《香港鐵路標準》本周出爐 引入國標打破英制壟斷

s3n370 發表於 2026-2-24 00:01
全世界以至上到宇宙，唔跟標準幾時都要認真看待。

而後續處理甚至懲處，都係標準嘅一部分。

原來你自己都知道

係law，你比較過兩份標準未？你既觀點同新舊標準既分別有乜關係？
港鐵究竟係做到舊標準做唔到新標準？新舊兩個標準都做唔到？邊方面有差距？
按政府既講法，新標準加快審批，唔通因為審批加快易冧左？

一話政府只要出黎話呢個係新英國標準就無事？咁掉返轉就係英國出黎嘈啦，英國新鐵路點起法關香港乜事，裏面仲要幾百樣野都睇中國國標

雖然都預左有Ｄ人會抽水
問題抽水既水平都有高低
一話抽水抽到咁，代表其實係無水可抽？某Ｄ人係想暗示呢樣野？

新標準有樣野
3.2.2 乘客體驗
(3) 車站自動步道的設置應符合下列規定：
  (a) 當乘客通道走行長度超過 200m 時 應設置自動步道

宜家有邊個適用呢個標準既站係完全合乎標準？香港站同尖東站應該無問題？
而鰂魚涌就肯定係唔合格，不過都係最近起好既宋皇臺站B 出口比較抵鬧(又或者技術上佢其實係兩段不超過200米既通道？）

雖然只係之後新起先適用，同埋又無話必須要有，但港鐵之後要耍走區佬都唔可以咁大聲，始終都寫左係度

原本的標準其實先係最好。引入國標，都係為左洪水橋去深圳個條
鐵路為本，只是可以使用，並非一定要使用。這樣做是用來遷就
某家營運公司者。

諗起林峯
算啦，陸續有嚟

張欣宇昨日在接受香港文匯報訪問時，以鐵路車站為例說：「車站『對客』的區域都保持香港的原汁原味，但後勤區域若可以採用國家標準設計，當中很多設備和結構組件可直接買現成的，就不需要在現場做，或單開一條生產線。」

link：https://www.wenweipo.com/a/20260 ... b04d7d56d4d52c.html

      㖊日張生講得啱，正正點咗之前R1中各位師兄以及本人提到嘅情況，若按國標，可以買現成，但非國標產品要另外開生產綫，甚至要高價買入。

      現時內地鐵路產品基本上標準化，對於特殊標準訂單，中車系公司無特定情況，基本加錢都唔一定接，最後只能搵海外廠家，如果廠家喺國內有廠就好，例如北京22號綫部車就係京車+上海阿爾斯通+二七廠合作砌車，而上海阿爾斯通屬於國內為數不多嘅海外獨資管理嘅鐵路廠家。

      但國內冇廠嘅公司，如Mitsubishi鐵道產業只在日本，噉100%一定會「獅子大開口」，擘大個價來賣，成本自然只高不低

啊樓主，呢度咪有講咯

https://www.hkitalk.net/HKiTalk2/forum.php?mod=viewthread&tid=2269019&extra=page%3D1&mobile=2

你成9個鐘後開個新帖講同一樣嘢做咩呢？

admin91按：兩篇貼文於2026-02-24 14:40合併

本人已把兩篇相似貼文合併，請集中於此貼文討論。

admin91
R1分板板主

Danny.lin 發表於 2026-2-24 10:56
㖊日張生講得啱，正正點咗之前R1中各位師兄以及本人提到嘅情況，若按國標，可以買現成，但非 ...

今日睇到新聞話中國政府商務部將20家日本實體列入出口管制管控名單（都係跟日本發展軍事有關嘅實體）有好幾間都係三菱......唔知是否會影響到香港鐵路相關嘅部件供應。

如果係嘅話，呢個《香港鐵路標準》似乎就用得著，俾港鐵轉到台用國產同類部件替代。

此外，也有些“世紀難題鐵路工程”，可以在《香港鐵路標準》框架下進行多方協調，進而達成共識並重新上馬——比如北港島線。

hellomato 發表於 2026-2-24 17:01
今日睇到新聞話中國政府商務部將20家日本實體列入出口管制管控名單（都係跟日本發展軍事有關嘅實體）有好 ...

就算用左國標，條隧道經過5號用地下面
係唔會改變到對政權唔安全呢個事實

點解連用字都唔轉返做香港用字，例如「衛生間」唔改返做「洗手間」？採用國標係一回事，但字詞上係唔係應該本地化返呢？