九巴 84M Special 試搭
本帖最後由 DS510 於 2026-4-5 23:39 編輯上年九巴實行咗 82X 84M 重組
84M 非繁改為循環運作
當時第二日去試搭咗一程，喺度分享下過程 :D
非繁的 84M 電牌會顯示為 84M Special
後來 81K 經大圍特班好似都有加個 Special
富安總站都有幾個客上車，一路去到鄉議局再上客
然後第一城沿途幾個站都有 3-5 位乘客，亦有乘客落車
過埋廣源後有約 30 個客上大老山隧道
計埋落車可能接近 40 個客，唔算太差
出到九龍後，乘客主要在四美街同黃大仙落車
亦有部份乘客上車，樂富之後一路到龍慧樓先再有客上車
而本人喺九龍區落咗車，冇搭返去沙田
由富安花園到樂富再到黃大仙用時約 70 分鐘
如果再返到富安花園可能接近 2 小時
睇得出當時唔少客都未熟悉新模式
部份在站頭研究張通告
甚至有乘客仍在 82X 站位等車 :dizzy:
聽聞改動初期 84M 循環班次拖卡都幾嚴重
依家樂富設定時點，唔知情況有冇改善到 :o
本帖最後由 Man@MFHK 於 2026-4-5 14:43 編輯
其實邊個天才諗出嚟？同一個號碼玩大半日特班仲要走線型式都唔同。
開個新號係咪真係咁難？叫84又好84S又好，好過依家咁樣奇奇怪怪又難理解，剩係得巴迷先明咩事。
樂富循環點，更重要嘅理由應該係順便俾卡佬落車鬆一鬆交埋水費，如果唔係老龍塞兩塞兩個鐘都未必落到地。
由富安花園到樂富再到黃大仙用時約 70 分鐘 如果再返到富安花園可能接近 2 小時
唔怪得倒晒堆客落屯馬綫
tonyng 發表於 2026-4-5 15:11
唔怪得倒晒堆客落屯馬綫
連89D呢啲要轉一程地鐵都快過巴士而跌客嘅時候，呢條線基本上同屯馬線平衡想唔倒走晒啲客都唔得啦
Man@MFHK 發表於 2026-4-5 14:39
其實邊個天才諗出嚟？同一個號碼玩大半日特班仲要走線型式都唔同。
開個新號係咪真係咁難？叫84又好84S又好 ...
一日 3 線
遲早82X 變埋 84M 特都唔出奇😂
而家加咗定時點之後拖卡係冇咁嚴重，幾乎冇再見過84M拖卡，而且而家84M啲佬似乎普遍都去快咗，富安去樂富60分鐘內有可能搞得點，耐唔耐就見人見智
合併咗之後其實每一程都唔會話好少客，但始終班次比以前密，盤數有冇靚仔咗就難講
不過到頭來而家最大問題似乎都係樓主講嘅時段問題，話就話有特別電牌 distinguish 返，但係始終個安排都係混亂，唔知過咗大半年沿線啲人開始熟個安排未 天空之神 發表於 2026-4-5 16:03
一日 3 線
遲早82X 變埋 84M 特都唔出奇😂
簡單啲84M全日轉Special走線，82X轉兩味算啦⋯⋯
Man@MFHK 發表於 2026-4-5 16:15
簡單啲84M全日轉Special走線，82X轉兩味算啦⋯⋯
其實而家都差唔多
不過你想九巴再蝕多啲？
Togepi 發表於 2026-4-5 16:10
而家加咗定時點之後拖卡係冇咁嚴重，幾乎冇再見過84M拖卡，而且而家84M啲佬似乎普遍都去快咗，富安去樂富60 ...
夜晚坐過兩次石門返樂富大概半個鐘就到，其實都OK，日頭就肯定慢。
天空之神 發表於 2026-4-5 16:17
其實而家都差唔多
不過你想九巴再蝕多啲？
蝕乜？
你都話依家都差唔多，只係想84M唔好玩到咁複雜，依家亂過當年62X、259D好多。