢垃圾

MTR呢鑊真係好大鑊
我就唔太識Civil嘢，但據了解其實個結構同屋企見到嘅書櫃好類似
你兩邊做得唔好，受嘅力唔夠大，駁口會變，之後霖
同時你塊板又要夠力，正如你DIY書櫃塊板嘅時候你唔會用幾張A4紙平放再剪剪貼貼就當板用
咁多駁口有問題，成塊板嘅受力就一定弱，塊板大大話話要受接近500噸
偷工減料咁多絕對會影響生命安全
而且個站講緊係要用千秋萬世，唔係用半年，啲嘢一定要跟得足
今鑊你唔炒呀馬屎坑同埋將偷工減料嗰間公司打落十八層地獄永不超生、再重做嗰Part，出面唔會收貨

KMBAVC19 發表於 2018-6-1 14:44
今鑊你唔炒呀馬屎坑同埋將偷工減料嗰間公司打落十八層地獄永不超生、再重做嗰Part，出面唔會收貨

理想同現實係有距離

你要普羅大眾知道之餘，又有好似諸君咁嘅時間心力去同政府砌先得架

難聽啲講，你哋最多做到嘅係，自己知就唔鬼好用，同埋叫人唔好用

一係就嚟真，推翻政府自己做

無第三條路架啦

JCMAN 發表於 2018-5-31 17:23
覺得毒果推翻香港政府, 太期望香港獨立國.

如果中央政府做得唔好，有人尋求獨立甚至推翻中央都係情有可原

天下土地，惟有德者居之！

053h4 發表於 2018-6-1 22:56
其實問題係專業沉淪，工程地產規劃，醫生律師口講民主實際就食到盡

地產工程唔洗講

唔好顧左右而言他（你頭兩段同最後一段已經喺度攻擊第二啲嘢，但之前好似先有新聞話建制派滲透律師界）

我只係想知，如果我頭先講嘅唔係可行解決方案，請建議一個出嚟。

你係咪想話，重新分開兩間鐵就係你嘅答案？

如果係，收費問題又點解決？
須知以而家個價，再分公司，一定係各自收返一份車錢，
我呢啲梗係唔鬼理，但民怨一向已經好深嘅新界東人會點對付你？我真係唔敢估。

何況本身港鐵、九鐵都係政府嘢。（港鐵係上市，但政府仍為最大股東）
而家政府要亂嚟，你有幾多間行政分離嘅公司都無用。

DIH 發表於 2018-5-30 15:21
我記憶有限，西港島線、觀塘線延線、南港島線有冇呢類新聞？
冇未必代表冇事，但親疏有別就好明顯。

始終現在MTR租用九鐵資產，只是租客，不能否定2057年交還給九鐵的可能。
之前2012年政府想改組運輸及房屋局成為運輸及工務局時，立法會議員質問政府既然合併了，為何九鐵仍然要歸新的運輸及工務局管理。

當然，在現實上，合併了極大機會不能回頭。