FBI2 發表於 2026-4-22 23:26
放學時間有11落山
所以我前面先有諗過，5C拉長去富山(類似當年11拉長但入黃大仙總站自轉)，5縮返彩虹兼減返價就可以解決曬幾個問題兼唔洗郁11
S3BL100 發表於 2026-4-23 11:30
呢個年代當然係盡可能唔開咁多不必要既班次，你目的都只係想平車做到某個班次而唔係滿足地區由有變無既願 ...
好，我講緊每個鐘頭開多一班車，你就跳咗去講用車數目。
咁我哋就計下用車數
3B 行7部，RPP話5部
21 行4部
11K 行6部
3B 變11 係無加車嘅，如果殺3B 21 收返9-11部車，放返兩部落去11K 都仲有7部以上做其他嘢，執好5C定係做其他嘢，我無意見。收返9部車，慳番幾千萬一年添。
2E 係你講嘅，唔係我講嘅，我亦都唔係話要2E 加車定係減車。我提出嘅係，本身2E同11K係下路未至於可以叫做完整嘅替代，所以無提過。甚至乎我話2E 上到宋王臺嘅，2E保得住20分鐘一班，11K 同 21 撤出迴旋處以南，只要搞得掂九龍城<>紅磡站價錢牌，冇問題。
減少路線數目嘅角度大家亦都冇分歧喎，我無表達過唔可以Cut 6F，3B 21 我都冇話要留，而你亦都冇覺得11K要死。
慈雲山要唔要換線我無意見，慈沙線由 89B 縮短 同 286M取消 嘅年代已經講緊，去到今時今日，唔覺得3B可以成就得到。至於2P，佢全日就係Upgrade 2F 兼搶客，係唔係真係有好處，一半半啦，但係3B 以外到時2F要交數都係意料之中。
去到十三街嘅問題就推返落12A，咁最後即係 3B 11K 21 12A 每個鐘頭9班車變5班車，然後一條20一條30嘅情況之下，就係拖卡嘅局面，而家呢一刻就係咁樣。如果頻密10分鐘一班，夾好開車時間，11K 同 12A 都可以做得到。
你嘅角度係加兩部車落11K 蝕幾百萬，我嘅角度係3B 21 取消之後，只係9部車收少兩部車落11K，並唔係新增資源。
講左咁耐，5C都唔見得好穩陣，就算唔係下路嘅問題，昨天佢可以因為5X 5P 開辦，輾轉跌落16；就算今天下路真係比兩部車5C 行10/12分，明天佢都可以因為拉長5號上慈雲山Cut 11 而跌落。講咁耐，係11K 30分鐘一班，3B 21 取消，可以保住5C 班次，根本係一個偽命題，因為5C 班次，並唔係單純因為下路而影響，可以係5P加班，可以係拉長5仔，或者係你所謂嘅「換線」客量增長，就跌落16分鐘一班。
就講 793 九龍灣商貿區，有旺角紅小全日運作，有X6C，點會無競爭對手，由九龍城去到旺角，由弼街去到深水埗有X6C，有客嘅放工時段，X6C自己都做緊10分，最黃金嘅放工時間仲有一堆特別車分流。至於非繁，商貿區同住宅區玩法本來就有分別。臨華街行落德福，其實同翔龍灣行去土瓜灣站入口相差不遠，都係大約800米。如果班次12/15分鐘啲客就走，咁又點解去到今日無人再講793應該變返796C，放棄流水。坐係巴士上面嘅時間，行程時間，其實同5C 6C 唔係真係咁大差別。
呢個例子係話緊比你知，市區線大家對班次嘅敏感度，普遍嚟講係15。15分鐘之下，西行佢只係啱啱平紅小少少，貴X6C 幾蚊，一樣儲到客。
先唔好講我最開始冇話5C要點，只係當你執著於11K 一個鐘頭只係值得兩班車嘅時候，我去反問咁點解唔可以5C行12，11K行20，再者係如果10跌落15係咁大問題，咁點解講到果兩部車先走去講5C應該執走16做返12，問題唔係第一日出現。點解11K 3B 21 由30分鐘有3班，跌到30分鐘得1班係冇問題。而家下繁，1550-2000 嘅11K 行緊25分，連埋21，佢哋係5C 16分時段(1802-1938) 嘅紅磡站係行緊呢個班次
1750－21
1755－11K
1820－11K+21
1845 - 11K
1850 - 21
1910－11K
1920－21
1935－11K
1950－21
2000－11K
兩個鐘頭行緊10班車，0-25 嘅班次，係由15:50 持續到20:00，即係話即使唔講3B，單係11K 同21，120分鐘入面，平均12分鐘一班車。
然後3B，1705-1935 嘅 25分鐘一班，係完完全全同11K貼著開車嘅，嘉里開出去紅磡南道，同紅磡站開，注定拖卡。咁呢個根本唔係冇客，而係刻意製造拖卡互相做低載客率。
