chunwah1908 發表於 2026-4-14 09:02
其實我覺得殺3B 拉11 呢，本身就唔係好大嘅問題，但係轉乘方面就真係要比得足，同埋真係做密一條11K，咁你 ...
11K獨市路段嘔唔到好多客
呢d線係一類潮退時邊個無著褲既情況
當公海區d游離客無晒
先可以真正反映路線實力
11K明顯都係下弦
FBI2 發表於 2026-4-14 09:26
而家就係要做到D最平價線有咁疏得咁疏,等班客頂唔順俾貴D轉會.雖然平車線點都會有班死忠,但用時間去換平D ...
所以最後轉會嘅，就唔一定係其他巴士路線，我要比貴啲嘅，又等得耐嘅就落地底啦，而家坐巴士又唔係一定有位坐，又疏，路面風險又多啲。
同一道理，如果係咁，其實3B 都大可以玩50分鐘一班。而家個情況好似當年未有ETA 啲22-27 分鐘一班車咁，以前就永遠唔知幾點有車，而家就係你知道你等好耐先有車，等唔到?坐其他啦。
咁多年來所謂合併，聯合(一齊到)班次，轉車，最後都係趕晒啲乘客走。同一個總站有關係嘅車，都可以5/20分鐘咁樣開車玩班客，以前11K 21 紅磡站就係咁樣迫你去坐5C。咁嘅服務水平，好難怪大家一有替代就轉會。
咁就真係寧願好似南區38/42 咁，起碼真係感覺到車密咗，而唔係九巴咁又冇咗條線，班次又冇好到，車程仲要耐啲。
你用個例子
6/6A 合併 6 ，6同6F 再想你Upgrade 上6C，而家6C 再想Upgrade 你去X6C, 務求令你$5.6 Up 到$7.8。
見個帖浮返上嚟，唔爭在講下：
上週五晚9點宋皇臺公園燈口往紅磡，路過見到架3B係堅完全無客，真正吉車遊街！
kay 發表於 2026-4-14 10:03
11K獨市路段嘔唔到好多客
其實紅磡站-紅磡街市-翔龍灣-欣榮花園 呢段路唔係無客嘅，只係平價線3B/11K/12A/21 各自開得疏，啲班次唔密，最後就落咗去其他線，好似2E/5C/6C/8/106咁。而當中好多線都係貴一級嘅。
其實如果殺3B/21，咁做返密11K/12A 先可以叫做一個合理要人轉車嘅替代，當然賣大包整個分段做平5C/6C 去轉乘嘅，咁你要再減11K都冇話唔得。
我覺得呢度啲版友大家都係去諗點樣令巴士公司收得多啲賺得多啲。但係呢個其實係雞先定蛋先嘅問題。
舉個例，大家覺得市區線$6.7 先係有得做嘅，咁你6.7 條主線轉乘其他嘢就要做得好啲，例如係純粹補差價，而唔係取消路線之後，坐貴咗嘅，-$4.2之後要再補錢轉車。
其實拉條6C去埋九龍城迴旋處，5C+6C 做下路主幹，平均5-7分鐘送大家去九龍城再轉車，咁可能殺到嘅線就好多。
台北嘅幹線概念其實就真係係呢個減班減車嘅時空值得諗諗，幹線日間唔好疏過12分鐘一班，深夜唔好疏過20分鐘一班
主幹線概念就係
西面下路做密5C/6C，上路做密14/17/26, 亞皆老街做密2A/16/27，界限街就1A/6D
東面彩虹道5C/6D ，慈雲山5C，新蒲崗彩紅1A/2A/14/16/17/26/27，順利順天26/27，樂華2A，九龍灣/觀塘1A/14/16/17，藍田山16，油塘14
然後就係唔過迴旋處東面嘅11K 12A
然後真係純粹補差價，鼓勵大家坐主幹線去轉車有著數，+頻密轉乘。
咁我覺得全程轉埋車就6.7/7.8，就算唔係補差價，我覺得市區線轉車封頂最多都係九龍最貴213X $9.8，起碼唔係獅子開大口，又Cut你直達車，再逼你Upgrade之後再俾多筆錢轉車，仲要唔知等幾耐。轉車體驗唔好，個客就唔會回頭，到時就算你條條線收$10，整體營收可能都細咗，市區做得唔好，又點樣Feed 到班客搬入去新界繼續坐巴士。
做密11K其實好合理，因為獨市路段已經係得1仔，聯合道之後1仔已經向西行，其實11K都冇乜替代可以令佢斬到，咁不如用佢合7M，用頻密轉乘殺埋11D，然後九龍城<>紅磡站加個雙向分段$-0.2，就可以縮埋21做彩雲<>九龍城碼頭就夠。
chunwah1908 發表於 2026-4-14 14:35
其實紅磡站-紅磡街市-翔龍灣-欣榮花園 呢段路唔係無客嘅，只係平價線3B/11K/12A/21 各自開得疏，啲班次唔 ...
