xdxd 發表於 2026-4-23 07:14
咁講啦，雖然我都廢時同佢嘈，
但係有啲人真係好過分。當跟佢嗰份大計，5A/5D/8P併完仲死都要開30，每個 ...
而家5D和8P繁時15至20，非繁30，5A繁時25至30，非繁30，如果三合一，繁時15至20，非繁30，唔覺得有乜問題。如果架車載客率達標，非繁再加番班。
我都住過紅磡灣，知道8P既功用，以前係駁鐵駁船專線，當然仲有行街客。可是，而家樓下有鐵，因為有鐵所以駁船既客少了一大截，同時有步行徑出尖沙咀，行街客又少一大截。以前一架雙層頂閘，而家頂多大半滿，非繁更加唔駛講。雖然8P唔係話極差，但九巴而家玩到非繁30，不如搵其他線合併，趁而家5A, 5D, 8P三條累鬥累。
當然，如果想加番去20至25，搵2去併8P可能好d，但2遲早都落到30。
不過咁講，下年老九續專營權，短期內唔會有大動作，要郁線都等2028。
98C290 發表於 2026-4-23 01:08
唔熟沙田區啲線 但89都算俾人陰乾緊 佢算唔算嚴重虧損？
你講重點放棄嗰幾條確實應該殺線 係冇諗到8P竟 ...
89俾人陰乾除收費太便宜外，88和88X兩條線𠝹走左89 d客
講真，為左滿足富山板友提出反對取消3B非繁忙時間服務講到46板
另一邊廂，203E減班，部份班次為30分鐘一班。即係為11延長至慈雲山中作準備。
樓主表示反對取消3B非繁忙時間服務，會影響富山區近一萬名居民往來富山及九龍城/下路需求。而下路有不少人要靠3B前往鑽石山殯儀館/學校邨和斧山道運動場。取消3B非繁忙時間服務會影響他們需求。
剛才另一板，表示要3B維持現狀先可以滿足到樓主要求。否則5需要加班最少10分鐘一班，先滿足樓主提及到富山區＜＞九龍城需求。
事實上就係需求原因令到3B要減班。
FBI2 發表於 2026-4-23 08:45
而家5D和8P繁時15至20，非繁30，5A繁時25至30，非繁30，如果三合一，繁時15至20，非繁30，唔覺得有乜問題 ...
師兄，8P每日實際非繁開緊20喎。都唔使叫你日日入嚟數車，開ETA望下唔難啩。又未到27號。
九龍灣5A/D每個鐘四班車，紅磡8A/P五班車。無反對過供過於求，無反對過可以好啲運用資源。減車/拆樓/換電/合併加價， why not?5D所謂加密變20，其實兩邊實際上都係少咗車，然後黃埔/海逸客加價兩級，啱晒你嗰範。都未計5D快咗呢啲好處。
你識話有海皮可以行，但係實際上呢？永安上/落客可以多過天星，明明仲近紅磡。仲有海皮11年先開，嗰陣8P做緊二奶，仲未食得晒轉船客，非繁15分鐘一班，未加大。冇反對過佢跌客，咁事實上轉船同轉鐵客係跌得甘，行街客都因為海港城頹所以少咗/轉去Musea，但其實以非繁20分嚟計，海逸+黃埔兩站至少坐得滿一架電床，我又認為加埋5A嗰少少同埋下路執下5C雞，新5D用電床喺紅繞係可以企人喎。啲蛋拎走去其他區咪得。
(同埋成日話差嘅話就唔好泊架電床喺海逸啦，攞蛋出嚟燒油？)
S3BL100 發表於 2026-4-23 02:15
如果你有睇上文下理，你應該知道我係比較緊一小時兩班 11K 對比一小時三班 11K 既分別。事實係 11K 自己 ...
