港鐵未來路線圖？

kei_hk 發表於 2017-1-25 09:15
東坪洲，塔門，東龍島......一堆東邊的島，你又點睇？

• 東平洲、塔門呢兩個島的確如你所講唔太可能有鐵路接駁（in fact 任何渡輪以外嘅交通工具都唔太可能）。不過，人口並唔係最主要嘅考量（雖然都係其中一個參考指標），因爲政府喺偏遠地區填海造地發展新市鎮早有前科。反而，我覺得首要嘅原因係呢兩度皆爲受保護地區，有任何大型工程發展都會遇到相當大嘅阻力。
• 東龍島嘅情況同以上嘅島嶼唔同，據我所知並唔係受保護地區。由於呢度鄰近將會發展嘅將軍澳137區（即佛塘澳一帶之填海區），未來需要覓地建屋嘅時候，唔排除會喺介乎東龍島同137區嘅大廟灣填海造地，作爲137區社區嘅自然延伸。呢度位處維港以外，唔受《保護海港條例》規管，只有地塘咀至佛塘角嘅一段海岸劃爲海岸保護區（CPA）（但亦難防改劃土地用途或竹篙灣式填海發生）。若然全面填海，面積將會大於寶琳同坑口嘅總和，具有相當大嘅發展潛力，屆時爲應付交通需求而興建鐵路，亦唔見得違反成本效益。
• 你提到長洲勉強有可能，但係南丫島就好明顯唔夠人口支持，如果興建鐵路只需考慮人口（尤其現今嘅人口），我並唔反對你嘅講法。不過我覺得除此之外仲需要考慮其他因素，例如當地嘅地理環境同位置等等。長洲位處大嶼山芝麻灣半島東南面海域，現有鐵路距離長洲最接近嘅地方係大蠔灣，直線距離約 11.5 公里，其次則爲堅尼地城及海怡半島，各約 12.8 公里。如果考慮埋政府提議嘅中部海域鐵路，則縮減爲與梅窩之間嘅 7.3 公里。先講往大嶼山方向，喺長洲同梅窩之間，除咗貝澳同十塱之外基本上並無人居住，再加上南大嶼山發展計劃遇到強烈反對，呢兩度似乎唔會再有人口增長，亦即係話呢段長度至少等同荃灣西至錦上路嘅鐵路縱然穿山過海，都只能夠服務長洲四萬人口以及前來郊遊嘅市民，似乎就唔係太划算。而往南區嘅方案，既然經過南丫島，就不妨加埋個站，所以以呢個方案爲前提亦唔見得南丫島有鐵路嘅機會比長洲爲低。至於接駁堅尼地城，除非西博寮海峽中間有大型填海發展，否則起 11.5 公里嘅海底隧道基本上冇可能發生。相反，南丫島不論榕樹灣或索罟灣距離最接近嘅鐵路（即現有嘅南港島綫東段或將來嘅南港島綫西段）只有約 4-5 公里，相比起長洲鐵路嘅計劃應該會平得多。雖然南丫島喺最近嘅人口普查只係錄得六千常住人口，南面亦係受保護地區，但係噉唔表示北面嘅土地以及東面嘅石礦場唔可以好似長洲噉大規模發展，更何況南丫島已經有填海地，再擴大面積亦非不可能預見。綜觀以上原因，我倒係覺得南丫島有鐵路嘅機會比長洲大。
• 至於坪洲，就唔可以同長洲同南丫島嘅情況類比。喺《2014 年度香港行政長官施政報告》入面提到，政府打算喺交椅洲一帶嘅中部水域興建「東大嶼都會」，計劃包括一條由港島西岸經過人工島通往大嶼山嘅鐵路。雖然現階段並冇詳細規劃，但係一條走線如此嘅鐵路似乎有好大機會經過坪洲。因此，順理成章於該處設站，令坪洲有鐵路服務嘅機會都唔細。
• 雖然沙頭角同粉嶺之間嘅人口唔多，但係以前都建有沙頭角支綫，曾經亦錄得盈利，係公路通車之後先至因客量大減而停運。所以，沙頭角有鐵路到達並唔係唔可能，只係視乎點樣製造需求同用乜嘢規格建造。其中一個方法，就係擴建邊境通道，容許市民從東部過境，又或者同時營辦貨運綫供鹽田港嘅商品往來香港（有去過沙頭角嘅朋友可能會知道嗰度唔少貨車出入）。
• 打鼓嶺有鐵路嘅機會其實比沙頭角仲大。喺政府嘅規劃大綱圖入面，坪輋一帶已經有大片土地改劃爲露天貯物用途，喺呢區將來有埋香園圍過境通道連接公路（興建中）服務嘅時候，就難保唔會變成發展項目。另外，深圳方面亦正興建地鐵 2 號綫連接蓮塘口岸，興建鐵路經坪輋及打鼓嶺前往接駁成爲第三條鐵路過境通道亦不無道理。
  