而家11K東行尾班車0000，21係0015。講真，如果21唔死，11K執到30分鐘一班，同21夾，每15分鐘一班，唔係做唔到喎，只係九巴刻意將個班次做到10-20咁，然後尾班車執返個15。
而家如果得返11K，12跌落20，只係想班次唔好跌多過兩級，計埋3B 嘅話，平均班次由10變成20，已經講緊跌3級(10>12>15>20) , 做返20 係唔係真係咁大問題。如果10-20平線，嚴格嚟講係0-20嘅平價路線，真係無市場價值嘅，咁點解唔係11K 一條20做咗佢就算。
今時今日已經唔可以期望所有路線組合有同價替代，呢句說話正正就係而家最唔合理嘅地方。而家唔係無替代服務，甚至唔係無同路嘅服務，唔係叫你比現有水平開多班車，只係話加個分段做替代，執好開車時間，有咁難咩。
呢個係一個商業決定，但係都係果句，餐廳加價我可以諗食其他嘢，月租調整可以搬走，但係巴士服務係民生服務，唔係個個乘客都可以選擇轉身離開落月台，呢個正正係點解政府本身要設立車費表，要審批服務改動嘅原因。
對於公共交通服務嘅期望，要一而再、再而三去降低，呢個唔係社會應該要出現嘅現象。由優質服務，去到有車開仲想點，呢十幾二十年，似乎我哋失去嘅，係對呢個世界唔好變壞嘅心。燒錢嘅唔係想穩定平價服務嘅人，而係九巴自己開緊拖卡去載空嘅決策者。點解要加價，係因為係蝕錢嘅時候，佢無考慮過調整開車時間，就直接減減減。減完一次，班次依然係重疊嘅，咁乘客就流失。市場萎縮，除咗開通新鐵路，九巴自己嘅作為，都係好大部份嘅原因。
11K Keep 20分鐘一班，唔係要增加市場佔有率，只係想佢鞏固現有嘅市場。即使一條11K開30，5C 又能唔能夠真係保持10分鐘，又有邊個可以保證。即使6F消失，6C又能唔能夠真係保持10分鐘，又有邊個可以保證。出返去主頁，見到一堆減班Post，都係決定對自己好啲，行落地底更開心
3B 11問題係
九龍站開所有班次都係上慈雲山
所以拎架3B上山都講唔到幾多
反而係11已經單邊完全上山
即係3B遲早不留
S3BL100 發表於 2026-4-23 10:53
我自己其實對 5A 5D 8P 合唔合併無乜好強烈意見，但你好似計錯數
今年交左8A出去
以前大家覺得8A廢都會留佢
依家睇似乎要重新再評估
不過呢個年代
任何重組既前提
都係睇替代路線有幾多
可唔可以取代晒原有路線
換轉以前巴士迷提269B取代8A一定比人鬧
但當九巴都咁做
即係佢已經將呢樣野合理化
不過用30X/269B取代8A
都唔用8取代8A
呢個問題值得諗
kay 發表於 2026-4-23 19:10
今年交左8A出去
以前大家覺得8A廢都會留佢
本身九巴也不喜歡8號，一直被小巴8號打，師兄這樣推斷，也不知道九巴會否對8號有搞作了。
反正現在因為長者2元和2折優惠，議員說要做多些雙向分段收費，長途車取代虧損短途車似乎也是大勢所趨。
本帖最後由 FBI2 於 2026-4-23 19:24 編輯
chunwah1908 發表於 2026-4-23 15:54
好，我講緊每個鐘頭開多一班車，你就跳咗去講用車數目。
咁我哋就計下用車數
其實巴士公司都想乘客體驗巴士服務開心D架,前題係肯俾十幾廿蚊坐幾個站囉.
否則,就算送客俾MTR,都只會說"好夾唔送".
紅土就係正正中晒呢個死穴,屯馬加東鐵過海初期,紅土區巴士客量其實唔係跌好多,但日子耐左就一路係咁跌.
我用一個例子,就係港股,股災跌一日3000點,其實如果唔係借錢炒,其實唔恐慌,大把基金會重整一下再谷番個市上去,但最大鑊係2020至2023年,港股陰跌足4年,呢D先係輸大錢.
而家紅土堆巴士線就係咁既情況.
其實唔止九巴,城巴一樣會玩陰乾,不過城巴一見唔對路就識手起刀落,減過籠就再加番.九巴反而陰住減,減極都仲有得減,區內係得條2E真係減過籠要加番.
以11K為例,就算3B和21都瓜晒,11K一樣冇加班空間. 再者,我唔覺得短期內可以斬晒呢2條,中長線就唔敢講. 現時區內仲有11B和5C頂得住班次(不過5C都幾肯定仲有得減),要平既搵
11B和12A可以,呢2條我唔信會搞到全日30(雖然8P我都唔信,但事實真係夠膽落30,希望殺左8A後,8P可以加番D班).