我做過田野調查流水係好少
有流水都比返5C做啦
唔係將來5C再減落去
就會有人後悔死攬3B 11K 21 累埋5C
雖然依家都已經發生緊
kay 發表於 2026-4-14 14:54
我做過田野調查流水係好少
其實就係九巴自己搞死班流水客，未開沙中線都已經咁樣玩。現實上黎講106個分段肯平多少少，半個鐘一班特別班拉埋上彩雲，加多個106-116 互轉，直接殺晒3B 21 都得添。唔理隧道車，講到尾5C減個分段加個轉乘，其實11K 縮短埋都得架。
咁多年嚟，有乜理由下路去尖沙咀要食5C，仲貴過5仔。作為乘客，平線減班都算，Cut線要你轉車，你就到第一程ETA 就唔到第二程，去到轉車站有轉乘嘅車走咗，呢啲事情時常出現。其實運輸署都真係要考慮下咁樣製造價格差異同埋服務質素咁跌落去，其實係唔係要重新審視成個服務係唔係仍然用呢個模式。
至於之前咁講，Cut 3B , 甚至 Cut 21本身都唔係問題，問題係轉乘就真係同公司同路都應該要比，大方啲，你先保得住班客唔落地底，11 或者 27 個轉乘就唔好淨係11K 12A，包埋落紅磡落九碼嘅車，倒返轉方向你包條頻密嘅26+27/3D+3M 觀感都好好多。
舉個例，黃竹坑上車入香港仔，你基本上唔需要考慮太多，除咗4 38 41A 同過海車，其他都係4.2，咁班客就可以見車就上，唔駛同你死等48/78，先養得住班人唔會去晒競爭對手。
chunwah1908 發表於 2026-4-14 14:35
其實紅磡站-紅磡街市-翔龍灣-欣榮花園 呢段路唔係無客嘅，只係平價線3B/11K/12A/21 各自開得疏，啲班次唔 ...
要做密既，唔係11K，而係5C。
可惜，而家5C都自身難保。
chunwah1908 發表於 2026-4-14 15:29
其實就係九巴自己搞死班流水客，未開沙中線都已經咁樣玩。現實上黎講106個分段肯平多少少，半個鐘一班特 ...
唔好咩都話九巴搞死先
最少有5C 6C 17 26仲有密車
3B 客量不濟都係事實
佢d下弦朋友應該都差唔多水平
kay 發表於 2026-4-14 14:54
我做過田野調查流水係好少
5C啲流水係跌咗
而家都集中係尖沙咀同家維邨一帶
一過咗下路啲客就開始少
仲要條線收得平都幾唔啱紅公司心水
Jamesho81 發表於 2026-4-14 18:36
5C啲流水係跌咗
而家都集中係尖沙咀同家維邨一帶
一過咗下路啲客就開始少
行彩虹道既多數無運行
慈雲山嫌慢OK 但5X都唔會全日到
飛得多站死得越快有案例可援