雖然嗰張圖大體上的確有啲異想天開，不過我覺得有唔少細節，例如荃屯鐵路噉，都值得探討下可行性。

Concordatio 發表於 2017-1-25 21:49

東平洲、塔門呢兩個島的確如你所講唔太可能有鐵路接駁（in fact 任何渡輪以外嘅交通工具都唔太可能） ...

最主要係大家應該係估到張圖係幻想出來的﹐不過這些幻想部份係有機會實現﹐或者已經有初步計劃。

在有根據的幻想路線 + 全幻想的路線同時顯示出來﹐便會令到大家疑幻疑真﹐唔係咁易分辨真假。


#1張圖其實我無認真去睇﹐因為一看到東坪洲之類的離島﹐已經知道係幻想圖。

粗糙看﹐入面係有一些路線係值得研究﹐甚至係值得興建﹐但我唔打算去逐條去探討。

例如屯門-荃灣﹐政府都已經研究過﹐只係客源未達標。但如果係去到沙田一帶﹐情況又唔同講法。
這一點﹐之前討論這條路線的文章﹐我早已講過了。

kei_hk 發表於 2017-1-25 21:59
最主要係大家應該係估到張圖係幻想出來的﹐不過這些幻想部份係有機會實現﹐或者已經有初步計劃。

在有根 ...

請問喺邊條帖可以搵到你有關荃屯鐵路嘅見解呢？
（新手上路，唔太識搜尋，請見諒。）

kmbdennis 發表於 2017-1-24 23:32
係呀！一幅比一幅激！可信性有保留！可能是鐵迷的純屬玩野性質！

人地寫明「狂想」寫明「fantasy」點會唔係玩野？
當茶餘飯後講下笑就得，我求下你地千祈唔好當真。

如果起到0甘密真係差唔多唔駛再要巴士服務，但問題係部份地勢高
站如果有壞lift就會有消化唔到人流塞人問題，仲有有0的站如果起lift
上到地面部lift有6/70層樓距離係米真係合經濟原則起站．

當然0的乜蒲台島，東龍洲有鐵呢0的睇完當笑話算吧．．．

3asv6 發表於 2017-1-26 17:31
如果起到0甘密真係差唔多唔駛再要巴士服務，但問題係部份地勢高
站如果有壞lift就會有消化唔到人流塞人問題，仲有有0的站如果起lift
上到地面部lift有6/70層樓距離係米真係合經濟原則起站．

當然0的乜蒲台島，東龍洲有鐵呢0的睇完當笑話算吧．．．

不過例如深圳市就真係想起夠廿條地鐵線

四字作結：
零分重作

DIH 發表於 2017-1-26 14:02
人地寫明「狂想」寫明「fantasy」點會唔係玩野？
當茶餘飯後講下笑就得，我求下你地千祈唔好當真。 ...

我係第一幅圖既！都仲有啲呃到我既！但當第二幅圖既出現時！
本人已經醒覺的了！
知道是純屬鐵迷的幻想傑作！

kmbdennis 發表於 2017-1-24 23:32
係呀！一幅比一幅激！可信性有保留！可能是鐵迷的純屬玩野性質！

如果是這樣我們去哪裡也保鐵了，因為在那圖中，鐵路太方便了