曾蔭權指港人買樓心態奇特

原帖由 Crotone 於 2010-5-17 23:23 發表
唔係WOH，上次某情侶(一係律師,一係醫生)買唔起中區樓打上電台。
曾生叫他們買天水圍樓先都俾人插WOH。

明明買到樓就算啦，雖然遠D。點解您地仲要買中區樓。 ...

上次打電話上電台果位小姐，聽她的談吐口吻中，我極度懷疑佢究竟係咪醫生，
先唔好理她想買咩中環豪宅，如果一個醫生一個律師都買唔起一層二三百萬
的樓，只可以說佢地無鬼用。仲有，從來無人話過做醫生做律師就一定住到
中環，一定要住豪宅，似乎是有些人把自己的身份看得太高了。
仲有係中環返工就一定要住中環？如果個個咁諗太平山就無人住啦......

原帖由 PB602 於 2010-5-18 23:15 發表

而家做H Plan唔駛1厘, 做P Plan都只係2厘至2.2厘.

我幫你計埋... 二百萬樓, 九成按, 借埋保險費, 分20年或25年還, 而家H Plan係1厘息, 月供七千幾至八千幾. 你話上一代供樓易? 30年前你阿爸阿媽如果要買樓, 要俾20 ...

各下也許不知, 當年即使不思進取, 正常每年都會加薪十幾巴仙.
即使初頭供得辛苦, 薪金的增幅好快追到.

原帖由 053h4 於 2010-5-18 23:33 發表


以前係就係不思進取都可能有人工加
但以前低下層重難捱, 所以根本無得好講

而香港, 政府工係最幸褔, 政府都有跳POINT, 坦白講, 真係要年年有人工加, 入政府工就最好
唔怕血又讀理科, 護士配藥院需求極大
同藥有關 ...

兩個時代的低下階層都有公屋呢個安全網, 無疑而家的公屋比以前等得無咁耐.

另外, 政府工係有如斯待遇, 但係有幾多巴仙係打政府工?

原帖由 s3n370 於 2010-5-18 23:29 發表
各下也許不知, 當年即使不思進取, 正常每年都會加薪十幾巴仙.
即使初頭供得辛苦, 薪金的增幅好快追到.

廿厘息, 淨係息都已經等於你總收入, 仲未計本, 任你人工點加都供唔起啦!

你或者可以問下你阿爸阿媽, 佢地個一代, 有幾多人一畢業幾年可以買到樓.

原帖由 053h4 於 2010-5-18 23:54 發表
房屋福利本身我係支持要檢討, 但係, 而家講買樓問題的話, 政府係應該為特定入息居民以能者多付的原則提供居屋
但上面講d例子, 又專業人仕, 又要地理好市區, 我覺得對呢d要求, 居屋就唔幫得幾多

時下有一定數目年青人, 買樓仲指定要有Clubhouse, 居屋就真係幫唔到佢地.

所以, 點解個個新盤都係假豪宅? 寧願實用率超低都要有個豪裝Clubhouse? 因為買家真係鐘意.

帶班朋友番屋企坐, 無個靚Clubhouse, 等於出街番工無得拎住個「勝利二型」(當然唔係指巴士), 點見人?

[ 本帖最後由 PB602 於 2010-5-19 00:05 編輯 ]

講返轉頭，我發覺部份香港人有樣買樓心態都好奇特，就係好堅持要買港島樓，
寧願在港島買間三百萬四百呎，都唔願意係九龍新界買間二百五十萬六百呎的單位，
港島樓受歡迎的原因多數是供應地少抗跌力低，名校網多，中產階級集中地，
近中環等金融商業中心，和「島民」質素較高(小弟發覺有唔少港島人唔太睇得起九龍新界)，
所以港島樓一向受有仔女的家庭和白領階級居住。

不過小弟又講個經驗比大家聽小弟住了九龍21年(主要住過黃大仙區)，上年先搬去灣仔區住，
發覺所謂較高級港島真係無想像中咁好住，食野貴電費貴買野貴，要過海除坐船坐MTR外經常
塞車塞到傻。如果唔係之前睇中港島的名校網(本人曾經打算與新加坡的女友結婚，她來港生活，不過佢唔肯 )，
小弟而家有得再選擇的話就絕對不會再考慮港島樓，住西九龍好過。而家小弟住的銅纙灣，塞車塞到暈(有遊行就更慘)，
因為該區月租泊車太貴交通又方便，連小弟買車的計劃都取消埋，有車有樓的夢想因此暫時破滅，
所以住市區樓，甚至住港島，唔係想像中咁美好，有時住遠少少，生活可能會更開心更美好。

原帖由 PB602 於 2010-5-19 00:02 發表

帶班朋友番屋企坐, 無個靚Clubhouse, 等於出街番工無得拎住個「勝利二型」(當然唔係指巴士), 點見人?

怪就怪中國人愛面子(由中國人喜歡分階級造成),因而弄到如斯田地。

而家越來越多名校轉直資，唔跟分區派位，全港都可以考入去，「名校網支持樓價」效應只會越來越低。單係中西區，聖保羅男校已經唔再跟地區派位，連平民名校英華女校都話計劃轉直資，可見名校網日漸褪色。

話分轉頭，好多名校都有宗教背景，宗教叫大家愛人如己，漠視世俗名利... OK，但講一套做一套，如果你少番D背景同後台，我又信你會容易入到DBS / DGS / 聖保羅男女...