單講11K佢的確而家係30分鐘一架，但係時空背景係3B 21死咗嘅時候，少咗4部車開返1部落去11K, 用你嘅計法，一年慳返成千萬。11K 2班變3班，就會分薄5C，咁假如2E 係同11K 可以一齊比較，咁25分變20分，每個100分鐘Cycle 都開多班車，用你嘅說法，佢都分薄緊5C 6C。
當初個討論，我無拉過2E落水，係因為馬頭角道果邊並沒有2E，亦都無覺得要拉埋2E去講下路向九龍城方向嘅組合。但係假如你提出嘅嘢係2E 25 變20，配合12A 保住20，我唔反對佢個效益係好過11K。只係係前面大家有探討2E繼續向東行嘅時候，甚至脫離浙江街以東嘅一段土瓜灣道嘅時候，係呢個討論基礎之下11K 上返20係一個合理嘅諗法。
呢度唔同人講緊唔同嘅組合，當我回應緊果一堆組合(11D/11K/3B/21)嘅時候，你話11K 唔值得開20，拉埋2E去講呢一組線，咁其實呢個係另一個討論。
假如2E 同11K 係可以直接比較嘅，又或者2E上埋宋王臺嘅，咁3B 21 收工，2E保住20，配合11B保持20，咁11K 30分鐘對下路嚟講，Fine。廣義上嚟講，大家講下路路線，就係由工聯會<>紅磡街市呢一段，2E本身係呢段路係仲有1/3未行。
紅磡站平台本身係講緊假如11K讓路11D，咁紅磡站就會消滅$6樓下嘅價位去土瓜灣，我係講緊紅磡站個Catchment 本身唔係單純紅磡站，影響嘅人唔係小。當然可以話5C係一個選項，只係假如俾得起5C，其實上106連紅磡灣都唔洗兜添。假如西行去紅磡灣同埋紅磡站嘅平價路線係2E 12A 就可以解決得到嘅問題，果段路其實已經步行行咗10分鐘，咁其實步行本身都可以係解決方法，呢個亦都係我係39M減班嘅時候講，咁樣減法不如起扶手電梯。
你話我偷換概念嘅時候，你望清楚我講5P，我係話5C放車比5P 5X 嘅時候，下路係交咗車出去，去到5X取消嘅時候，今日呢個時空下，覺得11K 3B 21 呢組線不如放多2部落5C，咁呢個就係下路交咗車之後，仲要將兩部車 5.6/5.8 放上 6.7 嘅問題。仲有，16分鐘嘅時段，放兩部車落去5C，唔見得可以上返10分鐘，所謂嘅10分鐘界線，5C亦都失守咗。
我講緊果堆特別車，一係就係Upgrade 一係就係開完出嚟取消就Cut 車，既有嘗試Upgrade 亦有嘗試陰乾主線，不成功便成仁。呢個係事實，呢啲線即使係取消之後，亦都冇見過真係可以安然無恙返本身嘅主線。5P 開線唔係錯，佢做得住亦都係事實。但係5P 同下路本身無關係，亦都唔係下路造成5C 出現16分鐘一班，而係5X啲車倒咗落海，同埋5P 所造成，16分鐘個問題，唔係平線唔肯交車俾5C製造出嚟。而你嘅說法，係下路呢個時候應該「大局為重」，放棄平車，拯救5C。我嘅回應就係，下路嘅角度，咁點解我要比貴啲。
6C 6F 個情況我都講咗，3部車去返6C無異議，加個分段已經可以解決。呢個時候就話唔好諗住減價，咁果3部車從來都係為咗繼續Mark Up 6C 深水埗以南路段而吉車遊街，呢個係巴士公司嘅商業策略，唔係居民嘅錯死攬住6F。
5C問題同樣，加個分段，解決到九龍城<>紅磡站價錢牌嘅問題，我話之你會唔會玩到11K 21 合併放棄迴旋處以南吖。既然你講平價路線27客源夠就唔會死仲可以頻密班次，咁點解呢個時候5C個價錢牌又唔可以做個分段，吸引埋平線客源回流路面交通先。
