討論政府應否鼓勵鐵記競投巴士路線

接駁地鐵呢類型路線，本來就唔應該交畀持有眾多長途線營運權嘅專營巴士公司搞。

就算港鐵唔搞，都應該交畀非專，或者好似嶼巴呢類專注服務一個區域嘅公司搞。


然後好似東涌綫/嶼巴咁，有一兩炆轉乘回饋優惠，吸引市民以鐵路出行為主。

其實條綫由邊間公司做關班鹹魚鬼事咩
祇要班次價錢服務合理 有車坐佢哋理得你咁多吖

根本除咗冇轉乘之外 唔見得現時 K/M 綫服務唔合理
返正題 鐵記班次穩定 ?????? 試下等一轉 506 睇下


同埋依家地鐵都做緊「新界出市區」服務

仲叫佢做埋呢類巴士綫 ?? :L

要鐵巴搞全費 BBI轉鐵嘅接駁巴士，等同佢每個轉乘客只會賺到$0，但又要蝕人工油錢。實在冧唔到點解港鐵有誘因做。

Tummy 發表於 2019-1-14 23:31
其實條綫由邊間公司做關班鹹魚鬼事咩
祇要班次價錢服務合理 有車坐佢哋理得你咁多吖

而家短途K／M線由九巴經營，其實根本就存在利益衝突。因為九巴同時經營長途跨區路線，九巴為咗令乘客搭長途路線直出市區，就將短途路線收天價（例如36M）或者將佢哋陰乾（例如13M），但係相應長途路線就兜到無論（例如36B），甚至唔開短途路線（例如安泰往坪石）焗人長線短用。

如果短途車由港鐵經營，長途車由九巴經營，兩者就可以利用自身優勢，構成競爭。假設36M由港鐵，甚至城巴經營，咁喺港鐵競爭嘅情況下，就可以逼使九巴改善36A、36B同936嘅服務，最終有利只會係乘客。

鐵巴表示冇興趣搞巴士，而家只係政府被逼才整十幾條出來，政府唔叫都唔加新車

如果有得揀，我估鐵巴想甩巴士部添，你見大埔區就知，新界西北係焗做啫。巴士加鐵路英國好多公司都有做！香港巴士業最大缺點係有專綫小巴搶食，你係外面邊有咁呀！缺點係咩，班次疏又要加價囉！鐵巴再做埋外面巴士服務，只會令自己戰耙和失去賺錢能力！

miklcct 發表於 2019-1-15 09:46
而家短途K／M線由九巴經營，其實根本就存在利益衝突。因為九巴同時經營長途跨區路線，九巴為咗令乘客搭長 ...

四蚊都叫貴 excuse me ???

同埋就算依家 K/M 綫由九記做 都會有人坐車落地鐵站轉地鐵啦
即係根本轉唔轉公司 都做到競爭啦

支持巴士服務公營化，可以將所有港鐵接駁路線交俾鐵巴經營，並引入轉乘優惠加強競爭力。另外新鐵路落成之前，可以由鐵巴沿走線開辦先導巴士線，培養乘客。