樓主頂樓個架車好似放係以下呢個館，岩岩自己上個週末見完你個 post 即刻勾起條癮
襯返港前特登貢上 birmingham 市郊 wythall 搵佢 http://www.bammot.org.uk/
The transport museum Wythall
可惜架車去完你個 event 應該重未返黎，一心諗著山長水遠黎親眼摸下望下初代 Ailsa 實物嘛
不過星期六係呢間館既整車期，儘管自己摸到路 (巴士太疏，唯有真係聽佢官網建議係火車站行足 25分鐘，重落雨) 到門口已經好夜
但閂門前兩三個鐘入去都夠晒時間，佢地大門口隔離就係車房，星期六一路有人整緊車 (當然車房就只可以企門口睇)
最初好似玩找不同咁，開頭以為自己眼花，點解入一入室內展館，再出翻黎大門口
車房門口個幾架巴士會唔同左型號/少左架，重諗緊係咪旅途太辛苦自己有幻覺
連續被騙兩鋪之後終於聽到偈聲，即刻跑去睇，原來係真係有車出出入入測試機件同埋輪流駛入個別車坑，唔係自己眼花
雖然睇唔到自己一心睇既 Ailsa，而且呢間好多車都唔俾上車玩，但該館其他車唔係唔值得影/睇/玩既 (再者入場費絕對唔貴)
而且呢間個 shop 賣既野都幾多元化 (只係咁岩自己對佢既精品同模型無太大興趣)
只不過因為自己兩星期前去過下面呢個館，夾硬"比較"就好似連續去過兩間主題一樣既博物館咁 http://www.gmts.co.uk/
Manchester Transport Museum (哎，剛好去到先知幾日後有活動搞；無理由離開左個城市後又上多次去吧)
有心睇舊車既話呢兩間館係必去，就算唔係特登去如果就岩時間大家係該城市都不妨去下 (反證入場費咁平)
前者係隔攝左些少，但憑著最平個種電話上網 plan 睇地圖加埋男人天性既認路觸覺，
應該大家都可以摸到路去 (自己都係第一次去)
個人覺得凡係英國火車 "慢線/舊線/流水線"，或者 "X乜乜" 個種慢版誇郡線沿路都特別多野睇
今年如果唔趕時間的話自己已改搭 South West Train 返 Exeter，沿路多野睇得多，之前搭 First GW 沿著上路飛到 130mph 咁得個快字，搖搖下唔多舒服
其中 Yeovil Junction 個站隔離有間細細地既火車博物館，館外擺晒 d 古老火車出黎
類似既野係東邊搭 First EC 既 X1 都有 (座底途經一間舊火車場一間巴士廠)
無記錯自己係 Birmingham 附近見過個火車場，有現役維修緊既車，隔離重有 d 噴緊煙試緊車既蒸氣火車頭
完全搵得翻細個搭校巴每日兜晒成個小西灣柴灣東，見盡中巴車廠同幾間車場先返屋企既感覺
而英國好似的確特別多呢種小型舊車場 / 棄置車卡或者火車/巴士廠係鐵路同 X乜乜 巴士既沿線
搭貴價火車一野就飛左去，搭舊線慢車就可以慢慢睇
搭 South West Train 重有一樣野過癮就係睇佢堆車係幾個大站度解體/合體
有次早繁係倫敦個車站坐左陣，感覺到好似每分鐘都有 announcement，原來係不斷開廣播提醒大家
每個月台列車頭幾卡、中間幾卡、尾幾卡分別會去邊 d 站，係邊度解體，邊個站邊卡唔開門之類，真係大開眼界
之前跌左相機條線，早幾個月貼得幾幅相後，
次次講親車自己都係得個講字，終於而家返到香港可以拎翻堆相出黎
最可惜係睇個 bus event calender 7-8 月既活動特別多，特別精彩，但自己無緣參加
呢種年曆通常各大英國巴網都有，但未必個個包括晒全部活動同埋夠 update，有時間既話盡量去佢 d link 禁晒入去集百家之大成就最好
)