九龍流水點解唔可以用793比，平均距離長啲，但係時間上坐5C 6C 平均時間同793 分別不大，太子道亞皆老街行車速度快過土瓜灣道紅磡內街，793九龍灣出旺角，同6C 貴州街出發去旺角，其實相差不遠，去深水埗更加有可能793快少少 。我哋呢度講緊班次密度嘅問題，係車程時間同班次密度嘅關係。假如5C班客12/15 唔肯等，咁你所講嘅問題，係你提醒咗5C出現16分鐘時段，長達96分鐘嘅下繁，已經出現咗，兩部車即使落返5C, 12分鐘一班仍然係你呢個說法入面面對嘅問題。
作為市民，我估除咗唔使等咁耐車之外，票價係一個好大嘅因素。都係果句，要快要密要穩定嘅，做得比九巴更好嘅小巴，多的是，屯馬行7分鐘一班都好，佢仍然密過5C 6C 甚至今時今日嘅1A。而家巴士面對嘅處境係，短途線，假如有小巴路線相近，價錢打唔贏，班次打唔贏，舒適度、速度都打唔贏。下路呢個戰區，綠色小巴得28M 26 2A (13就算啦) ，既然班次同速度(步行+車程)都打唔贏屯馬嘅時候，價錢牌同站位就係可以競爭嘅範圍。屯馬短途做緊$6樓下嘅時候，你比條$7 出嚟，唯一可以贏嘅就係班次，然而，有可以做密嘅方法(i.e. 加分段取代平車)，只係大家覺得盈利角度嚟講搞唔掂，咁就不如光明正大加價，同大家講，九巴歡迎各位貴客轉搭其他替代品。
如果堅持同價位替代，叫死lur平車，咁大家不妨去運輸署講講，我諗RPP要諗替代方案解話嘅人，應該會非常樂於聽到大家嘅聲音。如果價錢牌可以無視嘅，其實下路留返Tier 1 (5C 6C 106(A/P) / 半條 28) Tier 2 (2E 11B 12A 75X 85X / 東行22M 西行 608) Tier 3 (11K 61X 85/A 297 796X 115 E23 A25 + 荃灣葵芳紅小) ，呢堆線線做到Tier1 10 分鐘一班 Tier 2 20分鐘一班 Tier 3 30分鐘一班，其實就係對大家來講，最好嘅方案，車都開少幾部，全九龍慳番幾千萬都不是夢。甚至Tier 3到時係唔係再推轉車組合或者單向循環呢啲後話。
南區重組都好多人嘈，但係至少今次城巴重組4 同 971，價錢牌同站位做番足比你，合併4 同48 .... 係預期做返繁時8-12/非繁15分一班，咁大家聚焦嘅，就可以係路線承載量嘅問題，係班次穩定性問題，係有冇需要短途特別車，而唔係價錢問題。
收費架構重組真係冇問題，價錢唔合理嘅時侯，乘客就會搵自己嘅方法，而短途乘客回流平啲密啲嘅小巴(例子綠小26短途分段，四順上落山)，市場多番啲競爭，唔同服務做返好個份工，甚至我之前講，學東京租埋電動滑板車比市民出行，配合唔同客流，我覺得呢個唔係壞事。好似安達臣咁，山上落觀塘，大部分時間用11X 做電梯，Z字逐層逐層落山，唔係唔得，商業角度好成功，係用8.6去做，食相有啲難睇啫。
但係2026嘅香港，收費制度係咁嘅時候，價錢牌就係一個重組要考慮嘅嘢。呢個係呢20版大家都選擇相信比多一蚊無問題，但係RPP要用1頁A4解釋所有影響組合同埋價錢差異嘅事情。
xdxd 發表於 2026-4-23 07:14
咁講啦，雖然我都廢時同佢嘈，
但係有啲人真係好過分。當跟佢嗰份大計，5A/5D/8P併完仲死都要開30，每個 ...
