東區區議員要求檢討專營巴士營運模式及監管制度

https://www.districtcouncils.gov ... ttc_2021_008_tc.pdf

終於有比較高質素的討論，探討專營巴士申請加價的程序問題。

議員要求增加東隧及紅隧BBI涉及巴士公司的利益，兩大集團怎會願意呢？
議員要求增加巴士專線就一定惹來小巴、的士反對，也很難做到。

053h4 發表於 2021-4-4 13:41
唯一出路其實係新城交牌。呢到早有一針見血的評論。

https://www.facebook.com/CJaniceYY/posts/1083813318754379

南區也有議員說新公司接手後服務差了。
Bravo一連串節流行動已經令港島四個區議會也有議員說不滿意cut服務，很有中巴80、90年代時的感覺，真的看大家的願望會否成真。

其實都係睇政府有幾重視巴士
而家淨係揸住龜殼，巴士唔關佢事，梗係懶得理

之前曾經提議過地區專營權改由區議會批出，每四年重新檢視一次
不過喺北京治港嘅新常態，睇怕區議會一係由班離地人揸fit，一係就繼續無實權啦
唔好話外國，聽到唔少韓國人都對香港個心淡哂

Ricky403 發表於 2021-4-4 15:27
其實都係睇政府有幾重視巴士
而家淨係揸住龜殼，巴士唔關佢事，梗係懶得理

區議會本身已經民粹至上，有埋審批權仲得掂？
區議會審批路線有樣好處係比較貼近民情，但大前提係巴士由官辦/政府資助

jocosben 發表於 2021-4-4 15:31
區議會本身已經民粹至上，有埋審批權仲得掂？
區議會審批路線有樣好處係比較貼近民情，但大前提係巴士由 ...

黨派利益實例：大狀黨把持沙田第一城至馬鞍西沿途選區議席，令286M未能與89C重組。

我有個朋友住屯門VIP區(費時大家唔知，VIP區講緊市中心、友愛邨同安定邨一帶)，佢話而家運輸署想用62X全日服務，嚟令259D全日飛走VIP區嘅做法係「連橫」，破壞咗一直以來，259D非繁時繞經該區時的「合縱」格局。

而家就係咁，畀住我係運輸署，我不知幾想拆開89C，破佢哋大狀黨集團嘅「合縱」格局，順便理順77區嘅巴士服務。本人現階段鐵定反對將地區專營權改以區議會選區。

另外就要講下呢成個討論區最神祕嘅人物啦：某位於2005年註冊的會員，他/她多番攻訐城巴新巴的「惡劣服務」，形容九巴「有HEART」，應該接手港島巴士服務。本人暫且相信該人士真是港島居民，苦於港島區巴士路線車費過於便宜，令公司虧損；但是本人極度不滿該人士對九巴服務的過分樂觀，包括對5A線延長至啟晴邨一事之實質之誤讀。該人士見另一用戶指出「港島北岸流水嘅大佬係佢，巴士只係二奶」後，即如獲至寶般疾呼：「交牌執笠」四字，令同樣長居港島，而真心為各巴士公司前景憂慮的本人感到異常傷心。

現階段作為一介草民，唯一能做的，就是期望全港各巴士公司統一加價後，能在紅日過後重新振作，改善服務。

另外，最近睇返大典「城巴5A線」條目，(今次講緊另一條5A線，唔好撈亂啊)話原來由中巴喺1986年嗰陣開始，都想將5A線取消，但係運輸署就話要將1號線延至堅尼地城嘅話，就要加價。去到2004年，新創建初期資源整合，先至將5A併入1號線，初期兩個編號並用，過咗冇耐就用晒1號線。2015年，港島綫延至堅尼地城後，1號線更延至摩星嶺，而全程車費維持$3.4不變。嗰條路線係半山區路線，相信你睇返路線表令你都知；但係佢而家西達摩星嶺，東面上到蟠龍道，全程收費都係今朝先至加到變$4(據車費等級表本應可收$7.6)，我都真係戥匯達交通覺得慘，接咗個燙手山芋上嚟……

Justshamxx 發表於 2021-4-4 18:10
黨派利益實例：大狀黨把持沙田第一城至馬鞍西沿途選區議席，令286M未能與89C重組。

我有個朋友住屯門VIP ...

286M 未能同 89C 重組原因點會咁簡單
擺明最大問題係交咗條 286M 都換唔到 89C 飛第一城同加密，咁咪反對囉，起碼反對咗都仲有快車上大老山

區議會從來都係冇牙老虎，不過呢個議題係用來帶起街坊共鳴而已，最終係會逼到持份者做番好少少，係『好少少』咋。

wingho_cwh 發表於 2021-4-4 18:26
286M 未能同 89C 重組原因點會咁簡單
擺明最大問題係交咗條 286M 都換唔到 89C 飛第一城同加密，咁咪反對 ...

同佢哋講：89C一定飛到第一城，並且會增加班次。第一城/石門來往觀塘就由全新路線取代。放心接受286M/89C重組。

有咩唔妥嘅，睇晒我啲補償方案先，唔該。

類似(甚至可以話幾乎一樣)嘅建議，本人已在此區多番提及，如果仲有不足嘅話，歡迎重訪本人舊文鞭屍。