MP7866@82K 因車長與巴士迷爭執，需警方處理

九巴目前僅存的 AVBW (MP7866) 今日傍晚行走82K線，不過晚上8時左右巴士駛到大圍街市時，車長與車上巴士迷發生爭拗，結果車長「劈車」中斷行程，並有警員到場處理。據網上流傳片段，該車長曾要求車上巴士迷停止阻塞通道、「嘈喧巴閉」及停止拍攝，不要再「搞搞震」，但車上巴士迷則繼續拍攝，反駁指香港沒有肖像權。另有片段顯示車長拒絕讓乘客下車，巴士迷則指車長非法禁錮，「要開就而家開」，並表示會把片段交予傳媒及作出投訴。


(截圖轉載自網傳影片/相片)

影片連結

宜家D行記越來越無禮貌

今次真係「再嘈車都唔開!」
不過支持車長出聲處理！

如果影響行車 / 乘客
車長處理合情合理！

而家d巴膠 (唔係巴迷) 真係好痴綫
我都唔識形容

成日都話鐘意果樣嘢
唔係應該更加知道規則
同埋會遵守番咩？

btw 睇某網行蹤分享
有人話遲兩分所以要投訴

VK4642 發表於 2024-8-27 21:58
宜家D行記越來越無禮貌

最悲哀係車上面其他乘客竟然幫個行記唔係幫個司機

有個鹹魚仲要兇個司機話去運輸署投訴個司機投訴到佢有黑名單搞到佢咩車揸唔到

VA73@2A 發表於 2024-8-27 22:19
最悲哀係車上面其他乘客竟然幫個行記唔係幫個司機

有個鹹魚仲要兇個司機話去運輸署投訴個司機投訴到佢有 ...

阻到乘客的行程﹐就係司機有錯﹐當然唔會幫司機啦。

kei_hk 發表於 2024-8-27 22:23
阻到乘客的行程﹐就係司機有錯﹐當然唔會幫司機啦。

即係「我要返工論」的變種版

中肯一句，始終車長可能不習慣大場面（行記），在心理上，始終太多鏡頭會好容易造成壓力（始終每個人的心理和想法都不同，敬請尊重同包容）而近年愈來愈多行記為了拍攝巴士/行車片，做出危險行為， 就算你時辰八字硬都好，都唔建議做出危害自己或他人的行為，而令都大眾產生一個負面嘅印象

先講巴迷,九巴乘客守則列明不得高聲談話,影響司機,好明顯係唔文明做法,睇full video過後,多次辱駡車長,好明顯有重大過失.影車唔係問題,但唔應阻塞通道
另外,遲兩分鐘就投訴人地,不近人情,亦唔好怪人地唔比你錄,係你自己搞人地先
至於路人乘客,有兩人因受牽連而多次連同巴迷挑釁辱駡司機,好明顯亦有過失
最後就司機,渣得7866就肯定預左有人影,如果有合理原因唔想上鏡應該講清楚,起碼有商量,亦唔會招致不滿。至於擺街唔開門,我覺得當下有需要,因爲會有風險,例如不良巴士迷趁機逃走,而面對眾怒辱駡下相對冷靜地應對,我覺得係專業表現

VA73@2A 發表於 2024-8-27 22:19
最悲哀係車上面其他乘客竟然幫個行記唔係幫個司機

有個鹹魚仲要兇個司機話去運輸署投訴個司機投訴到佢有 ...

可能都係巴膠嚟

JA5674 發表於 2024-8-27 22:39
可能都係巴膠嚟

片入面有兩個中年大叔有份鬧個司機