我自己其實對 5A 5D 8P 合唔合併無乜好強烈意見，但你好似計錯數
而家 5D 非繁實際係三部車跑一轉連休 90 分；8P 行車時間兩部車做廿分班都唔係問題，只係縮水慳油所以開半粒鐘一班，相信都會係揸半粒鐘抖半粒鐘果隻
如果合併，參考厹網站行車時間數據，尖沙咀方向如果兜齊海逸同黃埔總站，參考 5D 德福至德民街行車時間應該同 5D 屆時直接由馬頭圍道左轉庇利街入海逸相若，需時 31.5 分，再加海逸至尖碼 15.2 分，一單都要 46.7 分
德福方向無乜理由唔入海逸豪園總站，參考 8P 而家尖碼至海逸需時 12.9 分，再加埋 5D 紅磡邨至德福 29 分，加埋都要 41.9 分
呢個時間非繁係會一單連休畀一粒鐘，你想四部車開廿分班係不可能的任務。四部車開 30 分就差唔多，對比起而家 5D+8P 慳一部車主要係因為 8P 非繁抖太耐。但繁忙時間一轉都畀兩粒鐘就邊緣少少，想開廿分班好可能要七部車，同而家 5D+8P 繁忙時間出車數目無分別
成件事真係要做到有明顯效益，前提係 5A 要收埋檔。但首先啟德往來尖咀係咪一定要有巴士已經係好問題，就算 5D+8P 代都唔會係同 5A 同價而且好似仲慢過 5A。另外就係因為道路網問題，5D 會做唔到紅磡廣場，往德福方向亦入唔到黃埔總站。雖然倒走呢兩度客源應該頂唔到非繁出多一部車成本，但都可能要小心處理
另外就係下路往來尖咀多左條 5D 會唔會攬炒埋條 5C
如果啟德往來尖咀唔係事必要有巴士做，5A 無 5D+8P 都可以收檔。呢一刻問我，真係要象徵式留線我會將 5A 分屍，208 變成廣播道經界限街、九龍城迴旋處駁 5A 原線落尖碼再加雙向分段（行車時間仲短過而家行窩打老道來回），然後 5A 縮短變成啟晴往來九龍城萬能 BBI 線，兩部單層做 15-20 分班，夾埋都好似慳到三部車
本帖最後由 FBI2 於 2026-4-23 11:38 編輯
xdxd 發表於 2026-4-23 10:14
師兄，8P每日實際非繁開緊20喎。都唔使叫你日日入嚟數車，開ETA望下唔難啩。又未到27號。
九龍灣5A/D每個 ...
4月27日起，8P非繁減到30分
另外，如果8P仲開到20分，你覺得我會咁提議嗎？就係因為佢而家要減到30分，我先咁諗呢種合併模式。
chunwah1908 發表於 2026-4-23 10:53
單講11K佢的確而家係30分鐘一架，但係時空背景係3B 21死咗嘅時候，少咗4部車開返1部落去11K, 用你嘅計法 ...
