特首對六四的言論

原帖由 df9321 於 17/5/2009 21:18 發表

基本上,佢同毛澤東,都係不理人民死活的領導人...

咁講唔係好公平，如果佢真係唔理人民死活，繼續文革咪得囉。

原帖由 3ASV196 於 2009-5-17 22:40 發表
其實有d唔明, 曾特首點解會犯呢d錯, 唔理其政治意向, 咁講法的確係重大錯誤...
即使係民選, 都不能講代表大部分/所有人吧...而且更加唔係tim...

當然, 其實曾生有關講話內容, 其實係無正面回答有關問題...
在其位, ...

一個有正常 EQ 既人係唔會係果種場合講埋 d 咁唔見得人既野啦

原帖由 df9321 於 2009-5-17 21:18 發表
所以我唔明點解D人仲當鄧小平係神咁拜...
基本上,佢同毛澤東,都係不理人民死活的領導人...

其實同238x意見一樣, 咁講真係唔係咁公平...

鄧小平係改革開放的政策上, 實際地其實係幫左好多好多中國人
改善生活, 亦令中國更切實地放眼世界..係近代中國進步好重要的一環

經濟特區的設立, 一國兩制的概念, 呢d都係相當有智慧的領導思想...

從中, 睇到鄧小平係有為人民著想的...

如果輕易地話他是一位不理人民死活的領導人, 實在是不公平,
也不是真正面對歷史之全部的睇法...

剛在網上找到崔少明先生的最新專欄文章，
若有閱讀《信報》習慣的朋友亦可在報上看到。
文中有論及曾特首、范太等人的言論，
又從最新關於趙紫陽先生的書中再一次分析六四，
頗具參考價值：
http://tsuisioming.blogspot.com/2009/05/blog-post_18.html

另外，據是日《都市日報》，社民連立法會議員陳偉業
昨日會見廣東省副省長後，認為副省長「對六四問題的
回應是意料之內，但態度寬容，減少了敵對的氣氛」。
以此看來，大家的互動做得頗得體。

原帖由 238X 於 2009-5-17 23:04 發表

咁講唔係好公平，如果佢真係唔理人民死活，繼續文革咪得囉。

同樣道理，某些不支持平反六四的人士，其所持「平反六四就會郁動
鄧小平政策，否定佢對改革開放的貢獻」的理據，同樣不能成立。

原帖由 238X 於 2009-5-18 09:26 發表
另外，據是日《都市日報》，社民連立法會議員陳偉業
昨日會見廣東省副省長後，認為副省長「對六四問題的
回應是意料之內，但態度寬容，減少了敵對的氣氛」。
以此看來，大家的互動做得頗得體。

以社民連o係立法會內既作風，陳偉業既舉動同回應已經好溫和
算係好來好去，而且經過曾生代表全港市民之後
陳偉業講呢句，可能真係發自內心都未定

原帖由 238X 於 2009-5-18 09:26 發表
剛在網上找到崔少明先生的最新專欄文章，
若有閱讀《信報》習慣的朋友亦可在報上看到。
文中有論及曾特首、范太等人的言論，
又從最新關於趙紫陽先生的書中再一次分析六四，
頗具參考價值：
http://tsuisioming.blogspot.com ...

AHHA 社民連d人, 相信係內地, 都係唔敢"輕舉妄動",
以激烈行為去"博出位"....某程度上, 都係好事...

有關文章, 的確幾好, 香港的領導人才, 仍然需要改善,
尤其文中提及的 PQ....

香港回歸前, 一直由英國人管治, 到回歸後, 則可港人治港,
但這似乎在實際實行時出現問題, 就是人才的真空, 香港並
沒有一個成熟的領導者, (即使俾泛民人士上場, 其實我估計
都唔會好得去邊, 尤其在這分化的社會), 無論議員, 定官員,
講錯野, 做錯野都唔少(如議員都會申報錯誤等), 好易"出事"...

講返特首, 其實我個人就覺得佢真係有心搞好香港的, 好似
豬流感一事, 政府處理上大為進步, 避免社區爆發的措施,
亦係有目共睹 (當中如果要搵一d批評, 一定有, 但肯定唔多,
亦未必合理)

而政策上, 近年都無咩非常重大的錯誤(如85000政策, 23條推行),
反而, 現在的問題往往出現係一d小事上, 如生果金, 講錯野....單是
講錯野, 已經係好多近年的政治重點....(尤其在小事化大的傳媒手法下)

的確, 高級官員, 講說話, 日後真係要加倍小心...

(其實同意之後有版友講, 特首呢個位, 的確難做)

原帖由 S3BL100 於 18/5/2009 12:41 發表

同樣道理，某些不支持平反六四的人士，其所持「平反六四就會郁動
鄧小平政策，否定佢對改革開放的貢獻」的理據，同樣不能成立。

真正原因不是這個理據本身，
而是當權者擔心有人用這個理據玩謝他們。

當然，不用這個理據，還是可以玩謝他們的。

原帖由 S3BL100 於 2009-5-18 12:41 發表


同樣道理，某些不支持平反六四的人士，其所持「平反六四就會郁動
鄧小平政策，否定佢對改革開放的貢獻」的理據，同樣不能成立。

但事實上, 的確有呢d思想存在, 樓上有位版友已經咁諗...

如果從政局的穩定性方面去睇, 有關人士的擔心, 也不是全無理據bor

當然, 就個人而言, 我覺得可以分得開的....

其實我唔太喜歡"平反"一詞, 我會鍾意用"面對"多d, 講真, 現在中國的領導人,
都不再是89年一d, 那時的領導人, 包括鄧小平先生, 都過身了, 要點追究,
都唔係重點了....現在中央是避開/避而不談, 多於否認有關事件 (見社民連議員
的問題及官員的答法)某程度上, 覺得中央政府有一個包袱, 唔敢去開, 只求
不變的穩定...

正如上面有版友提出, 有關事件不是某一方的全錯, 要管理13億人的需要, 亦
唔係易事(直言, 我都會覺得當時學生的行動, 對國家好危險, 但不代表其意見係錯),
我個人都唔敢對有關事件一口定下一個結論(當年我只有6歲, 但我記得d畫面),
而20年不是短的時間, 究竟現時應否去面對及正式解決有關問題呢, 值得思考...

當然, 我會同意, 國家的穩定, 都係非常重要的考慮因素...

原帖由 3ASV196 於 18/5/2009 14:28 發表

那時的領導人, 包括鄧小平先生, 都過身了...

但江澤民、胡錦濤二人的上位都和 89 年的事有關。
趙紫陽說「我來晚了」時，站在他身後是溫家寶，更是廣為人知。