如果真係計死數,5和11都係高危之一.
LN9267 發表於 2026-4-23 19:15
本身九巴也不喜歡8號，一直被小巴8號打，師兄這樣推斷，也不知道九巴會否對8號有搞作了。
如果COPY 8A式重組
8P唔會係紅土線搵野取代
而係油尖沙咀/尖東拉線去海逸
2+8P都比左個明顯HINT
269B取代8A又比另一個HINT
紅磡南北流水射晒比30X
不過如果係11X尾段食左8P
應該無人反對
反正11X有免死金牌
一車做幾水客應該有數圍
但城巴又有眼睇796X唔去尖東
兩巴都當D客臭
kay 發表於 2026-4-23 19:24
如果COPY 8A式重組
8P唔會係紅土線搵野取代
九巴8仔衰極都仲有用,冇咁易收工.
chunwah1908 發表於 2026-4-23 15:54
好，我講緊每個鐘頭開多一班車，你就跳咗去講用車數目。
咁我哋就計下用車數
「放返兩部落 11K 都仲有 7 部以上做其他野」，我上面咪同你講左今時今日當然係盡可能唔開咁多不必要班次，你放返兩部落去根本就同呢個前提背道而馳，都係反駁唔到我呢點。有多至少七部車又點？就可以隨便燒錢？淨係 2P 半全日都要加多三部車落去（已經計埋 2P 而家果一部車）。無錯你可以話呢兩部車唔係新增資源，但唔係新增資源都改變唔到差別係一年幾百萬銀呢個事實，呢筆錢係咪你課金？
反正真係斬 3B，我雖然反對樓主言論，但富山作為受影響最大地區，對比起下路只係少左班次，事實係前者一定有更大主導權。你唔好主客不分，人地而家往來深長荔同沙田直頭係無。服。務！有無錢賺我唔敢妄下定論，但至低限度一定比起留喺 3B 或者無啦啦倒落 11K 燒錢又搵唔到新客好好多
又，如果有平車真係咁緊要，咁如果 3B 21 一齊斬晒，係講緊彩雲同成條彩虹道都無平車往來十三街同下路喎，你幫佢地出左聲未？如果 3B 21 斬晒之後 11K 仲要倒過來加班搞到 5C 再跌一級落 12 分一班，到時彩虹道往來下路一小時 10 班變五班車無左一半班次，但 11K 明明無咁多客都夠載就反而多一半班次（已經唔計 11K 只得竹園先係真獨巿，樂富打後假假地都有 7B 75X 同 85 系互搶），你唔覺得呢件事好有問題？
如果你有追開呢篇主題，你應該有留意到我有提過 21 如果唔斬可以考慮來回改經鳳德道兼縮落浙江街調頭變循環。當然我咁做係想長遠配合 10 分屍大計，呢條 21 唔做就會變成另一條線要加班，埋單用車數目都係差一部咁大把。但以你能力你都未必理解我點解要咁做
至於你話 5C 唔見得好穩陣，如果 11K 開 30 分一班 5C 都要落 12 分，咁 11K 開 20 之後 5C 係咪要落 15 分一班，呢個班次仲吸到咩客，你又係從來無正面回應過。5C 穩唔穩陣根本就唔係藉口。仲有而家 5C 下繁開 16 分一班並唔係非繁都可以開 12 甚至 15 分一班既理由。反正成件事邏輯就同 6 6C 仲有對面海 5B 10 非繁密過繁忙時間幾似（唔代表我同意 5C 下繁開咁難睇班次），下繁本身就係放工客多散客少，非繁散客隨時仲多。你試下非繁都開 12-15 分一班仲有咩散客街坊客？再拎咩 793 去比都係轉移視線，793 流水客種類同客群同 5C 6C 做緊街坊客有得比？
你嘈咩而家專登夾唔好班次開 0-25 分一班都無意思，係人都知咁做係要做低載客率，但咁都夠載就意味你就算拉返勻班次都係會浪費唔少剩餘運力，反正客就得咁多。仲好意思想 11K 同客量高一大截 12A 夾班次，12A 平日下晝都開 15 喎，係咪又要為左你要夾班次要減落 20 玩客？
講咁耐你都係唔肯面對同正面回應你以為幫緊客實際就害緊人然後要其他人幫手埋單呢個事實，似是而非論據就一大堆。呢個帖唔係淨係得我一個人回應過你，你有時間不如回應下其他版友先。
dcyw 發表於 2026-4-23 08:20
不少上課日路線其實都只提供早上服務，難道相關學生們放學時不懂使用其他方法、路線？
但係3B本身係一條全日路線，冇理由淨係得早繁單向