KE7066 發表於 2026-5-20 15:36
專利二批雙輪椅為 W1 B5 買，之後買嗰 5 部歐六都無搞呢啲奇怪嘢
其實依家頭擔都裝行李架，B車係咪真係仲需要多個標準行李架喺梯後都係好問題，寧願佢雙輪椅當水塘用，多喼嗰陣又可以俾班客擺喼，好過裝行李架物理封殺載多幾個人嘅可能性。
Man@MFHK 發表於 2026-5-20 12:17
前有九巴一口氣買10部E500EV，今次城巴大佢一倍買20部Wrightbus，我都想知城巴有乜嘢線可以食得晒20部雙 ...
巴士仔買個10架AED全部放係1A,9仔,7仔呢堆彌敦道線和安記招標線下,黃鬼呢廿部WRIGHT電車應該會放係20,20A,581呢堆招標線和核心區的690S,5B都應該優先安置的路線既.(反正兩巴鬥買電車應該都係放係低排核心線,招標線為優先考慮既服務之一):lol
Man@MFHK 發表於 2026-5-20 16:17
其實依家頭擔都裝行李架，B車係咪真係仲需要多個標準行李架喺梯後都係好問題，寧願佢雙輪椅當水塘用，多 ...
非常同意
同埋今時唔同往日
好多來往關口嘅人實際都係 Day trip
過一晚好多人都係一個袋搞掂
B 車好多時打爆，但根本一個篋都無，成個行李架都係吉
ENS529 發表於 2026-5-20 00:06
搭290A見識過同時有三張輪椅，
其中兩架要摺埋咁嚟搭...
雙輪椅車=大水塘，又可以做PR話自己傷健共融，仲可以做招標籌碼；喺電車到可以減輕架車負擔再延長range，對巴士公司嚟講根本冇可能唔喺電車裝雙輪椅位
RyanPun 發表於 2026-5-20 07:16
雙層電巴嚟講，周圍買新嘢試我覺得唔出奇，連呢間ADL死忠唔係第一時間買E500EV，就知道推電動巴士某程度上 ...
九巴可能真係唔滿意，但係城巴試完滿意都唔奇，但係話自己冇興趣嘅，Wright見你咁大間公司要退咁多車，好自然會過嚟低價拗單，我會覺得係談判技巧，咁先可以有360萬一架
Fuk19805 發表於 2026-5-20 19:54
九巴可能真係唔滿意，但係城巴試完滿意都唔奇，但係話自己冇興趣嘅，Wright見你咁大間公司要退咁多車，好 ...
滿唔滿意可能視乎咩價錢
雖然唔知香港版幾款車實際表現差異
但以英國版推算，Electroliner賣點同Enviro EV無明顯差異，未必俾到九巴想要嘅燒鵝脾味道（長續航）
不過去到而家349萬呢個蔗渣價，計埋資助隨時平過傳統車，用呢個價買得都應該降低要求，唔奢望要燒鵝脾味道
HV7025 發表於 2026-5-20 20:07
滿唔滿意可能視乎咩價錢
雖然唔知香港版幾款車實際表現差異
但以英國版推算，Electroliner賣點同Enviro E ...
咁我又好奇，以英國計，electroliner同EV 實際用落嘅評價邊個好啲?
RyanPun 發表於 2026-5-20 20:20
咁我又好奇，以英國計，electroliner同EV 實際用落嘅評價邊個好啲?
睇平時英國巴士迷討論，兩間電動車好似真係無邊個特別優／劣
係公認Wrightbus電動版比201x年出嗰啲柴油Streetdeck/Streetlite大幅進步，嗰啲舊柴油車就真係壓倒性負評
啱啱係咁二問下AI，比較Streetdeck Electroliner同Enviro400EV，都係voith電機，電量續航理論值大同小異，司機同巴士公司comment都無邊間好有優勢
而英版一架都要40幾到50幾萬鎊
而家城巴港版價錢係遠遠平過英版，可想而知幾超值
如果真係用呢個價錢，就算九巴之前對佢表現無興趣，都可能會考慮睇送食飯
本帖最後由 RyanPun 於 2026-5-20 21:26 編輯
Fuk19805 發表於 2026-5-20 19:54
九巴可能真係唔滿意，但係城巴試完滿意都唔奇，但係話自己冇興趣嘅，Wright見你咁大間公司要退咁多車，好 ...
老實講，我係認同價錢係有影響嘅，3百幾萬嚟講、買油車都要有一定數量先做到呢個價錢。
依家20部電車，平均3百幾萬一架，廠方求銷量又好、真心想搵買家sell自家product都好，
我就咁用行外人視覺睇落，同年頭說法其實都有幾大出入，似乎一開波就有人吹大咗，
如果部車真係講到咁差，大可以只係拎部樣板嚟試，直接落單買20架直頭over哂。
RyanPun 發表於 2026-5-20 21:24
老實講，我係認同價錢係有影響嘅，3百幾萬嚟講、買油車都要有一定數量先做到呢個價錢。
依家20部電車，平 ...
其實我唔覺得九巴係有結論
佢似乎係連邊個牌子好啲都無結論，早前出嘅標書都反映佢仲想試，所以年頭無啦啦話佢唔收 Wright 架樣辦個 rumor 我已經覺得唔合邏輯
都係嗰句，九巴無可能唔知 Wright 砌緊架樣辦俾佢，呢個 spec 如果九巴一早無表示興趣，Wright 應該係直情唔會開發
依家城巴買車個價錢扣埋政府資助，已經平過早年買 B8L 少少
不過 20 部加埋慳咗個差價，好似都仲未夠 cover 之前一部 8910 比柴油巴士貴咗個差額，食水好深下
同埋之前唔係話 Walkman 有第二部樣辦送過嚟咩？
又搞晒設計比賽咁，咁呢架嚟唔嚟？下次係咪佢做瑞士山區肺四圍兜售？