呢個年代當然係盡可能唔開咁多不必要既班次，你目的都只係想平車做到某個班次而唔係滿足地區由有變無既願望，例如我一路講緊既 3B 換 2P 全日或者慈沙線，後者地區責任意義都已經好唔同
11K 開廿分班對比開 30 分班係要用多兩部車，你加得一部落去就唔係開 20 而係開 25，咁倒不如唔好開，齊齊整整做返 30
2E 情況亦無得直接同 11K 比較，因為 2E 獨巿位遠比 11K 更多，甚至仲有一拃同紅土區完全無關既客，社區需要程度遠比 11K 更高。而家人地就因為紅土無 meaningfully 減少路線數目而只係無差別減班而畀你攬炒。其次所謂 25 變 20 主要係講緊週末下晝，本身 2E 已經有廿分時段兼且派緊八部車，甚至有版友提過平日有暗盤加班到 15，想 25 時段變 20 只需要搵多一兩部車出多半日再執下更表已經搞掂，絕對唔係 11K 你要全日加多兩部車燒錢個 level
2E 上唔到十三街，但十三街仲有條 12A 唔該。將 11K 僅有獨巿位再加紅磡站走去同 2E 相提並論，簡直不自量力
如果你真係以下路利益為出發點，真係突左兩部車出來就應該交畀 5C 下繁加返去正常班次，方便下路居民放工由尖沙咀返歸，而唔係倒落條唔到尖咀既 11K 全日燒錢。無錯兩部車只夠將 16 變 12，但 12 分一班都正常過 16 好多。真係想上返 10 分班，執下時間表稍為延遲下晝 8 分時段拉上補下，再逆向微調班次，並唔係唔可能
793 開 15 分一班都仲有客，唔可以同 5C 6C 相比，仲有兩個好重要原因：首先 793 最有價值一段，即係九龍灣商貿區，並無任何有效競爭對手；其次條線唔係由 10 分跌落 15 分一班，而係一開波已經做 15 分一班，情況同厹堆無差別減班流水線根本不能相提並論。5C 6C 都係做街坊生意，跌穿 10 分鐘一班人地仲會賣賬嗎？
好多版友都講左今時今日已經唔可以期望所有路線組合有同價替代，你就唔止仲要期望同價替代能夠至少做到某個而家好多路線都做唔到既班次。如果你覺得下路流水班次同步行距離都無可能打得贏屯馬線，但價錢牌有得競爭，仲覺得一條廿分班平線可以有效地搶到巿佔然後就功德圓滿可以收工既話，你未免同主流乘客點樣選擇交通工具太過脫節，亦唔難明白點解你會有咁多自以為幫緊乘客實際害緊人兼且要多數遷就少數既諗法，包括但不限於認為廿分班 11K + 12 分班 5C 比起 30 分班 11K + 10 分班 5C 更合乎主流乘客利益
仲有，唔係我地覺得盈利角度搞唔掂，而係現實少少，巴士公司唔可能完全唔考慮盈利。佢地有得揀既話，直頭想下路執剩 5C 6C 添，呢度已經無人同意或者建議做咁瘋狂既野。但亦唔好脫離現實認為巴士公司會自願瘋狂燒錢，又或者要其他地區乘客為你地願望而幫手埋單
S3BL100 發表於 2026-4-23 10:53
我自己其實對 5A 5D 8P 合唔合併無乜好強烈意見，但你好似計錯數
有所紕漏，感謝指證。
咁我都唔認同事必要合併兩線，純粹針對住一啲離地發言去表達自己睇法。
但係5D非繁係的確用足4架，喺德褔唔係即補即解；8P佢縮落半個鐘我相信係直接抽走一架，而唔係慳油唔開。
本身諗緊嘅會係100分一單，用5架去跑，跟你計法嘅話需要6架，除非keep住循環。北行我無預過入海逸先得出咁短，視為補償補返係應該嘅；至於紅磡廣場/黃埔總站都係走線選擇而已。鶴園街/民泰街都算係可接受嘅分站步行範圍，後者無得同12A叫兩飛算係可惜。
合併嘅前題當然包括整死埋5A，而去返最開頭，我視5/6C同12A為主軸而整死晒3B/6F/11K同21，但係12A本身班次比另外兩個低一級下，去黃埔比返條5D囉。5C好老實講冇咁易死，唔計新5D嘅話都有28爭食啦。
本帖最後由 xdxd 於 2026-4-23 13:28 編輯
FBI2 發表於 2026-4-23 11:05
4月27日起，8P非繁減到30分
另外，如果8P仲開到20分，你覺得我會咁提議嗎？就係因為佢而家要減到30分， ...
以師兄一貫覺得紅土做嚟都廢事嘅立場下，有咩提議做唔出？
唔否認有啲線真係唔值得做落去/大幅重疊嘅，咁咪斬囉，6F/21/11K呢啲。冇話好反對嘅，又唔係壽司郎咁，咩垃圾都要留。但係下下都拉落30再話無客cut線，有客都比你倒走咗啦。
嫌油貴就唔好成日泊低架電巴啦。